Nambas 26:28 - Kriol Baibul

^28-34 Wal 52,700 men bin brom det klen blanga Manesa, hubin det san blanga Josef. Olabat bin kamat brom ol dislot femili grup na. Manesa bin abum wanbala san neim Mekiya en imbin dedi blanga Giliyad. Detlot femili blanga Giliyad bin Aiyesa, Helek, Esriyel, Shekam, Shemida en Hefa. Selafad bin det san blanga Hefa, bat im nomo bin abum eni san, oni ola doda. Olabat neim bin Mala, Nowa, Hogla, Milka en Taisa.

Nambas 26:28 Iomraidhean Croise

Jenasis 46:20

Imbin deigim Benjamin garram im tenbala san neim Bela, Beka, Eshbel, Gera, Neiman, Ihai, Rosh, Mapim, Hupim en Ard. Det najawan san blanga Jeikob en Reitjul neim Josef bin jidan deya langa det kantri olredi, en imbin merrit langa wan gel neim Eisanath. Det dedi blanga det gel bin neim Potafera, en imbin serramonimen langa det taun gulum Heliyapalas. Deya na langa det kantri, Eisanath bin abum dubala boi blanga Josef neim Manesa en Ifreiyim.

Jenasis 48:5

“Wal Manesa en Ifreiyim det dubala san blanga yu hubin bon iya langa Ijip bifo aibin kaman iya, dubala main san du jis laik Rubin en Simiyan main ronwan san dubala. En bambai wen ai garra hendimoba main kantri langa main san olabat, ai garra gibit haf langa Manesa en Ifreiyim du.

Fes Kranakuls 5:23

Wal detlot pipul brom det Sanraiswei Manesa klen bin jidan langa det kantri gulum Beishan en nowathwei langa Beilemon, Senira, en det hil gulum Heman, en deibin abum detmatj pipul na.

Fes Kranakuls 7:14

Wal Manesa bin abum dubala san brom im Eramiyan waif, en dubala bin neim Esriyel en Mekiya. Mekiya bin det dedi blanga Giliyad.

Dyudaranami 33:16

Im garra meigim det kantri abum loda gudwan ebrijing. Im garra meigim ebrijing jidan brabli gudwan. Im na bin tok brom det faiya langa lilwan tri weya nomo bin barn. YAWEI, yu meigim det klen blanga Josef brabli gudbinji, dumaji Josef im na bin lida blanga im braja olabat.