Nambas 6:24 - Kriol Baibul

²⁴ “Larram YAWEI det trubala God albumbat yumob en lukaftumbat yumob.

Nambas 6:24 Iomraidhean Croise

Jenasis 28:15

“Wal yu nomo foget na. Ai garra jidan garram yu ebriweya yu go, en afta ai garra bringimbek yu langa dijan kantri na. En ebrijing weya aibin pramis langa yu, ai garra duwit.” Lagijat na God bin tok langa det drim.

Sekan Semyul 7:29

En mi askim yu blanga jidan gudbala langa main femili olabat wulijim dei garra kipgon jidanbat garram yu olagija. “YAWEI, yu na det boswan God. En yu na bin meigim det pramis langa mi. En yu garra gudbala langa main femili olabat olagija, dumaji yu na bin meigim det pramis langa mi.” Lagijat na Deibid bin tok langa God.

Ola Saam 134:3

Ai askim YAWEI hu jidan deya langa Saiyan, en hubin meigim hebin en dijan wel, blanga jidan gudbalawei blanga yumob.

Ola Saam 17:8

Yu luk mi en maindim mi brabliwei, jis laik det bard wen im kipum im beibi seif andanith langa im wing.

Ola Saam 28:9

YAWEI, yu na oldei seibum melabat, en album melabat. En jis laik det boswan stakmen weya im oldei maindimbat ola ship blanga im, wal lagijat na yu lukaftumbat melabat olagijawan.

Ola Saam 91:11

dumaji im garra jandim im einjul olabat langa yu, en im garra dalim olabat blanga wotjimbat yu ebriweya yu go.

Aisaiya 27:3

Ai garra maindimbat det greip fam, wulijim nobodi kaan go en bitsimap detlot greiptri. Ai garra wotjimbat det pleis deitaim en naitaim, en ai garra wodarimbat detlot greiptri du.

Aisaiya 42:6

Aibin pikimat yu blanga gibitbat feyago langa ebribodi, en mi oldei jidan garram yu. Aibin meigim yu, en ai jandim yu blanga gibit lait langa ola pipul langa ebri kantri en blanga gibit main pramis blanga lukaftumbat olabat.

Denyul 9:17

“YAWEI det trubala God, yu irrim dijan preya blanga main. Mi jingat langa yu. Yu album melabat blanga bildimap det Serramoni Pleis blanga yu, weya bin binij longtaim wulijim ebribodi garra sabi yu na God.

Jon Bin Dalim Det Gudnyus Blanga Jisas Det San Blanga God 17:11

“Wal ai kaan jidan iya langa dijan wel enimo na, dumaji ai garra kaman langa yu. Bat detlot pipul weya yubin gibit mi garra kipgon jidanbat iya langa dijan wel. “Wal Dedi, yu na det Holiwan, en yubin gibit mi yu neim, en yu garra lukaftumbat detlot pipul garram det pawa blanga yu neim wulijim dei garra jidan wanbala jis laik yunmi wanbala.

Fes Karinthiyans 14:16

Yumob sabi wotfo? If eni odinri pipul jidan deya langa det miting pleis weya yumob preisimbat God garram yumob spirit, wal dei kaan sabi wanim yumob toktok. En if dei kaan sabi, wal hau dei garra tok “Trubala” wen yumob gibit theingks langa God?

Ifishans 6:24

En mi askim God blanga jidan brabli kainbala langa yumob olagijawan, dumaji yumob laigim Jisas Krais det Bos blanga wi brabliwei. Binij na.

Falipiyans 4:23

Wal mi askim Jisas Krais det Bos blanga wi blanga jidan brabli kainbala langa yumob. Binij na.

Falipiyans 4:7

en God garra meigim yumob jidan gudbalawei. Wi nomo sabi brabliwei hau im meigim wi jidan gudbalawei. Bat im kaan larram enijing ardim wi insaid langa wi hat en main, dumaji wibin joinap garram Jisas Krais.

Fes Thesaloniyans 5:23

Wal nobodi kaan lukaftumbat wi brabliwei. Oni God na. En melabat askim im blanga meigim yumob jidan brabli gudbala, en melabat askim im blanga kipum holbit yumob spirit en bodi fri brom olkain nogudbalawei, dumaji wen Jisas Krais det Bos blanga wi garra kambek, im garra faindim wi nomo garram enijing rong.

Fes Pida 1:5

Wi bilib langa Jisas Krais en blanga tharran na, det pawa blanga God garra maindimbat wi raidap det rait taim garra kaman weya im garra seibum wi brabliwei, en im jidanbat redi blanga seibum wi langa det laswan dei.

Jud Det Leda Blanga Gibit Woning Blanga Laiyawan Titja 1:24

Wal God na gin album yumob blanga nomo tenbek langa det nogudbalawei, en im gin meigim yumob jidan brabli gudwei, rili klinwan nomo garram eni bleim, en afta wen im meigim yumob jidan gudwei lagijat, im garra deigim yumob langa imselp.

Ruth 2:4

Bambai na Bowes bin kaman brom taun blanga luk im fam, en imbin luk ola wekinmen deya, en imbin sei gudei langa olabat, “YAWEI det trubala God garra album yumob.” En olabat bin tok, “En YAWEI garra album yu du.”

Fes Semyul 2:9

en im oldei lukaftumbat detlot pipul hu bilib langa im brabliwei, en im garra binijimap ola nogudbala pipul en meigim olabat jidan langa dakbala pleis olagija. Nobodi kaan meigim miselp strongbala blanga go thru langa dis laif garram im ronwan pawa, dumaji ola enami blanga YAWEI garra binij.