Nambas 8:17 - Kriol Baibul

¹⁷ Wen aibin binijimap detlot fesbon san blanga detlot Ijip pipul, aibin pikimat detlot fesbon sanmob brom detlot Isreil pipul, en ola fesbon blanga ola difrinkain enimul.

Nambas 8:17 Iomraidhean Croise

Ola Saam 105:36

YAWEI bin kilim ded ola feswan san blanga ola femili langa Ijip.

Ola Saam 135:8

Langa det kantri Ijip imbin binijimap ola men en ola enimul hubin bon fes.

Ola Saam 78:51

Imbin kilim ded ola boi hubin bon fes blanga ola femili langa Ijip.

Eksadas 12:29

Midulnait na YAWEI bin kilim ded ebri feswan san blanga ola Ijip pipul. Imbin kilim ded ola feswan san blanga ola prisana hubin jidan langa jeil raidap langa det feswan haibala san blanga det king, en imbin kilim ded ola feswan boiwan enimul du.

Eksadas 13:2

“Det feswan boi weya ola Isreil gel abum en det feswan boiwan enimul weya yumob enimul abum, ol detlot na yumob garra gibitbek olabat langa mi.”

Eksadas 29:44

Ai garra meigim det Tent en det teibul jidan seikridwan, en ai garra kadimat Eran en im san olabat blanga jidan serramonimen en wek blanga mi,

Isikiyel 20:12

En aibin gibit olabat det Sebathdei, dumaji im det speshalwan dei blanga meigim olabat jinggabat det pramis weya wibin meigim mijamet wulijim olabat garra sabi mi na YAWEI en aibin meigim olabat holiwan.

Labidakas 27:26

“Wal ebri fesbonwan gabigabi o gidigidi o lilwan ship im blanga main, wulijim nobodi kaan gibit blanga friwan ofring langa mi,

Nambas 8:18

Det Libai klen na, garra deigim pleis blanga detlot fesbon san blanga detlot Isreil pipul.

Jon Bin Dalim Det Gudnyus Blanga Jisas Det San Blanga God 10:36

En wotabat mi? God bin pikimat mi blanga jandim mi langa dijan wel. Wal wotfo yumob reken aibin tok nogudbalawei wen aibin tok mi det San blanga God?

Jon Bin Dalim Det Gudnyus Blanga Jisas Det San Blanga God 17:19

Mi meigim miselp jidan seikridwan wulijim olabat du garra meigim miselp jidan brabli seikridwan du.”

Hibrus 10:29

Wal wanim yumob reken garra hepin if enibodi nomo laigim det San blanga God en tridim im brabli nogudbalawei? En wanim yumob reken garra hepin if im tridim det blad blanga det pramis blanga God weya bin meigim im fri seim laik odinri blad? En wanim yumob reken garra hepin if im tok nogudbalawei blanga det Holi Spirit hubin brabli kain langa im? Yu sabi? Deibin oldei panishim det sambodi hu nomo bin duwit langa det lowa. Bat God garra panishim brabliwei det sambodi hubin tjakidawei det San blanga im.

Hibrus 11:28

En dumaji imbin bilib lagijat, wal imbin abum det Pasoba Serramoni, en imbin dalim ola Isreil pipul blanga rabum det blad langa olabat haus, en ola feswan san blanga olabat nomo bin dai wen det speshalwan einjul bin go thru langa det kantri en kilim ola feswan san ded.

Jeims 1:18

Wal wen wibin lisin langa det trubala wed, God bin gibit wi nyubala laif. Imbin gibit det gudbala laif langa wi. Nomeda imbin meigim ebribodi, bat stil imbin wandi meigim wi det feswan speshal pipul blanga im.