Nambas 24:6 - Kriol Baibul

⁶ Olabat jis laik pamtri weya im jidan wan lain, en laik sambala gadin wansaid langa riba, en laik detlot elos tri weya YAWEI bin growimap olabat, en laik detlot sidatri weya gro wansaid langa riba.

Nambas 24:6 Iomraidhean Croise

Jenasis 13:10

Wal Lot bin luk raidaran langa det Jodan Riba kantri raidap langa det taun gulum Sowa, en imbin luk loda woda deya, en det kantri bin jis laik Ijip en jis laik det gadin blanga YAWEI. Dijan bin hepin bifo YAWEI bin binijimap det dubala taun gulum Sadam en Gamora.

Ola Saam 1:3

Detlot pipul garra jidan strongbala jis laik det strongwan tri weya growimap wansaid langa riba. Im abum daga langa det rait taim, en ola lif blanga im nomo draiyap. Wal ol detlot pipul garra jidan lagijat du. Dei garra jidan strongbala langa gudbala pleis.

Ola Saam 104:16

Detlot sidatri brom Lebanan oldei gedim loda rein. Olabat ola ronwan tri blanga YAWEI weya imbin plentim.

Ola Saam 45:8

Det gudsmelwan medisin brom mera, elos en kasha jidan langa yu klos, en detlot hu plei myusik, plei blanga yu insaid langa ola bigwan haus weya deibin meigim purdiwan garram boun blanga elafen.

Brabli Gudwan Song 6:11

Aibin go langa det frut tri gadin langa beli blanga luk if detlot tri garram purdiflawa, en aibin luk ola nyuwan lif blanga detlot greiptri.

Aisaiya 41:19

Ai garra meigim det deset kantri jidan garram olkain tri. Detlot sidatri, saiprastri, olibtri, en ola najalot tri garra gro deya.

Aisaiya 58:11

Mi na YAWEI garra oldei lidimbat yumob en gibitbat yumob gudbala ting blanga dagadagatbat wen yumob jidanbat langa det deset kantri. Ai garra meigim yumob jidan strongbala en brabli gudbala. Yumob garra jidan jis laik det gadin weya garram loda woda o jis laik det springwoda weya neba binij.

Jeramaiya 17:18

Yu meigim ol detlot hu oldei ardimbat mi jidan sheimwan, bat yu sori langa mi en album mi YAWEI. Yu meigim olabat jidan bradinwan, bat yu nomo bradinim mi. Yu jandim detlot nogudbala ting langa olabat, en yu binijimap olabat brabliwei.” Wal lagijat na aibin tok.

Jeramaiya 31:12

Olabat garra kaman en sing gudbalawei langa det hil gulum Saiyan, en olabat garra jidan brabli gudbinji garram detlot gudwan ting weya ai gibit langa olabat. Detlot sid daga, en wain en oliboil, en ola ship en buligi ai garra gibit olabat. Olabat garra jidan jis laik det gadin garram loda woda. Olabat garra abum ebrijing olabat wandim.

Isikiyel 47:12

“Ola frut tri garra gro olawei langa dubala beingksaid blanga dijan riba en dei garra abum detmatj gudwan frut daga ebri manth. Detlot bushis kaan neba draiyap, dumaji olabat garra abum loda woda brom det krik weya im kamat brom det Serramoni Pleis. En detlot lif brom ola tri garra meigim ola pipul brabli gudbala.” Lagijat na det men bin tok.

Jowal 3:18

“Wal det taim na yumob garra faindim detmatj daga langa ola hil. En detmatj buligi garra wokabat ebriweya langa det kantri du. En ola krik ebriweya langa Juda garra abum loda woda. En wanbala riba garra kamat brom main Serramoni Pleis, en det riba garra wodarim det pleis gulum Akeisha Beli.

Nambas 24:5

Detlot tent blanga detlot Isreil pipul olabat brabli gudbala.