Nambas 3:9 - Kriol Baibul

⁹ Oni det Libai klen garra abum det wek blanga album Eran en im dubala san.

Nambas 3:9 Iomraidhean Croise

Fes Kranakuls 15:2

Wal King Deibid bin tok na, “Detlot Libai pipul garra garrimap det Seikridwan Boks, dumaji YAWEI bin pikimat olabat na blanga garrimapbat det Boks en dei garra oldei wek blanga im.”

Fes Kranakuls 6:33

Wal Heiman bin boswan blanga det fes singamob. Im femili lain bin gobek raitbek langa Jeikob. Olabat bin neim Heiman, Jowal, Semyul, Elkana, Jeroham, Eliyel, Towa, Suf, Elkana, Mahath, Amasai, Elkana, Jowal, Asaraiya, Sefanaiya, Teihath, Esiya, Ibaiyasaf, Kora, Isa, Kohath, Libai, en Jeikob.

Esra 2:43

Detlot femili blanga detlot wekinmen blanga det Serramoni Pleis hubin kambek brom det kantri weya deibin jidan prisana. Siha, Hesafa, Tebayoth, Keros, Siyaha, Padon, Lebana, Heigaba, Eikub, Heigab, Shamlai, Henan, Gidel, Geiha, Riyaiya, Resin, Nekoda, Gasam, Yusa, Paseya, Besai, Esna, Meyunim, Nefisim, Bekbak, Heikafa, Hehura, Beslath, Mehida, Hasha, Bakos, Sisera, Tema, Nesai en Hetafa.

Esra 6:18

Wal bifo deibin abum det sebis deya langa det Serramoni Pleis langa Jerusalem deibin meigim ola serramonimen en detlot Libai pipul redi jis laik im tok langa det lowa weya Mosis bin raidimdan.

Esra 8:20

En najamob wekinmen blanga det Serramoni Pleis du deibin jandim, det namba blanga detlot wekinmen bin 220. Longtaim king Deibid en im boswan wekinmen olabat bin pikimat detlot 220 men grenfatha olabat blanga album ola Libai pipul en deibin raidimdan olabat neim du.

Nambas 16:9

Yumob reken im oni lilwan ting wen YAWEI det trubala God blanga ola Isreil pipul bin kadimat yumob brom det najalot pipul, wal yumob kaman gulijap langa im, en yumob garra abum det serramoni langa YAWEI Seikridwan Tent, en wek blanga detlot pipul en album olabat?

Nambas 18:2

Yu garra bringimap yu rileishanmob, det Libai klen, blanga wek garram yu, en dei garra album yu, en yu sanmob deya langa det Seikridwan Tent.

Nambas 3:8

Dei garra maindimbat ola enijing insaid langa det Seikridwan Tent, en dei garra wek blanga ola Isreil pipul.

Nambas 8:14

Yu garra kadimat detlot Libai pipul brom ol detlot Isreil pipul, wulijim dei garra jidan main speshalwan pipul.

Nambas 8:16

Aibin pikimat olabat blanga deigim pleis blanga detlot fesbon san blanga ola Isreil femili, dumaji olabat blanga mi na.

Nambas 8:18

Det Libai klen na, garra deigim pleis blanga detlot fesbon san blanga detlot Isreil pipul.

Nambas 8:19

En ai garra gibit det Libai klen langa Eran en im sanmob, jis laik presen brom detlot Isreil pipul, blanga wek langa det Seikridwan Tent blanga detlot Isreil pipul, en blanga lukaftumbat detlot Isreil pipul brom ola brabli nogudbala ting det mait kilim olabat if olabat kaman gulijap langa det Seikridwan Pleis.” Lagijat na YAWEI bin tok.

Ifishans 4:11

Wal Jisas Krais na bin gibit pawa langa im ronwan pipul olabat blanga dum im wek. Im pikimat wujan pipul im garra meigim jidan speshalwan mishanri, en wujan pipul garra jidan speshalwan mesinja, en wujan pipul garra dalimbat det Gudnyus langa ebribodi, en wujan pipul garra lukaftumbat ola Kristjan pipul en titjimbat olabat.

Ifishans 4:8

Im tok, “Wen imbin gowap ontop langa haibala pleis, im na bin meigim ola enami jidan prisana, en im na bin gibit ola enijing langa im ronwan pipul olabat.” Lagijat na imbin tok.