Neiham 1:7 - Kriol Baibul

⁷ Wal YAWEI im gudbala, en wen im pipul olabat abumbat trabul, im oldei lukaftumbat olabat, en im oldei maindimbat detlot pipul hu trastim langa im.

Neiham 1:7 Iomraidhean Croise

Fes Kranakuls 16:34

Gibitbat theingks langa YAWEI, dumaji im na brabli gudbala, en im laigim melabat olagijawan.

Fes Kranakuls 5:20

Deibin trastimbat langa God, en deibin oldei prei langa im blanga album olabat, en God bin ensim olabat preya, en deibin bidim detlot Heigrait traib en olabat frenmob.

Sekan Kranakuls 13:18

Det amimob blanga Juda bin win, dumaji deibin trastim langa YAWEI det trubala God blanga olabat grengrenfathamob.

Sekan Kranakuls 32:11

King Hesakaiya, det king blanga yumob, dalimbat yumob YAWEI det trubala God blanga yumob garra seibum yumob brom mi. Bat im dalimbat yumob laiyawan stori en yumob garra dai dumaji yumob garra jidan hanggriwan en thestiwan.

Sekan Kranakuls 32:21

Wal YAWEI bin jandim einjul blanga binijimap ol detlot solja en boswan blanga det Asiriya amimob. Wal det king bin gobek langa Asiriya, en imbin brabli sheim miselp. Wandei wen imbin go langa det serramoni pleis blanga im drimin, sambala san blanga im bin kilim im ded garram bigwan naif.

Sekan Kranakuls 32:8

dumaji YAWEI det God blanga wi im garra album wi en fait blanga wi. Detlot Asiriya solja oni odinri pipul en deibin kaman garram olabat ronwan pawa.” Ol dislot wed weya det king bin tok bin album detlot Juda pipul na.

Esra 3:11

Deibin sing en preisim YAWEI det trubala God en deibin tok, “YAWEI det trubala God im gudbala en im laigim ola Isreil pipul olagijawan.” Wal ebribodi bin jingat brabli adbala en deibin preisim YAWEI det trubala God dumaji deibin stat pudumbat det flopat langa det Serramoni Pleis.

Ola Saam 1:6

God oldei maindimbat detlot gudbala pipul, bat detlot nogudbala pipul wok langa det nogudbalawei weya garra meigim olabat dai.

Ola Saam 100:5

YAWEI im gudwan. Im laigim im pipul olabat olagijawan. Im garra oldei dum wanim imbin pramis.

Ola Saam 20:1

Larram YAWEI det trubala God ensim yu preya wen yu abum trabul. Larram im neim, det God blanga Jeikob, kipum yu seifwan.

Ola Saam 25:8

Dumaji YAWEI det trubala God oldei dum ebrijing raitwei en im gudwan, wal im shoum detlot nogudbala pipul hau blanga jidan raitwei.

Ola Saam 27:5

Wen trabul kaman, YAWEI gin blandim mi langa seifwan pleis. Im gin blandim mi langa im Serramoni Pleis. Im gin pudum mi langa haibala ston, weya nobodi kaan gajimap mi.

Ola Saam 37:39

YAWEI im seibum ola gudbala pipul, en lukaftumbat olabat wen olabat abumbat trabul.

Ola Saam 37:40

YAWEI im album en seibum olabat brom ola nogudbala pipul, dumaji olabat go langa im blanga kipum olabat seif.

Ola Saam 46:2

Wi kaan bradin nomeda if dijan graun im sheiksheik, en nomeda if ol detlot hil buldan insaid langa solwoda.

Ola Saam 50:15

Wen trabul kaman, jingat langa mi. Ai garra seibum yumob, en yumob garra preisim mi.”

Ola Saam 59:16

Bat main God, ai garra singim song blanga yu blanga det strongwan pawa blanga yu. Ebri moning ai garra singim song blanga yu filing blanga laigim olagijawan. Yu oldei jidan main seifwan haus. Wen trabul kaman langa mi ai go langa yu blanga kipum mi seif.

Ola Saam 71:3

YAWEI, yu jidan jis laiga bigwan ston weya ai gin go enitaim blanga jidan seifwan. Yu main seifwan haus en yu fait blanga mi.

Ola Saam 86:7

Wen trabul kaman ai jingat langa yu, dumaji yu oldei ensim mi.

Ola Saam 9:10

Detlot pipul hu sabi yu YAWEI, olabat garra trastim yu. Yu nomo libum en gowei langa enibodi hu kaman langa yu.

Ola Saam 91:15

Wen dei jingat langa mi, ai garra ensim olabat. Ai garra jidan garram olabat wen dei abum trabul. Ai garra seibum olabat, en ai garra lidimap olabat haibala.

Prabebs 18:10

Wal YAWEI det trubala God im brabli strongbala jis laik det strongbala haus weya detlot pipul hu oldei dumbat ola gudbala ting gin go blanga jidan seifwan.

