Nambas 4:12 - Kriol Baibul

¹² Dei garra deigim ol detlot ebrijing weya dei oldei yusumbat insaid langa det Seikridwan Pleis en dei garra gaburrumap garram det bluwan reig en dei garra pudum det sofwan letha oba langa detlot ebrijing en pudum langa det freimpat blanga garrimap.

Nambas 4:12 Iomraidhean Croise

Fes Kranakuls 9:28

Wal najalot Libaimen bin lukaftumbat ola ebrijing deibin yusum blanga weshipbat. Ebritaim wen enibodi bin yusumbat detlot enijing olabat bin kaundimap ebrijing wen deibin deigimat en wen deibin bringimbek.

Fes Kranakuls 9:29

En najalot bin lukaftumbat ol detlot speshalwan ebrijing weya deibin yusumbat, en deibin lukaftumbat det flauwa, wain, oliboil, en ola gudsmelwan medisin du.

Sekan Kranakuls 4:11

Det wekinmen neim Huram bin meigim loda pot, shabul en boul du. Imbin dum ebrijing weya imbin pramis King Salaman im garra dum blanga det Serramoni Pleis. Imbin meigim dubala kopawan pol, en dubala boul weya jidan ontopwei langa det dubala pol, en det pitja garram tjein langa det dubala boul ontop langa det dubala pol, en detlot 400 kopawan pamagrenit weya jidan dubala lain langa det dubala boul ontop langa det dubala pol. En imbin meigim detlot tenbala bagi, en detlot tenbala boul, en det bigwan boul, en detlot 12 buligi weya holdimap det bigwan boul, en detlot pot, shabul en fok. Huram det boswan bin meigim ol dislot ting brom shainiwan kopa blanga yusum langa det Serramoni Pleis blanga YAWEI, jis laik King Salaman bin dalim im.

Sekan Kranakuls 4:19

Wal King Salaman bin gibit oda langa im wekinmen olabat blanga meigim ol dislot golwan ebrijing blanga det Serramoni Pleis, det teibul blanga ofring en detlot najalot teibul blanga det damba ofring blanga gibit langa God,

Sekan Kranakuls 4:22

en detlot boul en dish blanga pudum ola gudsmelwan medisin en detlot dish blanga garrimap ola hotwan eshis. Ol dislot deibin meigim brom gudwan gol. Detlot atsaidwan dowa blanga det Serramoni Pleis en detlot dowa blanga det Brabli Seikridwan Rum deibin abum gol oloba.

Eksadas 25:5

ship skin weya deibin meigim redwan, skin brom det nenigout, det gudsmelwan wud brom det tri gulum wadultri,

Eksadas 25:9

Ai garra gibit yu plen blanga shoum yu hau yumob garra meigim det Tent en hau yumob garra meigim ola enijing blanga det tent. En wen yumob meigim det tent en ola enijing, yumob garra bulurrum det plen weya ai garra gibit yu.

Eksadas 31:10

en dei garra meigim detlot purdibala klos du weya Eran en im fobala san garra werrim wen dei garra jidan serramonimen,

Nambas 3:8

Dei garra maindimbat ola enijing insaid langa det Seikridwan Tent, en dei garra wek blanga ola Isreil pipul.

Nambas 4:11

“Afta na dei garra spredimat bluwan reig oba langa det golwan teibul blanga ofring en pudum sofwan letha blanga gaburrumap en dei garra pudum det dubala pol langa detlot fobala ring blanga garrimap.

Nambas 4:13

“Wal det teibul blanga ofring weya dei oldei abum det sekrifais langa yad blanga det Seikridwan Tent, dei garra tjakidawei det tjakol garram fet en gaburrumap det teibul garram det pepulwan reig.

Nambas 4:6

Dei garra pudum det sofwan letha oba langa det ketin en pudum bluwan reig ontopwei, en dei garra pudum det dubala pol langa detlot fobala ring blanga garrimap det Boks.

Nambas 4:7

“Dei garra spredimat bluwan reig oba langa det teibul blanga damba, weya dei oldei gibit det ofring langa YAWEI, en pudum ontop detlot dish en detlot boul weya yu barnim det gudsmelwan medisin, en detlot kap blanga det wain ofring. En dei garra meiksho det damba garra oldei jidan ontop langa det teibul blanga ofring.

Nambas 4:9

“Dei garra deigim bluwan reig en gaburrumap det pol garram det sebenbala lemp, en ola botul en ola ebrijing blanga detlot lemp.