Nambas 30:13 - Kriol Baibul

¹³ Det gel hasbin garram ebri rait blanga larram det gel kipum o nomo blanga kipum det pramis.

Nambas 30:13 Iomraidhean Croise

Esra 8:21

Wal deya na wansaid langa det riba gulum Eiheba aibin dalim ola pipul melabat kaan dagat daga en melabat garra meigim miselp lobala langa God en askim im blanga lukaftum melabat en maindim melabat biginini olabat en ola enijing blanga melabat wen melabat garra trebul.

Ola Saam 35:13

Bat wen olabat bin sik aibin oldei jinggabat blanga olabat. Ai nomo bin dagat daga du. Aibin jidan hedan en preibat, jis laik wen mi prei blanga main frenmob o blanga main femilimob lagijat. Ai nomo bin wokaran, najing. Aibin oldei jidan wan pleis dumaji aibin nogudbinji, wulijim wen sambodi jidan soriwei blanga im mami, lagijat na.

Aisaiya 58:5

Yumob reken mi wandim yumob blanga stap dagadagatbat daga, en blanga jidan brabli lobala jis laik det gras weya det win blowimbat en meigim im buldan langa graun? Yumob reken mi wandim yumob blanga werrimon sekbeigwan klos en jidan langa eshis? Yumob reken mi wandim dislot wen yumob weshipbat mi?

Labidakas 16:29

Wal YAWEI bin kipgon tok, “Ol dislot lowa yu garra bulurrum olataim. Langa det namba 10 dei en langa det namba 7 manth ol detlot Isreil pipul en detlot pipul brom najalot kantri hu jidan deya garram yu, kaan dagat daga en kaan dum eni wek.

Labidakas 23:27

“Det namba 10 dei langa det namba 7 manth, det dei na yumob garra abum serramoni blanga deigidawei yumob nogudbalawei weya yumob oldei dumbat. Wal langa det dei na, yumob nomo lau blanga dagat eni daga. Yumob garra kaman en weshipbat iya, en gibitbat det ofring langa mi na YAWEI.

Labidakas 23:32

Brom sangodantaim langa det namba 9 dei, raidap sangodantaim langa det namba 10 dei langa det namba 7 manth yumob garra abum spel, en langa det dei yumob nomo lau dagat eni daga dumaji im det speshalwan dei.”

Nambas 29:7

Wal Mosis bin kipgon tok, “Orait, yumob garra kaman mijamet na blanga weship langa det namba 10 dei langa det namba 7 manth. Yumob kaan dagat eni daga en yumob kaan dum eni wek.

Nambas 30:12

If im hasbin nomo larram det gel kipum det pramis wen im irrim, wal det gel kaan dum. YAWEI garra larramgo im fri, dumaji im hasbin nomo bin larram im kipum det pramis.

Nambas 30:14

Bat if det neksdei afta imbin irrim det pramis im nomo tok enijing, wal det gel garra dum ebrijing wanim imbin pramis. Det men bin shoum im rait dumaji im nomo bin tok langa det dei wen imbin irrim det pramis.

Fes Karinthiyans 11:3

Bat wanbala ting deya maitbi yumob nomo sabi. Yumob nomo sabi hau blanga shoum rispek langa sebis. Yumob irrim mi na. Jisas Krais im Bos blanga ola men, en ola hasbin olabat bos blanga olabat waif, en God im Bos blanga Jisas Krais.

Fes Karinthiyans 11:9

En im nomo bin meigim det men blanga det gel. Imbin meigim det gel blanga det men.

Fes Karinthiyans 7:5

En det men kaan kadimat miselp en nomo larram im waif silip garram im. En seimwei du det gel kaan kadimat miselp en nomo larram im hasbin silip garram im. If dubala agri gija, wal im rait. Dubala gin kadimat miselp. Bat nomo olagija. Oni lilwail blanga prei, en afta dubala garra kipgon silipsilip gija, dumaji Seitin garra temtimbat dubala, en dubala nomo wandim im blanga bidim dubala weya dubala kaan hendulum miselp.