Nambas 34:1 - Kriol Baibul

^1-2 Wal YAWEI det trubala God bin gibit Mosis najawan wed na blanga detlot Isreil pipul, “Iya na ola boda blanga det kantri Keinan weya ai garra gibit langa yumob.

Nambas 34:1 Iomraidhean Croise

Jenasis 15:18

En deya gin langa det pleis na YAWEI bin meigim strongwan pramis langa Eibram. Imbin tok, “Ai gibit langa yu biginini olabat dijan kantri na brom det riba wansaid langa det kantri gulum Ijip raidap langa det bigwan riba gulum Yufreitis.

Jenasis 42:13

Wal olabat bin tok, “Melabat jidan twelbala braja gija garram wanbala dedi langa melabat kantri. Wanbala braja blanga melabat bin dai, en det yangiswan braja im jidan deya langa melabat dedi.”

Isikiyel 47:13

Wal YAWEI det boswan God bin tok langa ola Isreil pipul na, “Yumob garra kadimat gija dijan kantri blanga yumob 12 difrin klen, en ola klen garra abum det seimsais len, bat Josef klen garra gedim dubala len. Longtaim aibin pramis blanga gibit dijan kantri langa yumob grengrenfathamob en olabat bigininimob, en blanga tharran na yumob garra gedimbek dijan kantri.

Hebakak 3:6

Wen yubin stap wokwokbat dijan wel bin sheik, en wen yubin luk, pipul langa ebri kantri bin jidan brabli bradinwan. En wen yu wokwokbat langa det roud blanga yu weya bin jidan longtaim, ol detlot bigwan hil en lilwan hil buldan.

Nambas 33:56

If yumob nomo andimwei olabat, wal ai lafta binijimap yumob seimwei laik wen aibin jinggabat blanga binijimap detlot najalot pipul.” Lagijat na YAWEI bin tok.

Nambas 34:13

Wal Mosis bin tok langa ola Isreil pipul, “Dijan na det kantri yumob garra abum wen yumob garra tjakambat detlot speshalwan ston. Dijan na det kantri weya YAWEI gibit langa det 9 en haf klen.