Nambas 24:5 - Kriol Baibul

⁵ Detlot tent blanga detlot Isreil pipul olabat brabli gudbala.

Nambas 24:5 Iomraidhean Croise

Niyamaiya 13:2

dumaji detlot pipul brom Eman en Moweb nomo bin gibit eni daga en woda langa ola Isreil pipul wen deibin kamat brom Ijip. En deibin peiyim mani langa Beilam det klebabala men blanga ardim melabat garram im wed. Bat melabat God bin tenimran det wed en Beilam bin tok gudbala ting langa melabat.

Ola Saam 84:2

Mi wandim jidan langa det Serramoni Pleis blanga YAWEI brabliwei! Garram ol main laif mi sing gudbinjiwei langa det laibalawan God.

Eksadas 38:21

Ola wekinmen bin yusum loda gol en silba en kopa blanga meigim det Seikridwan Tent weya YAWEI en det dubala fletwan ston garram ola lowa garra jidan. Mosis bin dalim olabat blanga raidimdan haumatj gol en silba en kopa deibin yusum, en detlot wekinmen brom det Libai klen bin raidimdan. Det bos blanga detlot wekinmen bin neim Ithama. Im dedi bin Eran det haibala serramonimen.

Brabli Gudwan Song 4:7

Main olgamen, yu purdiwan, en yu luk brabli purdiwan ebridei.

Brabli Gudwan Song 6:4

Main olgamen, yu luk brabli purdiwan laik Jerusalem, en laik det bigbala taun gulum Taisa. Langa mi yu luk brabli purdiwan.

Labidakas 23:42

Yumob garra jidan langa hampi blanga 7 dei wulijim detlot bigininimob blanga yumob garra sabi weya aibin meigim yumob Isreil pipul jidan langa detlot hampi wen aibin lidimbat yumob en meigim yumob kamat brom Ijip. Wal mi na YAWEI det trubala God blanga yumob.”

Melakai 2:12

Wal mi askim YAWEI blanga andimwei ola men hu dum diskain ting, wulijim dei kaan joinin garram im pipul en dei kaan bringimap eni ofring langa YAWEI det haibala bos.

Nambas 2:34

Wal detlot Isreil pipul bin dum ebrijing wanim YAWEI bin dalim Mosis. Deibin kemp gulijap langa olabat ronwan fleig. En deibin wok garram olabat ronwan klen du.

Nambas 24:2

en deya na imbin faindim detlot Isreil pipul bin kemp deya langa det deset kantri. En det spirit blanga God bin teikoba langa im na,

Nambas 24:4

Aibin irrim dijan wed dumaji God bin dalim mi. En aibin luk dijan dumaji det boswan God bin shoum langa mi.

Nambas 24:6

Olabat jis laik pamtri weya im jidan wan lain, en laik sambala gadin wansaid langa riba, en laik detlot elos tri weya YAWEI bin growimap olabat, en laik detlot sidatri weya gro wansaid langa riba.

Dyudaranami 33:29

Yumob Isreil pipul jidan brabli gudbinji na. Nomo eni pipul jidan laik yumob. YAWEI bin seibum yumob. YAWEI na oldei jidan jis laik det shild en shapwan naif. Im na oldei lukaftumbat yumob en bidim yumob enamimob. Detlot enami garra askim yumob blanga kainbala langa olabat, bat yumob Isreil pipul garra bidim olabat.” Lagijat na Mosis bin tok.

Joshuwa 24:10

Bat ai nomo bin larram Beilam singim yumob. Nomeda imbin trai singim yumob, bat stil imbin gibit yumob gudbala wed blanga album yumob, en lagijat na aibin meigim yumob bidim det king.