Neiham 1:5 - Kriol Baibul

⁵ En wen YAWEI jandap lida langa ola bigwan hil, detlot hil oldei sheiksheik, en ola lilwan hil oldei go fletwan du. En wen YAWEI shoum miselp, det graun im sheiksheikbat en ola pipul langa ebri kantri bradin brabliwei blanga im en sheiksheikbat nomo lilbit.

Neiham 1:5 Iomraidhean Croise

Sekan Semyul 22:8

“Wal ola graun bin sheiksheik. Nomo lilbit ola graun ebriweya bin mubmub, dumaji God bin gitwail langa im enami olabat.

Job Wotfo Gudbala Pipul Abum Trabul? 26:11

En God bin pudum detlot pol blanga holdimap det skai wulijim im kaan buldan. Wen imbin toktokbat, tharran meigim ebrijing sheiksheik nomo lilbit.

Job Wotfo Gudbala Pipul Abum Trabul? 9:5

Wen God jidan brabli wail, im gin mubumwei bigwan hil bifo wi gin sabi.

Ola Saam 104:32

Wen im luk langa dijan kantri dijan kantri sheik nomo lilbit. Wen im tatjim ola bigwan hil smok kamat.

Ola Saam 114:4

Detlot bigwan hil bin jampjamp wulijim nenigout, en najalot hil bin jamparanbat wulijim yangwan ship.

Ola Saam 114:6

Ol yumob bigwan hil, wotfo yumob bin jampjamp wulijim nenigout? En ol yumob hil, wotfo yumob bin jamparanbat wulijim yangwan ship?

Ola Saam 18:7

Wal ola graun bin sheiksheik. Nomo lilbit ola graun ebriweya bin mubmub, dumaji God bin gitwail langa im enami olabat.

Ola Saam 18:8

Imbin jis laik imbin meigim smok kamat brom im nos, en imbin jis laik imbin meigim brabli hotwan faiya kaman brom im mawus weya garra barnimap im enami olabat.

Ola Saam 46:6

Wen God garra jingat jis laik det laitining weya im meigim bigbala nois, detlot pipul brom najalot kantri garra bradin brabliwei. Detlot boswan brom detlot kantri kaan jidan boswan enimo. En det graun garra binij.

Ola Saam 68:8

det graun bin sheik en rein bin buldan, dumaji yu na God, det God hubin tok langa Sainai, en yu na det God blanga ola Isreil pipul.

Ola Saam 98:7

Solwoda, en ola enimul weya jidan insaid langa solwoda jingat gudbinjiwei. Kantri en ebrijing weya jidan langa kantri, sing du.

Eksadas 19:18

Wal bigmob smok bin gaburrumap det hil, dumaji YAWEI bin kamdan langa det hil garram faiya. Detmatj smok bin gidap jis laik brom bigbala faiya, en det hil bin sheik, en ola pipul bin bradin brabliwei,

Aisaiya 24:1

“Wal trubala YAWEI det trubala God garra binijimap dijan wel, en im garra meigim dijan wel jidan wulijim deset kantri. YAWEI garra spredimatbat ola pipul ebriweya langa dijan wel.

Aisaiya 24:20

Dijan graun garra jidan wulijim drangginbala hu oldei buldanbat, en wulijim det tent weya yu oldei pudumap wen det bigbala rein kaman garram win. Ol detlot nogudbala pipul bin meigim dijan wel nogud. Im garra buldan olagijawan, en im kaan gidap igin.

Aisaiya 5:25

Wal yumob blanga YAWEI pipul, indit? Bat yumob bin meigim im brabli wail na, en im garra panishim yumob garram im brabli strongbala pawa. Ol detlot bigwan hil garra sheiksheik nomo lilbit, en ola dedwan bodi garra leidan oloba langa det strit, wulijim ola rabish. YAWEI garra kipgon panishimbat yumob. Lagijat na im garra dum.

