Nambas 5:3 - Kriol Baibul

³ Yu garra andimwei ol detlot pipul atsaid brom detlot kemp, wulijim dei kaan meigim nogud det kemp, dumaji dijan kemp weya mi oldei jidan na garram main ronwan pipul olabat.” Lagijat na YAWEI bin tok.

Nambas 5:3 Iomraidhean Croise

Ola Saam 68:18

Imbin gowap langa det haibalawan hil gulum Saiyan, en imbin deigim loda prisana garram im du. Ola pipul bin gibit im gudwan ting, en detlot nogudbala pipul hubin gibit bekboun langa im bin gibit im gudwan ting du. YAWEI det trubala God garra jidan deya na.

Eksadas 25:8

“Detlot pipul garra meigim Seikridwan Tent blanga mi weya ai garra jidan garram olabat.

Eksadas 29:45

en ai garra jidan iya garram ol detlot Isreil pipul, en ai garra jidan God blanga olabat.

Aisaiya 12:6

Singim song yumob brom Saiyan, en preisim YAWEI det brabli holiwan God blanga Isreil pipul. God im jidan iya blanga album im pipul olabat.”

Labidakas 14:8

Im garra washim im klos en sheibum im hed en im garra bogi en im jidan klinbala blanga serramoni. En im gin kaman langa im kemp na, bat im kaan silip insaid langa im tent fo 7 dei.

Labidakas 15:31

YAWEI bin dalim Mosis blanga wonim detlot Isreil pipul wen dei nomo klinbala blanga serramoni, dei nomo lau go langa det Seikridwan Tent weya jandap rait langa midul langa det kemp. If dei go deya, wal dei garra dai.

Nambas 16:3

Olabat bin midap langa Mosis en Eran en deibin tok langa dubala, “Yunbala bin reken yunbala na lida blanga ol dislot pipul blanga YAWEI det trubala God, bat melabat na blanga YAWEI en im oldei iya garram melabat. Mosis, wotfo yu reken yu bos blanga ola pipul blanga YAWEI?”

Nambas 19:22

Enibodi hu nomo klinbala blanga serramoni wen im tatjim samting, wal det samting im jidan nomo klinbala blanga serramoni, en enibodi mowa hu tatjim det samting, im jidan nomo klinbala blanga det serramoni raidap sangodan.” Lagijat na YAWEI bin tok.

Nambas 35:34

Nomo meigim det kantri nogudbala wen yu jidanbat deya, dumaji mi na YAWEI det trubala God, en ai jidan garram ol yumob Isreil pipul.” Lagijat na YAWEI bin tok.

Nambas 5:4

Wal detlot Isreil pipul bin dum lagijat na, en deibin jandimwei ol detlot pipul.

Dyudaranami 23:14

Kipum yumob kemp klin blanga serramoni, dumaji YAWEI im deya garram yumob langa yumob kemp. Im maindimbat yumob en album yumob. Yumob kaan dum eni brabli nogudwan ting, dumaji im meigim YAWEI tenim im bek langa yumob.”

Dyudaranami 23:15

Wal Mosis bin kipgon tok, “Wal maitbi wekinmen o wekingel hu jidan laiga prisana bin ranawei brom im bos langa najawan kantri en im kaman langa yumob blanga album im. Wal yumob kaan jandimbek im na. Yumob garra kipum im.

Sekan Thesaloniyans 3:6

Wal main braja en sista olabat, Jisas Krais det Bos blanga wi bin meigim melabat bos blanga yumob. En melabat dalim yumob nomo blanga joinin langa eni Kristjan pipul hu oldei jidan leisibala. Yumob kaan joinin langa detlot pipul hu nomo duwit langa det wed weya melabat bin gibit olabat.

Taidas 3:10

En if enibodi dum detkain ting en meigim trabul langa tjetj, wal yu garra wonim olabat tutaim. Afta tharran if dei kaan tjeinjim det wei blanga olabat, wal yu garra libum olabat. Dumaji yu sabi detkain pipul nomo jinggabat streitbalawei, en ol detlot nogudbala ting weya dei dumbat shoum olabat gilti.

Rebaleishan 21:27

Nobodi kaan bringimap enijing nogudwan insaid langa det taun, en enibodi hu oldei dumbat nogudbala ting en oldei dalimbat laiya kaan gowin langa det taun. Oni detlot pipul hu garram olabat neim deya langa det buk blanga Jisas, langa det Buk Blanga Laif, oni olabat na garra gowin insaid langa det taun.

Rebaleishan 21:3

Brom deya aibin lisin sambodi bin jingat adbala brom det speshalwan tjeya, “God garra jidanbat rait langa midul langa ola pipul na. Im garra jidan garram olabat, dumaji im Bos blanga olabat, en olabat blanga im. God imselp garra jidan garram olabat,