Nambas 9:8 - Kriol Baibul

⁸ Wal Mosis bin tok, “Yumob weit basdam. Ai garra askim YAWEI.”

Nambas 9:8 Iomraidhean Croise

Sekan Kranakuls 20:17

bat yumob kaan fait langa detlot ami. Yumob garra jis jandap deya en wotjim wanim YAWEI garra dum langa detlot enami. Ol yumob pipul brom Juda en Jerusalem, yumob kaan bradin. Yumob garra bidim detlot enami dumaji YAWEI garra jidan garram yumob olawei!”

Ola Saam 25:14

Ol detlot pipul hu dum ebrijing weya God wandim olabat blanga dum, wal im gudfren blanga olabat. Im kaan nokambek im strongwan pramis langa olabat.

Ola Saam 85:8

Lisin langa wanim YAWEI det trubala God im toktok langa wi. Wi jidan im ronwan pipul olabat. Im pramisim wi blanga jidan gudbinjiwei if wi nomo gobek langa wi nogudbalawei.

Eksadas 14:13

Wal Mosis bin tok, “Yumob nomo wandi bradin! Yumob nomo wandi ranawei! Yumob garra jandap en luk wanim YAWEI garra dum blanga yumob. Im garra seibum yumob tudei na, en ol detlot ami deya kaminap langa roud, yumob kaan luk olabat igin.

Eksadas 18:15

Wal Mosis bin tok, “Ai garra dum lagijat, dumaji ola pipul oldei kaman langa mi blanga faindat wanim God wandim blanga olabat.

Isikiyel 2:7

Yu garra dalim olabat wanim aibin dalim yu nomeda olabat jadimap olabat irriwol en nomo irrim langa yu. Bat yu garra kipgon toktok langa olabat, nomeda olabat brabli nogudbala pipul.

Isikiyel 3:17

“Isikiyel, ai wandim yu garra jidan jis laik det men hu oldei wotjimbat en yu garra dalim detlot Isreil pipul dijan woning brom mi.

Labidakas 24:12

Olabat bin wotjimbat im en olabat bin weit raidap YAWEI garra dalim olabat wanim olabat garra dum langa im.

Nambas 15:34

En deibin lokimap im, dumaji dei nomo bin sabi wanim olabat garra dum langa im.

Nambas 27:5

Wal Mosis bin dalim YAWEI wanim olabat bin tok,

Nambas 9:7

en deibin tok, “Melabat nomo klinbala blanga serramoni, dumaji melabat bin tatjim dedwan bodi. Bat wotfo wi kaan gibit det ofring langa YAWEI garram ola najalot Isreil pipul?” Lagijat na deibin tok.

Nambas 9:9

Wal YAWEI bin tok langa Mosis,

Jon Bin Dalim Det Gudnyus Blanga Jisas Det San Blanga God 17:8

En aibin gibit olabat ol detlot wed weya yubin gibit mi, en deibin bilib langa detlot wed, en dei sabi trubala aibin kaman brom yu, en dei bilib yubin jandim mi.

Jon Bin Dalim Det Gudnyus Blanga Jisas Det San Blanga God 7:17

en ol detlot pipul hu wandi dum wanim God wandim olabat blanga dum garra sabi brom weya det wed bin kaman. Dei garra sabi det wed bin kaman brom God. Nomo main ronwan wed.

Eks Hau Det Gudnyus Blanga Jisas Krais Bin Spredat Ebriweya 20:27

If enibodi brom yumob garra go langa det helfaiya, wal im nomo main folt tharran, dumaji aibin dalimbat yumob ebrijing blanga det nyubalawei blanga God. Ai nomo bin blandim enijing brom yumob.

Fes Karinthiyans 11:23

Ai kaan tok gudbalawei blanga yumob, dumaji aibin gibit yumob det wed weya Jisas Krais det Bos blanga wi bin gibit langa mi. Bat yumob nomo bin teiknodis langa det wed. Wal iya na det wed weya Jisas Krais bin gibit langa mi. Langa det laswan nait bifo det men neim Judas bin hendimoba im blanga dai, Jisas bin gajim det daga,

Fes Karinthiyans 4:4

En ai nomo wori en kotim miselp blanga enijing weya aibin dum if im gudwan o nogudwan du, dumaji nomeda det filing blanga main im gudwan insaid, bat stil det filing kaan meigim mi jidan trubala langa God. Yumob sabi? Nobodi kaan kotim mi en faindat if mi trubala langa God. Oni Jisas Krais det Bos blanga wi gin kotim mi, dumaji im na main Bos.