Jeramaiya 10:10

Bat yu, YAWEI, yu na det brabli trubalawan God. Yu na det brabli laibalawan God, en yu na det olagijawan king. Wen yu wail brabliwei yu meigim dijan wel sheiksheik nomo lilbit, en ola pipul hu jidan langa dijan wel oldei bradin wen yu wail.

Jeramaiya 4:24

Aibin luk langa detlot bigwan hil. Detlot hil bin sheiksheikbat nomo lilbit, en detlot hil bin mubabat ebriweya.

Isikiyel 38:20

Ebrijing weya im jidan laibala langa dijan wel garra bradin langa mi en sheiksheikbat nomo lilbit, ola fish en bard en wailwan enimul en ol detlot enimul weya wokwokbat garram binji langa graun, en ola pipul. En ola bigwan hil en ola taun garra buldan du.

Jowal 2:10

“Wal wen detlot grashopa kaman lagijat, det graun en det skai garra sheiksheik, en det san en det mun garra go dakbala, en ola sta kaan lait enimo, dumaji YAWEI im jingat adbala langa det ami blanga im.

Eimos 9:5

“Wen YAWEI det brabli boswan God tatjim dijan graun im meigim dijan graun sheiksheik nomo lilbit en loda pipul dai. En detlot hu jidan laibala kraikrai blanga olabat. Ola graun langa dijan wel gidap en godan jis laik det Riba Nail.

Maika 1:4

en wen im pudumbut detlot hil, detlot hil garra meltap jis laik det weks weya meltap langa faiya, en detlot meltapwan hil garra bilimap ola beli jis laik woda weya im randan brom hil.

Hebakak 3:10

Wen detlot bigwan haiwan hil bin luk yu, deibin sheik nomo lilbit, en rein bin buldan brom skai. Det woda bin boilap brom andanith det graun, en det solwoda bin gidap haibala.

Sekaraiya 4:7

Nomeda yu garram bigwan wek, en nomeda yu garra abum loda trabul, bat detlot trabul kaan stapam yu Serababal, yu garra kipgon, nomo enijing kaan stapam yu. Yu garra pudum det laswan ston ontop langa det Serramoni Pleis, en ola pipul garra jingat, ‘God yu lukaftum dis Serramoni Pleis! God yu lukaftum dis Serramoni Pleis!’ ”

Melakai 4:1

Wal YAWEI det haibala bos im tok, “Yumob irrim mi. Det dei garra kaman wen ai garra binijimap pipul jis laik det bigbala faiya binijimap olabat. Afta ai garra binijimap ol detlot praudbala pipul jis laik det faiya weya barnimap ola draiwan gras. Wal ai garra binijimap detlot pipul brabliwei, jis laik det faiya weya im barnimap ola rutpat en ola wadi en nomo enijing jidan.

Methyu 27:51

Wal seimtaim wen Jisas bin dai, det bigwan ketin insaid langa det seikridwan rum langa det Serramoni Pleis bin breik brom top raidap langa bodam, en ola graun bin sheik nomo lilbit, en ston bin breik ebriweya,

Methyu 28:2

en det graun bin sheik nomo lilbit, en wan einjul blanga God bin kamdan brom hebin, en det einjul bin pushumwei det ston dowa brom det keib, en imbin jidan deya gin langa det ston weya imbin pushumwei.

Rebaleishan 20:11

Brom deya aibin luk bigbala waitwan tjeya, en aibin luk det sambodi hubin jidan langa det tjeya, en ola graun en skai bin ranawei na, binij olagija.

Rebaleishan 6:14

Ola skai bin binij jis laik deibin rolimap peipa, en deibin shifdimbat ola hil en ola ailin du.

Jadjis 5:5

YAWEI det trubala God blanga ola Isreil pipul bin kaman iya. YAWEI det bos blanga det hil gulum Sainai bin kaman iya, en ola najalot hil bin sheik wen imbin kaman.