Nambas 23:21 - Kriol Baibul

²¹ Ai sabi wanim garra hepin langa detlot Isreil pipul. Dei kaan abum eni prablam o trabul, najing. YAWEI det trubala God blanga olabat im deya garram olabat. Olabat jingatbat, ‘God im melabat king!’

Nambas 23:21 Iomraidhean Croise

Sekan Kranakuls 13:12

Wal blanga tharran na God jidan garram melabat en im garra go lida langa melabat wen melabat go blanga fait wen detlot serramonimen blowim detlot longwan wisul. Wal im nomo eni gud yumob Isreil pipul. Yumob lafta gibap. Yumob kaan bidim YAWEI det God blanga yumob grengrenfatha weya olabat bin weshipbat.” Lagijat na King Abaija bin tok.

Ola Saam 103:12

En yu jinggabat hau det sanraisaid jidan brabli longwei brom det sangodansaid. Wal lagijat du im garra deigidawei ola nogudbalawei longwei brom wi.

Ola Saam 118:15

Irrim ola pipul blanga God jinginatbat gudbinjiwei insaid langa olabat tent dumaji deibin win. Det strongwan pawa blanga YAWEI det trubala God bin meigim olabat bidim olabat enami.

Ola Saam 135:21

Preisim YAWEI langa Saiyan deya langa Jerusalem weya im jidan. Preisim YAWEI det trubala God!

Ola Saam 23:4

Nomeda if ai go thru langa brabli dakbala pleis weya enijing gin meigim mi dai, bat stil ai kaan bradin dumaji yu iya garram mi olataim. Yu garram yu spiya en yu longwan stik blanga lukaftumbat mi.

Ola Saam 32:5

Aibin tok miselp, “Ai garra dalim YAWEI blanga ola nogudbala ting aibin dumbat.” En aibin dalim yu blanga ol main nogud ting. Ai nomo bin blandim eni nogud ting brom yu. En yubin larramgo mi fri blanga ol detlot nogud ting weya ai nomo bin bulurrum yu lowa.

Ola Saam 46:11

YAWEI det boswan God im iya garram wi na. Det God blanga Jeikob, im oldei lukaftumbat wi.

Ola Saam 46:7

YAWEI det boswan God im iya garram wi na. Det God blanga Jeikob, im oldei lukaftumbat wi.

Ola Saam 97:1

YAWEI det trubala God im Brabli Boswan! Ola pipul langa ebri kantri yumob gudbinji. Jidan gudbinji ola pipul langa ola longweiwan kantri.

Ola Saam 99:2

YAWEI im jidan strongbalawan langa Jerusalem. Im det boswan blanga ebri kantri.

Eksadas 13:21

en YAWEI bin oldei go lida langa olabat. Deitaim imbin oldei go lida garram longwan klaud blanga shoum olabat det roud blanga wok, en naitaim imbin oldei go lida garram longwan faiya blanga gibit olabat lait. Lagijat na imbin go lida langa olabat wulijim dei gin trebul deitaim en naitaim.

Eksadas 3:12

Wal God bin tok, “Ai garra go garram yu, en wen yu deigimat detlot pipul brom det kantri, yumob garra kaman langa dijan hil na en weship langa mi, en afta wen yu kambek iya garram detlot pipul, det taim na yu garra sabi trubala mi na bin jandim yu.”

Eksadas 34:9

en imbin tok, “If yu gudbinji langa mi brabliwei, wal yu garra kaman garram melabat. Ai sabi ol detlot Isreil pipul dei brabli adbala pipul. Bat yu larramgo melabat fri brom melabat nogudbalawei en brom ola nogudbala ting weya melabat bin dumbat, en yu meigim melabat yu ronwan pipul.”

Aisaiya 1:18

“ ‘Wal kaman na! Ai wandim yumob blanga kaman en sodimat dijan trabul. Det nogudbalawei blanga yumob meigim yumob jidan brabli dardiwan, bat ai garra meigim yumob jidan brabli klinbala na.

Aisaiya 12:6

Singim song yumob brom Saiyan, en preisim YAWEI det brabli holiwan God blanga Isreil pipul. God im jidan iya blanga album im pipul olabat.”

Aisaiya 33:21

YAWEI det brabli gudbala en kainbala God garra jidan garram wi. Det bigiswan riba garra jidan deya, en YAWEI garra kipum wi seifwan brom ol detlot enami garram bout.

Aisaiya 33:22

“Oni YAWEI na im bos blanga wi, en oni im na gin jadjim wi. Oni im na det king blanga wi, en oni im na gin album wi, en kipum wi seifwan.

