Nambas 30:2 - Kriol Baibul

² Wen eni men meigim pramis langa YAWEI det trubala God, maitbi im wandi gibit samting langa YAWEI, o maitbi im wandim stap dumbat samting, wal im kaan breigim det pramis, bat im garra dum ebrijing weya imbin pramis. Im garra dum ebrijing imbin tok im garra dum.

Nambas 30:2 Iomraidhean Croise

Job Wotfo Gudbala Pipul Abum Trabul? 22:27

En God garra ensim yu preya, en yu garra kipum det pramis weya yubin meigim garram im.

Ola Saam 116:14

Deya lida langa ol im pipul olabat ai garra gibit im wanim aibin pramis.

Ola Saam 116:18

Deya lida langa ol yu pipul olabat langa yu Serramoni Pleis langa Jerusalem, ai garra gibit yu wanim aibin pramis. Aleiluya! Preisim YAWEI!

Ola Saam 119:106

Ai garra kipum main pramis langa yu blanga teiknodis langa detlot trubalawan lowa blanga yu.

Ola Saam 15:3

Dei nomo dalimbat laiya blanga najalot pipul. Dei nomo dum nogudwan ting langa pipul. Dei nomo tok nogudwan stori blanga olabat.

Ola Saam 22:25

YAWEI, lida langa ebribodi, ai garra preisim yu blanga wanim yubin dum. En deya na wen dei weshipbat yu, ai garra gibit sekrifais ofring weya aibin pramis.

Ola Saam 50:14

Mi na det Boswan God, en ai wandim yumob blanga gibit mi dijan sekrifais ofring na. Ai wandim yumob blanga gibit theingks langa mi, en dum ebrijing yumob bin pramisim langa mi.

Ola Saam 55:20

Main gudfren brom bifo bin fait langa im fren olabat, en imbin breigim im ronwan pramis.

Ola Saam 56:12

God, ai garra gibit yu wanim aibin pramis. Ai garra gibit theingks langa yu garram main sekrifais ofring.

Ola Saam 76:11

Gibit langa YAWEI, yu God wanim yubin pramisim im. Bringimap ola presen langa im, ol yumob pipul hu jidan langa ola gulijapwan kantri. YAWEI meigim ola pipul bradin en jidan garram rispek langa im brabliwei.

Eksadas 20:7

“Yumob nomo lau blanga yusum main neim nogudbalawei, dumaji mi na YAWEI, en ai garra panishim enibodi hu yusum main neim rongwei.

Prabebs 20:25

Yu garra jinggabat basdam bifo yu meigim pramis langa God, bat if yu nomo dum lagijat maitbi bambai yu garra fil sori.

Labidakas 5:4

“If enibodi meigim pramis en nomo jinggabat gudwei wanim imbin pramis, wal im gilti wen im sabi wanim imbin dumbat.

Neiham 1:15

Ol yumob Juda pipul yumob luk na. Deya ontop langa det haibala hil yumob gin luk det mesinja kaminap garram det gudnyus. Im kaman na garram det gudnyus weya God garra meigim wi jidan gudwei. Wal ol yumob gin abum detlot serramoni blanga yumob na, en yumob garra gibit God ola enijing weya yumob bin pramisim blanga gibit im, en ol detlot nogudbala pipul kaan teikoba det kantri blanga yumob igin, dumaji God bin binijimap olabat brabliwei.

Nambas 21:2

Afta na detlot najalot Isreil pipul hu nomo bin jidan prisana bin meigim strongwan pramis langa YAWEI, “If yu larram melabat bidim dislot pipul, wi garra gibit detlot pipul holbit langa yu, en olabat taun du, en melabat garra binijimap olabat.”

Nambas 30:10

If det merrit gel meigim pramis, o pramis im kaan dum samting,

Nambas 32:24

Wal yumob bildimap detlot taun, en detlot yad blanga yumob ship, bat yumob garra meiksho yumob garra dum wanim yumob bin pramis.” Lagijat na Mosis bin tok.

Methyu 23:16

“Im garra brabli nogud blanga yumob, dumaji yumob blainwan lida. Yumob oldei tok, ‘If enibodi meigim pramis, en im yusum det neim blanga det Serramoni Pleis blanga bekimap det wed blanga im, wal im gin oldei breigim det pramis. Bat if im yusum det neim blanga ola gol deya langa det Serramoni Pleis blanga bekimap det wed blanga im, wal im kaan breigim det pramis.’ Lagijat na yumob oldei tok.

Methyu 23:18

En yumob oldei tok, ‘If enibodi meigim pramis, en im yusum det neim blanga det teibul blanga ofring deya langa Serramoni Pleis blanga bekimap det wed blanga im, wal im gin oldei breigim det pramis. Bat if im yusum det neim blanga detlot ofring weya deibin pudum langa det teibul, wal im kaan breigim det pramis.’ Lagijat na yumob oldei tok.

Eks Hau Det Gudnyus Blanga Jisas Krais Bin Spredat Ebriweya 23:12

Neksdei na sambala Juwish pipul bin midap, en deibin meigim plen blanga kilim Pol ded, en deibin pramisim miselp nomo blanga dagat daga en dringgim enijing raidap dei garra kilim im ded.

Eks Hau Det Gudnyus Blanga Jisas Krais Bin Spredat Ebriweya 23:14

en deibin go langa detlot haibala serramonimen en detlot najalot bosmen, en deibin dalim olabat, “Melabat bin ol pramisim miselp nomo blanga dagat daga en dringgim enijing raidap melabat kilim Pol ded.

Eks Hau Det Gudnyus Blanga Jisas Krais Bin Spredat Ebriweya 23:21

Wal yu kaan lisin langa olabat, dumaji bigmob men garra blandim miselp en weidabat blanga im, en deibin ol meigim pramis dei kaan dagat daga en dringgim enijing raidap dei garra kilim im ded, en olabat redi blanga dum lagijat na. Dei weidabat wotaim yu garram jandim im deya.”

Sekan Karinthiyans 1:23

Wal yumob irrim mi na. Basdam aibin dalim yumob ai garra kaman en luk yumob deya langa Korinth. Bat afta aibin jinggabat na. If mi kaman deya, ai garra meigim ad blanga yumob. Bat ai nomo bin wandi meigim ad blanga yumob. En blanga tharran na ai nomo bin kaman deya. En God sabi dijan trubala mi dalimbat yumob.

Jadjis 11:11

Wal wen deibin tok lagijat langa Jeftha, imbin go garram olabat, en ola Isreil pipul deya langa Giliyad bin meigim im jidan lida blanga olabat, en deya langa det taun gulum Mispa imbin meigim pramis langa YAWEI, en imbin jidan bos blanga ol detlot Isreil pipul.

Jadjis 11:39

en afta deibin ol kambek, en Jeftha bin kilim im doda ded, en imbin barnimap im blanga gibit sekrifais serramoni jis laik imbin meigim det pramis langa YAWEI.