Nambas 23:22 - Kriol Baibul

²² God na bin bringimat olabat brom Ijip garram strongwan pawa jis laik wailwan buligi.

Nambas 23:22 Iomraidhean Croise

Ola Saam 22:21

Ol main enami jidan brabli krulbala. Seibum mi brom olabat. Olabat jis laik detlot wailwan bul en laiyan.

Ola Saam 68:35

Im brabli haibalawan God en im kaman brom det pleis weya im jidan. Im na det God blanga ola Isreil pipul. Im na meigim im pipul olabat strongbala, en im na gibit olabat pawa. Preisim God!

Ola Saam 92:10

YAWEI, yubin meigim mi strongbala jis laik wailwan bul jidan strongbala. En dumaji yubin gud langa mi, mi jidan gudbinji.

Eksadas 12:41

en wen det laswan dei blanga det 430 yiya bin kaman, det taim na YAWEI bin deigidawei im pipul olabat brom det kantri.

Eksadas 12:51

En ebritaim wen olabat abum det Pasoba Serramoni, olabat dum langa det seimwan dei weya YAWEI bin bringimat olabat brom Ijip.

Eksadas 14:18

en ol detlot pipul langa det kantri Ijip garra sabi mi na YAWEI det trubala God.” Lagijat na YAWEI bin tok.

Eksadas 20:2

“Mi na YAWEI det trubala God hubin deigidawei yumob brom Ijip weya detlot pipul bin meigim yumob jidan jis laiga prisana en dumbat ola adwek.

Eksadas 9:16

Bat imbin larram yumob kipgon jidan laibala, dumaji im wandim yu garra luk det pawa blanga im, en afta wen yu luk det pawa blanga im, det stori garra spredat ebriweya, en pipul langa ebri kantri garra tokabat YAWEI det haibala God.

Aisaiya 34:7

Detlot lidamob blanga Idam hu oldei jidan brabli strongbala, wulijim bigwan buligi garra ol dai. Ola olmen en ola yangwan men garra ol dai du, en det kantri garra jidan garram olabat blad en fet.

Nambas 22:5

bin jandim sambala mesinja blanga tok langa Beilam det san blanga Biyowa, hubin jidan langa Pethora gulijap langa Yufreitis Riba langa det kantri gulum Amau. Olabat bin bringimap dijan wed brom Beilak, “Ai wandim yu garra sabi loda pipul bin kaman brom Ijip, en deibin spredatbat ebriweya na, en maitbi dei garra trai blanga deigimoba wi kantri na.

Nambas 24:8

God bin bringimap olabat brom Ijip. Im oldei fait blanga olabat laiga wailwan buligi. Dei oldei bidim olabat enami. Dei breigim olabat boun en tjakidawei olabat spiya.

Dyudaranami 33:17

Det dubala ami blanga Ifreiyim en Manesa jidan jis laiga wailwan buligi. Dei jidan haibala en strongbala. Dei garra yusum spiya blanga kilim detlot najalot pipul brom najalot kantri.”

Joshuwa 2:10

Melabat bin irrim det nyus weya yumob bin gowei brom Ijip en YAWEI bin draiyimap det woda blanga larram yumob krosim det solwoda gulum Redsi. En melabat bin irrim det nyus du weya yumob bin bidim ol detlot Emarait pipul det said langa det Jodan Riba en yumob bin kilim ded det dubala men neim Saihan en Og hubin jidan king blanga detlot pipul.