Nambas 23:24 - Kriol Baibul

²⁴ Detlot Isreil pipul jis laiga brabli strongwan laiyan. Im nomo abum spel raidap im dagadagat en dringgim det blad blanga det enimul weya imbin kilim.” Lagijat na Beilam bin tok.

Nambas 23:24 Iomraidhean Croise

Jenasis 49:27

“Benjamin, yu jidan jis laiga hanggriwan wail dog weya kilim bif moningtaim en naitaim du.”

Jenasis 49:9

Yu jis laiga bigbala laiyan weya oldei go en gajim enijing weya im wandim, en afta im gobek langa im kemp blanga abum spel, en nobodi kaman deya blanga hambag langa im.

Sekan Kranakuls 9:18

Siksbala step bin gowap raidap langa det tjeya, en deibin meigim step blanga im fut du weya deibin gaburrumap garram gol. Deibin pudum ampat lefthensaid en raidensaid en deibin meigim dubala sheip jis laik laiyan jandap langa dubala said.

Ola Saam 17:12

Dei jis laiga hanggriwan laiyan weya hanting blanga daga. Dei jis laiga strongwan laiyan weya blandim miselp en lukinat mi.

Prabebs 30:30

Jinggabat det laiyan. Im nomo bradin blanga enijing, en im jidan bos blanga detlot bush kantri.

Aisaiya 31:4

“Wal YAWEI det boswan God bin dalim mi, ‘Ai garra jinginat en fait jis laiga laiyan. Wen det laiyan kilim det ship, im kaan teiknodis langa detlot men hu oldei maindimbat detlot ship, en wen detlot men jinginat adbala langa det laiyan, im kipgon dumbat det seimwan ting. Wal lagijat na, ai garra kaman en fait ontop langa det bigwan hil gulum Saiyan.

Denyul 2:44

“Haibala bos, yubin luk hau det ston bin breik brom det bigwan hil wen nobodi nomo bin tatjim, en hau det ston bin hitim en bitsimap det bigwan drimin sheip weya olabat bin meigim brom aiyan en kopa, klei en silba en gol. Bambai det God hu oldei jidan deya langa top garra meigim detlot kantri jidan blanga wanbala king en im kaan neba binij. Najalot king en boswan kaan bidim im, en im garra binijimap olabat, en afta im garra jidan olagijawan. “Wal haibala bos, det haibala God bin dalim yu wanim garra hepin bambai. Aibin dalim yu wanim det drim en det mining, en aibin dalim yu ola trubalawan wed.” Lagijat na Denyul bin tok.

Eimos 3:8

“Wen det laiyan im jingat brabli adbala, yumob reken enibodi garra bradin langa im? Yuwai, dei garra bradin. Wen YAWEI det boswan God tok blanga enijing, yumob reken det speshalwan mesinja garra spredimat det wed? Yuwai, im garra spredimat.” Lagijat na aibin tok.

Neiham 2:11

Wal weya na det bigwan taun garram ola strongbala pipul? Deibin oldei jidan jis laiga bigmob laiyan. Det taun bin jis laik det pleis weya ola lilwan laiyan bin oldei fidabat. Det taun bin jis laik det pleis weya det dediwan en mamiwan laiyan bin oldei jidan en lukaftumbat dubala beibi. Detlot beibiwan laiyan nomo bin bradin blanga enijing deya.

Neiham 2:12

En det dediwan laiyan bin oldei kilim enijing en deigimbek langa det pleis, en imbin oldei breigimap det bif blanga gibit im waif en biginini olabat, en imbin oldei bilimap det pleis garram ol detlot enijing weya imbin oldei bringimbek. Wal weya det taun en ola pipul hubin jidan deya jis laik detlot laiyan?

Sekaraiya 12:6

“Langa det dei bambai detlot pipul brom detlot femili lain blanga Juda garra fait langa olabat enami en dei garra kilim olabat brabliwei, jis laik faiya weya barnimap ola bush kantri, o jis laik lilwan metjis weya barnimap draiwan gras langa pedik. Olabat garra kilim ola enami raidaran lagijat na, bat detlot Jerusalem pipul garra jidan seif deya langa olabat taun.

Nambas 23:25

Wal Beilak bin tok langa Beilam, “Yu nomo bin wandim singim detlot Isreil pipul, bat yu kaan bekimap olabat en tok gudbalawei langa olabat.” Lagijat na Beilak bin tok.

Nambas 24:17

Tudei na ai gin luk det taim weya garra kaman bambai, en ai gin luk detlot Isreil pipul. Wanbala king jis laiga braitwan sta garra bon brom detlot Isreil pipul. Jis laik det brabli braitwan sta, im garra kaman brom Isreil. Im garra kilim detlot lida brom Moweb, en im garra bidim ola pipul blanga Seth.

Dyudaranami 33:20

Blanga det klen blanga Ged Mosis bin tok, “Yumob preisimbat God. Im na garra gibit yumob bigismob kantri. Yumob jidan redibala blanga fait, jis laiga laiyan redi blanga kilim enimul blanga dagat.

Rebaleishan 5:5

Brom deya wan olmen brom detlot olmen bin tok langa mi, “Yu nomo kraikrai. Yu luk dijan iya? Im det Boswan brom det Juda klen. Im jis laiga laiyan. En im grengrensan blanga King Deibid. Wal imbin win, en im na gin deigimat detlot sebenbala bush gam en opinimap det rolapwan peipa.”