Nambas 24:8 - Kriol Baibul

⁸ God bin bringimap olabat brom Ijip. Im oldei fait blanga olabat laiga wailwan buligi. Dei oldei bidim olabat enami. Dei breigim olabat boun en tjakidawei olabat spiya.

Nambas 24:8 Iomraidhean Croise

Ola Saam 2:9

Yu garra jidan adbala bos blanga ol yu enami olabat. Yu garra beldim olabat garram det aiyanwan wadi. Yu garra tjakamdan olabat en breikimap olabat jis laik wen sambodi tjakamdan botul en im bitsap.’ ”

Ola Saam 21:12

Im garra shudum im erro langa olabat, en olabat garra tenaran en ranawei.

Ola Saam 45:5

Larram ola brabli shapwan erro blanga yu hitim detlot hat blanga yu enamimob, en yu bidim olabat.

Ola Saam 45:6

Det kantri God bin gibit yu blanga jidan bos garra jidan olagijawan. Yu jidan bos langa yu pipul olabat en yu gibit olabat feyago.

Eksadas 23:22

“Wal yumob garra lisin langa det einjul, en yumob garra dum ebrijing weya ai dalim yumob, en ai garra fait langa ola enami blanga yumob.

Aisaiya 38:13

Raidap ailibala aibin reken yu garra bitsimap main boun na, jis laik det hanggriwan laiyan. Kwikbala aibin reken yu garra binijim main laif.

Jeramaiya 50:17

Wal YAWEI bin kipgon tok, “Detlot Isreil pipul, olabat jis laik detlot ship wen detlot laiyan ranimap olabat en spredimat olabat oloba. Det boswan brom Asiriya bin fait langa olabat basdam, en afta King Nebakanesa brom Bebalon bin wandim binijimap olabat.

Jeramaiya 50:9

Ai garra sterrap sambala strongbala pipul brom nowathsaid en meigim olabat go en fait langa Bebalon. Olabat garra ol majurrumap miselp blanga fait langa detlot pipul langa Bebalon en olabat garra bidim detlot pipul. Olabat brabli gudwan hanta. Olabat gin shudum garram olabat bo en erro en nomo misdim.

Denyul 6:24

Afta na det king bin gibit oda blanga gajim ol detlot men hubin tok nogudwei blanga Denyul en deibin tjakam olabat en olabat waif en bigininimob insaid langa det hol weya detlot laiyan jidan. Streidawei detlot laiyan bin jamp en gajim olabat en bin dagadagat olabat holot.

Nambas 14:9

Nomo gibit bekboun langa YAWEI, en nomo bradin blanga detlot pipul hu jidan deya. Wi gin bidim olabat isibala. YAWEI im oldei iya garram wi en im garra bidim detlot drimin hubin oldei lukaftumbat detlot pipul langa det kantri. Yumob nomo bradin.” Lagijat na det dubala bin tok.

Nambas 23:22

God na bin bringimat olabat brom Ijip garram strongwan pawa jis laik wailwan buligi.

Nambas 23:24

Detlot Isreil pipul jis laiga brabli strongwan laiyan. Im nomo abum spel raidap im dagadagat en dringgim det blad blanga det enimul weya imbin kilim.” Lagijat na Beilam bin tok.

Methyu 2:15

en deya na deibin jidanbat raidap Herod bin dai. Lagijat na imbin hepin, dumaji God bin tok im garra hepin lagijat na. Longtaim wan speshalwan mesinja blanga God bin tok langa oltestaman blanga dijan ting. Imbin tok, “God bin deigidawei det San blanga im brom Ijip.”

Dyudaranami 32:23

“ ‘Ai garra bringimap loda brabli nogudwan trabul langa yumob, en ai garra yusum main spiya langa yumob.

Dyudaranami 32:42

Main spiya garra jidan garram detmatj blad brom olabat. Det bigwan shapwan naif blanga main garra kilim ol detlot hu fait langa mi. Nobodi hu fait langa mi garra jidan laibala, nomeda olabat langa jeil o hu ardimbat brom faitfaitbat langa wo. Holot garra dai.’

Dyudaranami 7:1

Wal Mosis bin kipgon tok langa ola Isreil pipul, “YAWEI det trubala God blanga wi garra deigim yumob langa det kantri weya yumob garra teikoba blanga jidan deya na. Im garra andimwei ola najalot traib brom det kantri. Wen yumob kaman gulijap olawei langa det kantri YAWEI garra andimwei sebenbala strongbala traib weya olabat jidan detmatj na. Olabat jidan strongwan pipul. Olabat ola Hitait, Gegashait, Emarait, Keinanait, Perasait, Hibait en Jebusait traib.

Joshuwa 2:10

Melabat bin irrim det nyus weya yumob bin gowei brom Ijip en YAWEI bin draiyimap det woda blanga larram yumob krosim det solwoda gulum Redsi. En melabat bin irrim det nyus du weya yumob bin bidim ol detlot Emarait pipul det said langa det Jodan Riba en yumob bin kilim ded det dubala men neim Saihan en Og hubin jidan king blanga detlot pipul.