Aisaiya 25:4

YAWEI, yu oldei maindimbat ola powan pipul en detlot pipul hu garram trabul. Yu wulijim det shelta brom win en rein blanga olabat. Yu wulijim sheid tri langa hotwan san weya barnimbat pipul. Detlot strongbala en krulbala enami weya kaman blanga faitfait, dei jis laik det brabli strongbala stom weya garra binijap ebrijing. Bat stil oni yu na YAWEI oldei maindimbat olabat.

Aisaiya 32:2

Det king en im wekinmenmob garra jidan jis laik det brabli seifwan pleis weya ola pipul gin go en blandim miselp brom det rein en win. Olabat garra jidan wulijim det riba langa deset kantri, en wulijim det bigwan ston weya gibitbat sheid brom det hotwan san.

Aisaiya 50:10

“Ol yumob pipul hu rispek langa YAWEI en dum wanim im wekinmen oldei dalim yumob blanga dum, nomeda yumob wokwokbat langa dakbala roud nomo garram lait, yumob kipgon trastimbat det neim blanga YAWEI det trubala God blanga yumob.

Jeramaiya 16:19

Wal aibin prei, “YAWEI, oni yu na oldei maindimbat mi en yu oldei meigim mi jidan strongbala. Yu oldei albumbat mi olataim wen ai abum trabul. Pipul brom najalot kantri garra kaman langa yu en tok, ‘Melabat grengrenfathamob oni bin abum laiyinbala drimin. Olabat bin nogudwan.

Jeramaiya 17:17

Yu nomo bradin mi! Oni yu na det pleis weya ai oldei jidan seifwan wen trabul kaman langa mi.

Jeramaiya 24:5

“Wal mi na YAWEI det God blanga ola Isreil pipul. Ai reken detlot pipul weya deibin deigidawei langa Bebalon, olabat jis laik dislot gudwan fig daga, en ai garra lukaftumbat olabat kainbalawei.

Leminteishans 3:25

“YAWEI im oldei kain langa ebribodi hu oldei jinggabat en trastimbat im,

Denyul 3:28

Wal det king bin tok, “Preisim det God blanga Shedrek, Mishak en Ebadinago. Imbin jandim im einjul blanga seibum olabat, dumaji deibin bilib en trastim im. Olabat nomo bin duwit langa main wed. Olabat bin reken im mobeda blanga gibit olabat laif, dumaji dei nomo bin wandim pudumdan olabat feis langa graun en weship langa main drimin sheip, dumaji olabat bin oni bilib langa olabat ronwan God.

Denyul 6:23

Wal det king bin brabli gudbinji en imbin gibit oda langa im wekinmen olabat blanga pulumap Denyul brom det hol weya detlot laiyan bin jidan. Wal olabat bin pulumap Denyul na, en olabat bin luk detlot laiyan nomo bin ardim im, najing, dumaji imbin trastimbat langa God.

Jowal 3:16

Wal det taim na YAWEI garra jingat brabli adbala brom det hil gulum Saiyan. Im garra jingat jis laiga thanda brom Jerusalem, en det graun en det skai garra sheiksheik. Bat God garra maindimbat im pipul olabat en lukaftumbat olabat wen det ting garra hepin.

Sefanaiya 3:12

Bat ai garra libum ola lobala pipul hu nomo meigim miselp haibala deya langa Jerusalem. Wen dei garra bradin dei garra prei langa mi blanga lukaftumbat olabat.

Methyu 27:43

Imbin trastim God, en imbin reken im det San blanga God. Wal wi garra luk if God garra seibum im.”

Methyu 7:23

Bat ai garra tok, ‘Ai nomo sabi yumob. Gowei brom mi ol yumob nogudbala pipul!’

Jon Bin Dalim Det Gudnyus Blanga Jisas Det San Blanga God 10:14

“Yu si? Mi na det gudwan stakmen. En main Dedi sabi mi, en ai sabi main Dedi, en seimwei ai sabi main ship olabat, en dei sabi mi du. En mi redi blanga dai blanga olabat.

Jon Bin Dalim Det Gudnyus Blanga Jisas Det San Blanga God 10:27

Ai sabi main ship olabat, en dei irrim mi, en dei bulurrum mi,

Romans 11:22

Yu si? God im brabli kainbala. Bat im brabli admen du. Im kain langa detlot pipul hu kipgon bulurrum det wei blanga im. Bat im admen langa detlot pipul hu tenim miselp brom im. En if yumob nomo kipgon bulurrum det wei blanga im, wal im garra kadimof yumob du.

Galeishans 4:9

Wal tudei yumob sabi God. O maitbi ai tok, God im sabi yumob. En dumaji yumob sabi im, wal wotfo yumob oldei wandi gobek langa ol detlot ting weya kaan album yumob en gibit yumob enijing? Wotfo yumob wandi jidan wekinmen blanga detlot ting weya dei gulum drimin igin?

Sekan Timathi 2:19

Wal nomeda sambala pipul trai en deigidawei ola Kristjan pipul brom det trubalawei, bat stil nobodi kaan breigimdan det brabliwan tjetj weya God bin meigim, dumaji imbin pudum dislot wed na langa det tjetj. Imbin tok, “Jisas Krais det Bos im sabi ol detlot pipul blanga im.” En imbin tok, “Ebribodi hu reken im blanga Jisas Krais garra libum det nogudbalawei olagija.”