Nambas 7:10 - Kriol Baibul

¹⁰ Wal detlot lida du bin bringimap olabat ofring blanga gibit langa YAWEI, dumaji deibin meigim det teibul blanga ofring jidan speshalwan blanga YAWEI. Wen olabat bin redi blanga gibit olabat ofring langa YAWEI,

Nambas 7:10 Iomraidhean Croise

Fes Kings 8:63

Imbin gibit 22,000 buligi en 120,000 ship blanga det feloship ofring. En lagijat na deibin meigim det Serramoni Pleis seikridwan.

Sekan Kranakuls 7:5

Imbin sekrifais 22,000 buligi en 120,000 ship blanga feloship ofring. Lagijat na im en ola pipul bin gibit det Serramoni Pleis langa YAWEI.

Sekan Kranakuls 7:9

Deibin jidan fo 7 dei blanga gibit det teibul blanga ofring langa YAWEI en deibin jidan 7 dei mowa blanga det serramoni gulum Hampi. Langa det laswan dei deibin abum det binijimapwan serramoni,

Niyamaiya 12:27

Wal wen imbin taim blanga meigim det wol seikridwan blanga God detlot lida bin jandim wed langa detlot Libai pipul langa ola pleis weya deibin jidan. Deibin tok, “Kaman langa Jerusalem blanga dijan gudbinjitaim blanga meigim det wol seikridwan blanga God! Kaman en joinin langa detlot najalot Libai pipul blanga plei detlot simbul en hap en laiya, en blanga sing detlot theingkyu song langa God!”

Niyamaiya 12:43

En det dei na deibin gibit loda sekrifais ofring en deibin gudbinji, dumaji God bin meigim olabat gudbinji detmatj. Ola gel en biginini bin gudbinji garram olabat du, en deibin meigim detmatj nois weya pipul bin irrim olabat brom longwei.

Ola Saam 30:1

YAWEI, mi preisim yu dumaji yubin seibum mi. Im jis laik yubin lidimap mi brom det dakwan pleis. Yubin kipumwei main enami olabat brom tokabat nogudbalawei blanga mi.

Nambas 7:1

Bambai na langa det dei wen Mosis bin binij pudumap det Seikridwan Tent blanga YAWEI det trubala God, imbin pudum det oil langa det Seikridwan Tent, en det teibul blanga ofring en ola ebrijing blanga meigim seikridwan.

Nambas 7:11

wal YAWEI bin dalim Mosis, “Ebridei difrinwan klen lida garra gibit ofring langa mi blanga meigim det teibul blanga ofring jidan speshalwan blanga main.” Lagijat na YAWEI bin tok.

Nambas 7:84

Dislot na ola ebrijing weya detlot twelbala lida bin bringimap blanga ofring blanga meigim det teibul blanga ofring jidan speshalwan blanga YAWEI. Deibin gibit 12 silbawan boul, en 12 silbawan dish, en deibin ol wei gulijap 28 kilogrem, 12 golwan boul weya bin wei 1.4 kilogrem en olabat bin bulap garram det gudsmelwan medisin, 12 boiwan buligi, 12 dediwan ship, 12 lilwan ship wan yiya ol, garram detlot sid daga ofring blanga det barnapwan ofring, 12 gout blanga det nogudbalawei ofring, 24 boiwan buligi, 60 dediwan ship, 60 gout, en 60 lilwan ship wan yiya ol blanga det feloship ofring. Wal ol detlot na detlot lida bin bringimap langa YAWEI blanga 12 dei.

Dyudaranami 20:5

“Wal detlot boswan solja garra askim detlot men, ‘Enibodi iya bin jis bildimap haus bat nomo bin abum det serramoni blanga meigim det haus speshalwan blanga YAWEI? Wal im lafta gobek na, dumaji if im go blanga fait en im gitkil, wal najamen garra meigim det haus speshalwan blanga YAWEI.