Nambas 24:9 - Kriol Baibul

⁹ Detlot Isreil pipul olabat jis laiga laiyan. Wen im silip, nobodi kaan weikimap im. Enibodi hu gibit gudbala ting o wed langa detlot Isreil pipul garra gedim gudbala ting du, en enibodi hu singim detlot Isreil pipul garra abum det seimwan ting langa imselp.” Lagijat na Beilam bin tok.

Nambas 24:9 Iomraidhean Croise

Jenasis 12:3

En if enibodi tridim yu nogudbalawei, wal ai garra peiyimbek im nogudbalawei. En if enibodi gudbala langa yu, wal ai garra peiyimbek im gudbalawei. En garram yu na ai garra meigim ola traib langa ebri kantri brabli gudbinji.” Lagijat na God bin tok.

Jenasis 27:29

En ola najalot traib garra wek blanga yu, en olabat garra lukbek langa yu. En yu garra jidan bos blanga ola najalot braja blanga yu, dumaji ola biginini blanga yu mami garra lukbek langa yu. En if enibodi ardim yu, wal God garra ardim olabat du. En detlot pipul weya olabat gud langa yu, wal God garra gud langa olabat du.” Lagijat na det olmen bin gibit im laswan wed langa Jeikob.

Jenasis 49:9

Yu jis laiga bigbala laiyan weya oldei go en gajim enijing weya im wandim, en afta im gobek langa im kemp blanga abum spel, en nobodi kaman deya blanga hambag langa im.

Sekan Kranakuls 9:18

Siksbala step bin gowap raidap langa det tjeya, en deibin meigim step blanga im fut du weya deibin gaburrumap garram gol. Deibin pudum ampat lefthensaid en raidensaid en deibin meigim dubala sheip jis laik laiyan jandap langa dubala said.

Esta 6:13

Imbin dalim im waif Seresh en im fren olabat blanga ola ebrijing weya bin hepin langa im. Im fren olabat hubin oldei tok langa im blanga wanim im garra du en im waif Seresh du bin tok, “Modakai im Juwish men en yu garra abum loda trabul na. Ai dalim yu, yu kaan bidim det men.”

Job Wotfo Gudbala Pipul Abum Trabul? 41:10

En if im brabli wailwan, nobodi gin go en jandap wansaid langa im. Wal hu garra dalim mi wanim ai garra dum?

Ola Saam 122:6

Askim God blanga larram ola pipul langa Jerusalem jidan gudbinjiwei. Prei langa God, “God, larram ol detlot pipul hu laigim yu jidan gudbinjiwei.

Ola Saam 2:12

Yumob meigim miselp lobala langa im en weship langa im. If yumob nomo dum lagijat, im garra gitwail detmatj en yumob garra ol binij, dumaji im gin gitwail kwikbala. Bat detlot pipul hu trastim im blanga lukaftumbat olabat, wal dei garra gudbinji.

Eksadas 23:22

“Wal yumob garra lisin langa det einjul, en yumob garra dum ebrijing weya ai dalim yumob, en ai garra fait langa ola enami blanga yumob.

Aisaiya 31:4

“Wal YAWEI det boswan God bin dalim mi, ‘Ai garra jinginat en fait jis laiga laiyan. Wen det laiyan kilim det ship, im kaan teiknodis langa detlot men hu oldei maindimbat detlot ship, en wen detlot men jinginat adbala langa det laiyan, im kipgon dumbat det seimwan ting. Wal lagijat na, ai garra kaman en fait ontop langa det bigwan hil gulum Saiyan.

Maika 5:8

“Wal seimtaim afta det fait detlot Isreil pipul hu jidan laibala garra jidan langa ola najalot pipul jis laiga laiyan weya im go en lukabat daga. Det laiyan im go langa bush kantri o langa pedik, en wen im luk ola ship, im jamp langa olabat, en im terrimap olabat. Nobodi kaan seibum detlot ship brom det laiyan.

Nambas 22:12

Wal God bin dalim Beilam, “Yu nomo go garram dislot men, en yu nomo singim detlot Isreil pipul, dumaji aibin gibit olabat main pawa blanga dum enijing dei wandim dum.” Lagijat na God bin tok.

Nambas 22:6

Olabat tumeni en melabat oni lilbit pipul. Wal ai wandim yu garra kaman en singim olabat blanga mi, en maitbi wi gin bidim olabat en andimwei olabat brom wi kantri. Ai sabi yu brabli klebabala en yu oldei album pipul, en wen yu tok gudwei dei jidan gudbinji, en wen yu singim olabat dei jidan brabli nogudbala.” Lagijat na deibin gibit det mesij brom King Beilak.

Nambas 23:24

Detlot Isreil pipul jis laiga brabli strongwan laiyan. Im nomo abum spel raidap im dagadagat en dringgim det blad blanga det enimul weya imbin kilim.” Lagijat na Beilam bin tok.

Nambas 24:10

Wal Beilak bin holdim im bingga wailwei, dumaji imbin brabli wail en tok langa Beilam, “Aibin jingat langa yu blanga singim detlot enami blanga main, bat thritaim na yubin tok gudbalawei blanga olabat.

Methyu 25:40

En ai garra dalim olabat, ‘Trubala ai dalim yumob. Wen yumob bin dum detkain ting langa eni braja en sista main, imbin jis laik yumob bin dum langa mi.’

Methyu 25:45

En ai garra dalim olabat, ‘Trubala ai dalim yumob. Wen yumob bin luk eni braja o sista main, en yumob nomo bin dum detkain ting langa im, wal imbin jis laik yumob nomo bin dum langa mi.’

Eks Hau Det Gudnyus Blanga Jisas Krais Bin Spredat Ebriweya 9:5

Wal Sol bin tok, “Bos, hu yu?” En det sambodi bin tok, “Mi na Jisas, en yu oldei ardimbat mi.

Dyudaranami 30:7

En im garra tenimran ol detlot panishmen brom yumob langa yumob enami olabat, weya dei nomo laigim yumob en deibin oldei tridim yumob nogudbalawei.