Nambas 3:2 - Kriol Baibul

² Eran bin abum fobala san. Det fesbon san blanga im bin neim Neideb, en det najalot bin neim Abaihu, Eliyeisa en Ithama.

Nambas 3:2 Iomraidhean Croise

Fes Kranakuls 24:1

Wal dislot pipul bin jidan femili lain blanga Eran. Wal Eran bin abum fobala san neim Neideb, Abaihu, Eliyeisa, en Ithama.

Fes Kranakuls 24:2

Wal Neideb en Abaihu bin dai bifo dubala dedi bin dai, en dubala nomo bin abum eni biginini. Wal wen Eran bin dai det dubala san gulum Eliyeisa, en Ithama bin jidan serramonimen na.

Fes Kranakuls 6:3

En Emrem bin abum dubala san neim Eran en Mosis en wanbala doda gulum Miriyam. Eran bin abum fobala san neim Neideb, Abaihu, Eliyeisa, en Ithama.

Eksadas 28:1

Wal YAWEI bin kipgon tok langa Mosis, “Yu garra pikimat yu braja Eran en im fobala san neim Neideb, Abaihu, Eliyeisa en Ithama, en yu garra kadimat olabat brom ola Isreil pipul, en dei garra jidan serramonimen blanga mi.

Eksadas 6:23

Eran bin merrit langa det doda blanga Aminadeb neim Ilaishaba, en imbin abum sista neim Neishan. Ilaishaba bin abum fobala san blanga Eran. Olabat bin neim Neideb, Abaihu, Eliyeisa en Ithama.

Labidakas 10:1

Wal det dubala san blanga Eran gulum Neideb en Abaihu bin gajim det kopawan dish blanga dubala en dubala bin pudum det laibala tjakol langa dubala dish, en dubala bin miksimap det gudsmelwan medisin en gibit langa YAWEI det trubala God. Bat det faiya im nomo bin seikridwan, dumaji YAWEI nomo bin dalim dubala blanga gibit.

Labidakas 10:12

Wal Mosis bin tok langa Eran en im dubala san Eliyeisa en Ithama, “Yumob garra deigim det leftobawan brom det sid daga ofring blanga YAWEI. Yumob garra meigim damba nomo garram raising blanga dagat wansaid langa det teibul blanga ofring, dumaji det ofring im brabli seikridwan.

Nambas 26:60

Eran bin abum fobala san, en olabat neim bin Neideb, Abaihu, Eliyeisa en Ithama.