Nambas 34:19 - Kriol Baibul

^19-28 Wal YAWEI bin pikimat dislot men na brom detlot klen. Blanga det Juda klen det lida bin neim Keilab, det san blanga Jefana. Blanga det Simiyan klen det lida bin neim Shelumiyel, det san blanga Amihad. Blanga det Benjamin klen det lida bin neim Elided, det san blanga Kislon. Blanga det Den klen det lida bin neim Bukai, det san blanga Joglai. Blanga det Manesa klen det lida bin neim Heniyel, det san blanga Ifad. Blanga det Ifreiyim klen det lida bin neim Kemyuwel, det san blanga Shiftan. Blanga det Sebyulan klen det lida bin neim Elisafan, det san blanga Panak. Blanga det Isaka klen det lida bin neim Paltiyel, det san blanga Esan. Blanga det Esha klen det lida bin neim Ahihad, det san blanga Shelomi. Blanga det Neftali klen det lida bin neim Pedahel, det san blanga Amihad.

Nambas 34:19 Iomraidhean Croise

Jenasis 29:35

Brom deya dubala bin silip igin, en Liya bin abum najawan lilboi. Distaim imbin theingkyu langa God, en imbin gulum neim blanga det lilboi Juda. Wal Liya bin stap abumbat biginini na.

Jenasis 35:22

Wal wen Jeikob en im femili olabat bin jidan langa det kantri gulijap langa det pleis gulum Migdalida, det san blanga im neim Rubin bin silip garram det waif blanga im dedi Jeikob neim Bila. En wen Jeikob bin gedim det wed, imbin gitwail brabli. Wal Jeikob bin olmen na, en imbin abum twelbala san. En iya na ola neim blanga detlot twelbala san blanga im.

Jenasis 35:23

Liya bin abum det eldiswan san blanga Jeikob neim Rubin, en afta imbin abum Simiyan, Libai, Juda, Isaka en Sebyulan.

Ola Saam 60:7

Det dubala kantri gulum Giliyad en Manesa blanga main. Det kantri Ifreiyim jidan wulijim main speshalwan het, en det kantri Juda im jidan wulijim main seikridwan stik.

Nambas 13:30

Bat Keilab bin dalim detlot pipul blanga jidan, en imbin tok, “Wi garra go na, en teikoba det kantri. Wi strongbala blanga fait indit?”

Nambas 14:24

Bat dumaji main wekinmen Keilab garram difrinwan main en im oldei duwit langa mi, ai garra bringimap im langa det kantri weya imbin luk basdam, en im bigininimob garra jidan langa det kantri, weya detlot Amalekait traib en detlot Keinanait traib jidan. Tumorro na yu tenaran en gobek langa det deset kantri langa det solwoda gulum Redsi.” Lagijat na YAWEI bin tok.

Nambas 14:30

Aibin meigim dijan pramis wulijim yumob gin jidan deya, bat nomo enibodi kaan jidan deya, oni Keilab en Joshuwa.

Nambas 14:38

Brom detlot twelbala men oni Joshuwa en Keilab bin jidan laibala.

Nambas 14:6

En Joshuwa, det san blanga Nan, en Keilab det san blanga Jefana, det dubala na hubin lukaran snikinbalawei langa det kantri, dubala bin brabli nogudbinji en dubala bin breigim dubala klos.

Nambas 34:18

en wanbala lida brom ebri klen garra album dubala blanga kadimat det kantri.” Lagijat na imbin tok.

Dyudaranami 1:36

Oni Keilab det san blanga Jefana garra go langa det kantri, dumaji im na bin jidan trubalawei langa mi, en ai garra gibit im en im bigininimob det kantri weya imbin luk.’ Lagijat na YAWEI bin tok.

Dyudaranami 33:7

Blanga det Juda klen Mosis bin tok, “Wal YAWEI garra irrim olabat kraikraibat langa im blanga album olabat. Olabat garra joinap garram olabat najalot klen, en olabat garra fait langa olabat enami.”