Nambas 25:8 - Kriol Baibul

⁸ En imbin bulurrum det men en det gel insaid langa det tent, en imbin kilim dubala ded garram det spiya. Blanga dijan na, det brabli strongwan siknis weya bin binijimapbat detmatj Isreil pipul bin stap,

Nambas 25:8 Iomraidhean Croise

Sekan Semyul 21:14

en imbin deigim ol detlot boun, en imbin dalim im wekinmen olabat blanga berrim ol detlot boun langa det greibyad weya Kish det dedi blanga Sol bin berrap langa det taun gulum Sela deya langa det kantri blanga det Benjamin klen. Wal detlot wekinmen bin berrim ol detlot boun, en deibin dum ebrijing weya King Deibid bin dalim olabat blanga dum, en afta na God bin irrim detlot preya blanga ola Isreil pipul, en imbin meigim det rein buldan langa det kantri blanga olabat igin.

Sekan Semyul 24:25

Afta na King Deibid bin bildimap det teibul blanga ofring blanga weship langa YAWEI, en imbin barnimap det dubala buligi langa det teibul blanga gibit ofring langa God, en imbin gibit im det najawan ofring gulum feloship ofring du. Wal YAWEI bin irrim det preya blanga King Deibid, en det siknis bin gowei brom ol detlot Isreil pipul. Binij na.

Fes Kranakuls 21:22

Wal King Deibid bin dalim im, “Aibin kaman iya blanga baiyim dijan pleis brom yu, dumaji mi garra bildimap teibul blanga ofring blanga weship langa YAWEI blanga stapam dijan nogudwan siknis. Ai garra gibit yu det raitwan mani.”

Melakai 2:5

“Aibin meigim det strongbala pramis garram det Libai bos longtaim. Aibin pramisim blanga gibit ola Libai pipul gudwan laif en dei garra jidan gudbinjiwei, en dei garra rispek mi. En deibin rispek langa mi brabliwei basdam.

Nambas 25:11

“Dumaji blanga wanim Finiyas bin dum, mi nomo wail langa detlot Isreil pipul. Finiyas nomo bin weship eni drimin sheip, oni langa mi na, YAWEI det trubala God, en im nomo wandim najalot pipul blanga gibit mi bekboun. Lagijat na ai nomo bin wandim binijimap ol detlot Isreil pipul wen aibin einggri.

Nambas 25:5

Wal Mosis bin dalim det najalot lida na, “Yumob garra lafta kilim ebri men langa yumob klen hubin go en weship det drimin sheip gulum Beil langa det hil gulum Piyowa.” Lagijat na Mosis bin tok.

Joshuwa 7:26

en afta deibin pailimap bigmob ston ontop langa ola eshis blanga olabat, en YAWEI nomo bin wail langa ol detlot Isreil pipul na. Wal ol detlot ston stil deya tudei, en dei gulum det pleis Trabul Beli, dumaji det men bin abum det trabul deya na.