Nambas 6:27 - Kriol Baibul

²⁷ En YAWEI bin tok, “If dei gulum main neim blanga ol detlot Isreil pipul, wal trubala ai garra jidan gudbinji langa olabat.” Lagijat na YAWEI bin tok.

Nambas 6:27 Iomraidhean Croise

Jenasis 32:26

Wal det men bin jingat na, “Yu larramgo mi na, dumaji im sangidap.” Bat Jeikob bin tok, “Nomo. Basdam yu garra dalim God blanga gibit mi samting. En afta ai larramgo yu.”

Jenasis 32:29

Wal Jeikob bin tok langa det men na, “Wanim yu neim?” Bat det men bin tok, “Ai kaan dalim yu main neim.” En det men bin tok gudbala wed langa Jeikob, en imbin gowei na.

Sekan Semyul 7:23

En nomo eni pipul jidan haibala seimwei laik ola Isreil pipul jidan, dumaji yu na bin deigidawei melabat brom Ijip weya melabat bin jidan jis laiga prisana, en yubin meigim melabat jidan yu ronwan pipul olabat. En det nyus blanga ola brabli bigbala ting weya yubin dum blanga melabat bin go ebriweya, en det nyus bin meigim yu neim haibala langa ebri kantri. En wen yubin larramgo melabat fri brom Ijip blanga meigim melabat jidan blanga yu ronwan pipul olabat, yubin andimwei ola najalot pipul brom olabat kantri wen melabat bin go langa detlot kantri blanga jidan. En yubin andimwei ola drimin blanga detlot pipul du.

Fes Kranakuls 4:10

Jeibes bin prei langa det God blanga ola Isreil pipul. Imbin tok, “Dedi langa top, yu album mi, en gibit mi brabli gudwan kantri. Yu jidan garram mi, en seibum mi brom ola nogudbala ting weya oldei ardimbat main bodi.” Lagijat na Jeibes bin tok. En God bin kain langa im en imbin gibit im ebrijing weya imbin askim im.

Sekan Kranakuls 7:14

if dei prei langa mi en sori miselp en stap dumbat ola nogudbala ting, wal ai garra irrim brom top, en ai garra larramgo olabat fri brom olabat nogudbalawei, en meigim det kantri blanga olabat abum loda gudwan ebrijing igin.

Ola Saam 5:12

Yu oldei jidan garram detlot pipul hu jidan raitwei langa yu. Yu blokim ola nogudbala ting brom olabat laiga shild, dumaji yu brabli kainbala langa yu pipul olabat.

Ola Saam 67:7

God garra brabli gudbala langa wi, en ola pipul ebriweya garra gibit im rispek.

Eksadas 6:3

en aibin shoum miselp langa Eibrahem en langa Aisik en langa Jeikob. Aibin shoum olabat mi na det boswan God. Bat ai nomo bin dalim olabat main brabliwan neim. Main neim YAWEI.

Aisaiya 43:7

Olabat main ronwan pipul. Aibin meigim olabat holot blanga gibitbat mi theingks en preisimbat main neim.’ ”

Jeramaiya 14:9

Wotfo yu jidan jis laik sambodi hu gedim shok, en jis laik det solja hu nomo garram eni pawa blanga album? Trubala YAWEI, yu iya garram melabat. Melabat na blanga yu ronwan pipul olabat, wal yu nomo libum melabat.’ ”

Nambas 23:20

YAWEI bin dalim mi ai garra tok gudbalawei blanga olabat. En wen God gibit gudbala ting, ai kaan deigimbek.

Methyu 28:19

en ai dalim yumob. Yumob garra go langa ebri kantri, en yumob garra dalimbat ola pipul hu mi, en yumob garra meigimbat olabat jidan wekinmen blanga mi, en yumob garra beptaisimbat olabat langa det neim blanga God, det Dedi en det San en det Holi Spirit.

Ifishans 1:3

Wal God im det Dedi blanga Jisas Krais det Bos blanga wi, en wi garra preisim im en gibit im theingks, dumaji wen imbin joinimap wi langa Jisas Krais, imbin gibit wi ola gudbala ting weya imbin meigim deya redi blanga wi.

Dyudaranami 28:10

En ola pipul langa ebri kantri garra luk YAWEI bin pikimat yumob blanga meigim yumob im ronwan pipul, en olabat garra bradin langa yumob.