Nambas 6:21 - Kriol Baibul

²¹ “Dislot na det lowa blanga det Nesarait, bat if det Nesarait meigim pramis blanga gibit mowa ofring, wal im garra dum tharran.” Lagijat na YAWEI bin tok.

Nambas 6:21 Iomraidhean Croise

Esra 2:69

Deibin gibit ebrijing weya deibin wandim blanga det wek, en holot bin 500 kilogrem gol, 2,150 kilogrem silba, en 100 longwan kout blanga ola serramonimen.

Nambas 5:29

“Dijan na det lowa if det men git jelas en reken im waif bin silipsilip garram najawan men. Det wuman garra jandap lida langa main teibul blanga ofring en det serramonimen garra dum det serramoni.

Nambas 6:2

“Dalim ola Isreil pipul dislot wed na. If eni men o wuman hu meigim speshalwan pramis blanga meigim miselp Nesarait, en gibit miselp langa mi holbit,

Nambas 6:20

Brom deya na det serramonimen garra deigim det bif, damba en biskit en im garra gibit det speshalwan presen langa mi. Detlot na seikridwan ofring blanga det serramonimen. En det briskit en det leig blanga det dediwan ship olabat blanga det serramonimen du, dumaji dijan na det lowa blanga det serramonimen. Afta na im kaan jidan Nesarait en im gin dringgim det wain, dumaji im fri brom det pramis weya imbin meigim.

Nambas 6:22

Wal YAWEI bin dalim Mosis blanga dalim Eran en im sanmob blanga tok dijan speshalwan preya blanga detlot Isreil pipul,

Galeishans 6:6

Wal yumob garra lukaftumbat detlot pipul hu oldei titjimbat yumob det wed blanga God, en yumob garra sherimat ol detlot gudbala ting weya yumob garram.

Hibrus 13:16

En yumob garra oldei dumbat gudbala ting en album yumob Kristjan braja en sista olabat, dumaji wen yumob dum lagijat, tharran na najawan ofring weya meigim God gudbinji.