Nambas 24:23 - Kriol Baibul

²³ En Beilam bin kipgon toktok dijan speshalwan wed, “Hu dislot pipul hu majurrumapbat miselp langa nowathwei?

Nambas 24:23 Iomraidhean Croise

Sekan Kings 5:1

Wal det king blanga det kantri gulum Siriya bin rispek brabliwei Neiman det boswan solja blanga detlot Siriya solja, dumaji YAWEI det trubala God bin album im wen im en im soljamob bin go blanga fait. En imbin brabli gudwan solja du, bat imbin abum brabli nogudwan skin siknis ebriweya langa im bodi.

Melakai 3:2

Bat langa det dei wen im garra kaman, hu gin jidan laibala? Nobodi. Hu gin jandap lida langa im? Nobodi. Yu sabi hau det hotwan faiya binijimap det rabishwan pat langa det silba o gol. Wal wen im kaman bambai im garra binijimap ola nogudwan ting insaid langa im pipul olabat. Yu sabi hau det sop deigidawei det dardiwan pat brom ola klos. Wal lagijat du im garra deigidawei ola nogudwan brom im pipul olabat.

Nambas 23:23

Nomo eni klebabala ting gin ardim ol detlot Isreil pipul. Pipul garra tok blanga detlot Isreil pipul, ‘Yumob luk wanim God bin dum blanga olabat!’

Nambas 24:22

Bat yumob Kenait pipul garra gitkil wen detlot Asiriya solja garra deigimwei yumob prisana.”

Nambas 24:24

Detlot enami garra kaman brom solwodasaid brom Saipras. Olabat garra bidim Asiriya en Iba, bat bambai detmob brom Saipras garra binijap olagijawan.” Lagijat na Beilam bin tok.