Nambas 30:10 - Kriol Baibul

¹⁰ If det merrit gel meigim pramis, o pramis im kaan dum samting,

Nambas 30:10 Iomraidhean Croise

Nambas 30:11

wal det gel garra dum ebrijing wen imbin pramis. Oni if im hasbin nomo agri wen im irrim det wed, wal det gel kaan dum.

Nambas 30:2

Wen eni men meigim pramis langa YAWEI det trubala God, maitbi im wandi gibit samting langa YAWEI, o maitbi im wandim stap dumbat samting, wal im kaan breigim det pramis, bat im garra dum ebrijing weya imbin pramis. Im garra dum ebrijing imbin tok im garra dum.

Nambas 30:9

Det gel hu hasbin bin dai, o im hasbin bin jandimwei im, wal im garra kipum ebri pramis weya imbin meigim.

Fes Semyul 1:23

Wal Elkana bin tok, “Im rait. If yu reken im gudbala, wal yu dum lagijat na. Yu garra stap iya raidap det lilboi stap dringgimbat milk. En YAWEI garra meigim det pramis blanga yu jidan trubala.” Wal lagijat na Hena bin dum. Imbin jidan deya gin langa olabat kemp garram det lilboi, en ola najalot femili bin go langa det Serramoni Pleis.