Nambas 5:29 - Kriol Baibul

^29-30 “Dijan na det lowa if det men git jelas en reken im waif bin silipsilip garram najawan men. Det wuman garra jandap lida langa main teibul blanga ofring en det serramonimen garra dum det serramoni.

Nambas 5:29 Iomraidhean Croise

Isikiyel 33:26

en yumob oldei dumbat brabli krulbala ting langa yumob kantrimen, en yumob dumbat nogudbala ting, en yumob nomo rili trubala langa yumob waif, bat stil yumob reken dijan kantri blanga yumob.

Labidakas 11:46

“Wal dijan na det lowa blanga ola enimul en bard en blanga ebrijing weya jidan langa woda, en ebrijing weya mubabat langa graun.

Labidakas 13:59

“Dijan na det lowa blanga moldiwan ting wen im jidan langa wuliwan o brabli gudwan matiriyal, o klos deibin meigim brom brabli gudwan matiriyal o wuliwan, o langa enijing deibin meigim garram letha. Dijan lowa hau serramonimen garra sabi wanim jidan klinbala, o nomo klinbala blanga serramoni.” Wal lagijat na YAWEI bin tok.

Labidakas 7:11

Wal YAWEI bin kipgon tok, “Wal ol dislot lowa blanga det feloship ofring blanga mi na YAWEI.

Nambas 5:12

“Maitbi wanbala men mait reken im waif nomo trubala langa im en im reken im waif maitbi bin silipsilipbat garram najawan men. Bat im nomo sabi, dumaji im waif nomo bin dalim im, en nobodi bin sabi wanim det waif bin dumbat, en nobodi bin luk if imbin dum tharran. En det hasbin reken maitbi im waif bin dum tharran, bat det waif nomo bin dum.

Nambas 5:15

Wal det hasbin garra deigim im waif langa det serramonimen na. En det men garra deigim wan kilogrem flauwa blanga ofring. Im nomo lau pudum det oliboil o eni gudsmelwan medisin ontop, dumaji det men nomo sabi wanim trubala, bat im garra bringimap det ofring blanga faindat if im trubala.

Nambas 5:19

Brom deya det serramonimen garra meigim det wuman agri langa wanim im tok, ‘If yu nomo bin dum nogudbala ting en bin jidan trubala langa yu hasbin, wal yu kaan bradin blanga dijan woda, dumaji im kaan dum eni rong langa yu.

Nambas 5:28

Bat if det wuman nomo bin silipsilip garram najawan men, wal nomo eni nogudbala ting garra hepin langa det wuman, en det wuman gin abum beibi bambai.