Neiham 2:1 - Kriol Baibul

¹ Ol yumob pipul langa Ninaba, yumob luk na! Det ami weya garra binijimap yumob bin kaman blanga fait langa yumob na. Wal yumob garra meigim miselp redi blanga fait. Ola solja blanga yumob garra jidan redi deya langa det taun, en dei garra wotjimbat det roud du,

Neiham 2:1 Iomraidhean Croise

Sekan Kranakuls 25:8

Yu mait reken olabat brabli strongbala blanga fait, bat God garra larram detlot enamimob bidim yu, nomeda yu fait brabli adbalawei. Im na meigim yu win det fait o im na larram detlot enamimob bidim yu.”

Ola Saam 50:14

Mi na det Boswan God, en ai wandim yumob blanga gibit mi dijan sekrifais ofring na. Ai wandim yumob blanga gibit theingks langa mi, en dum ebrijing yumob bin pramisim langa mi.

Ola Saam 65:2

Dumaji yu oldei ensim ola preya, pipul brom ebriweya garra kaman langa yu.

Aisaiya 14:6

Olabat bin oldei jidan brabli krulwan, en nomo bin stap dumbat nogudbala ting langa ola pipul brom ebri kantri.

Aisaiya 29:7

En detlot krulbala pipul hu kaman en faitfaitbat langa yu en meigimbat yu oldei abumbat loda pein, dei garra gowei kwikbala, jis laik det drim weya gowei wen yu gidap brom silip.

Aisaiya 29:8

En ol detlot pipul brom najalot kantri hu kaman en fait langa det bigwan hil gulum Saiyan, olabat garra jidan hanggriwan en thestiwan. Olabat garra oldei abum drim weya im abum blendibala daga en woda, bat olabat garra gidap brom silip stil hanggriwan en thestiwan.” Lagijat na YAWEI bin tok.

Aisaiya 52:7

Luk! Brabli gudwan mesinja kaminap langa det hil! Im bringimat gudnyus blanga Jerusalem. Im tok, “Ai garram gudnyus blanga yumob. God bin seibum yumob. Yumob garra jidan gudbinjiwei. Blanga yumob God, im jidan king na.”

Jeramaiya 25:9

wal ai garra jandim ol detlot pipul brom nowathwei, en det wekinmen blanga main gulum King Nebakanesa brom Bebalon. Ai garra bringimap olabat blanga fait langa ola pipul langa Juda en langa ol detlot frenmob blanga Juda. Ai garra binijimap ol dislot pipul, en ai garra libum olabat rabishwan olagijawan. Im garra jidan brabli nogud.

Jeramaiya 50:23

Basdam detlot Bebalon pipul bin fait en bitsimap ola najalot kantri, jis laik det hema weya bitsimap ebrijing, bat det hema im nogud na, dumaji detlot enami bin binijap detlot Bebalon pipul. Ola pipul brom det najalot kantri bin gedimbat shok nomo lilbit wen deibin luk wanim bin hepin deya langa det kantri.