Nambas 4:33 - Kriol Baibul

³³ Dislot ting na ol detlot Merarai femili garra dum blanga wek langa det Seikridwan Tent. Dei garra duwit blanga Ithama, det san blanga Eran, det serramonimen.” Lagijat na YAWEI bin tok.

Nambas 4:33 Iomraidhean Croise

Eksadas 38:21

Ola wekinmen bin yusum loda gol en silba en kopa blanga meigim det Seikridwan Tent weya YAWEI en det dubala fletwan ston garram ola lowa garra jidan. Mosis bin dalim olabat blanga raidimdan haumatj gol en silba en kopa deibin yusum, en detlot wekinmen brom det Libai klen bin raidimdan. Det bos blanga detlot wekinmen bin neim Ithama. Im dedi bin Eran det haibala serramonimen.

Aisaiya 3:6

“Sambala pipul garra go langa im ronwan rileishan en tok, ‘Yu stil garram kout. Wal yu garra jidan lida blanga melabat na, en yu garra lukaftum dijan rabishwan pleis.’

Nambas 4:28

Dislot ting na detlot Geshan femili garra dumbat langa det Seikridwan Tent. Ithama, det san blanga Eran hubin serramonimen, garra gibit olabat oda.” Lagijat na YAWEI bin tok.

Nambas 4:32

en ola ebrijing blanga det yad raidaran langa det Seikridwan Tent garram ola ebrijing blanga yusumbat blanga pudumap. Ebri men garram speshalwan ting im garra garrimapbat.

Nambas 4:34

Wal deibin dum wanim YAWEI bin dalim Mosis, Eran en detlot lida blanga det komyuniti. Deibin kaundimap ola femili blanga det thribala, Kohath, Geshan, en Merarai. Olabat bin blanga det Libai klen. Deibin raidimdan ola men neim hubin 30 yiya ol raidap langa 50 yiya ol hu gin wek langa det Seikridwan Tent blanga YAWEI. Dislot na ol detlot men deibin kaundimap. Brom det femili blanga Kohath det namba bin 2,750, en brom det femili blanga Geshan det namba bin 2,630 en brom det femili blanga Merarai det namba bin 3,200. Holot bin 8,580.

Nambas 7:8

en fobala wegan en 8 buligi langa detlot Merarai femili. Ithama det san blanga Eran bin bos blanga olabat wek.

Joshuwa 3:6

Brom deya Joshuwa bin dalim ol detlot serramonimen, “Yumob garra garrimap det Seikridwan Boks en go lida langa ola pipul na.” En streidawei detlot serramonimen bin duwit langa im.