Aisaiya 38:17

Aibin abum loda adwan taim, bat yubin titjimbat mi. Yubin laigim mi en yubin lukaftumbat mi. Yubin seibum mi brom det greibyad, Brom ol detlot nogudbala ting weya aibin dumbat, yubin larramgo mi fri.

Aisaiya 41:10

Yumob nomo bradin blanga enijing. Mi oldei jidan garram yumob. Yumob nomo sheiksheik en bradin blanga enijing. Mi na yumob God. Ai garra meigim yumob brabli strongbala, en ai garra oldei maindimbat yumob garram main pawa en ai garra meigim yumob win wen yumob go langa wo.

Aisaiya 8:10

Nomeda yumob majurrumap miselp en meigim plen, bat yumob kaan win, najing, dumaji YAWEI im oldei iya garram wi.”

Jeramaiya 50:20

Wen det taim garra kaman bambai, nomo enibodi kaan dumbat nogudbala ting enimo langa Isreil en nomo enibodi kaan dumbat wikitwan ting enimo langa Juda igin, dumaji ai garra larramgo fri detlot pipul weya stil jidan laibala.”

Isikiyel 48:35

En holot det wol garra jidan 10 kilomita. Det taun garra abum nyuwan neim gulum YAWEI Im Jidan Iya.” Lagijat na YAWEI bin tok. Binij na.

Jowal 2:27

“Wal main pipul olabat kaan sheim enimo na. En yumob garra sabi trubala mi jidan garram yumob. En yumob garra sabi yumob nomo garram eni drimin. Oni mi na YAWEI det trubala God blanga yumob. En main pipul olabat kaan sheim enimo.” Lagijat na YAWEI bin tok.

Labidakas 9:24

Streidawei YAWEI bin jandim faiya, en imbin barnimap ol detlot barnapwan ofring, en det fetpat langa det teibul blanga ofring. Wen ol detlot pipul bin luk wanim bin hepin, deibin ol jingat, en deibin nildan garram olabat feis langa graun.

Nambas 14:18

‘Wal mi na YAWEI det trubala God, en mi nomo gitwail kwikbala. Mi laigim yumob brabliwei en mi oldei kain langa yumob en fil rili sori blanga yumob nogudbalawei weya yumob oldei dumbat. Bat ai stil garra panishim ola biginini blanga yumob en ola biginini blanga olabat du, blanga yumob mami en dedi nogudbalawei.’ Lagijat na YAWEI yubin tok basdam.

Nambas 14:19

YAWEI, yu brabli kainbala, en yu nomo tjeinjim yu main. Yu brabli haibala YAWEI, en ai askim yu blanga larramgo olabat fri brom olabat nogudbalawei, laik yubin oldei larramgo olabat fri wen olabat bin gowei brom Ijip.” Lagijat na Mosis bin prei.

Nambas 16:3

Olabat bin midap langa Mosis en Eran en deibin tok langa dubala, “Yunbala bin reken yunbala na lida blanga ol dislot pipul blanga YAWEI det trubala God, bat melabat na blanga YAWEI en im oldei iya garram melabat. Mosis, wotfo yu reken yu bos blanga ola pipul blanga YAWEI?”

Nambas 9:22

Nomeda if im blanga dubala dei, o wan manth, o wan yiya, o longtaim, wen det klaud bin oldei jidan ontop langa det Seikridwan Tent deibin jidan, bat wen det klaud bin oldei gidap, deibin gidap du en shifdim olabat kemp.

Methyu 1:23

Imbin tok, “Wan singulwan yanggel deya garra jidan femiliwei. Lilboiwan im garra abum, en dei garra gulum im neim Imenyuwel.” Lagijat na det mesinja bin tok, en garram det Hibru langgus det neim im tok, “God im iya garram wi.”

Romans 6:14

Yumob sabi? Ola nogudbala ting kaan jidan bos blanga wi, dumaji wi nomo trastim det lowa blanga seibum wi. Wi trastim God weya imbin kain langa wi.

Romans 8:1

Wal God kaan faindim gilti en panishim detlot pipul hubin joinap garram Jisas Krais, dumaji det Holi Spirit bin meigim wi jidan fri brom det nogudbalawei na, weya meigim wi dai. Det nogudbalawei bin jidan bos blanga wi basdam. Bat det Holi Spirit jidan Bos blanga wi na, en imbin gibit wi laif dumaji wibin joinap garram Jisas Krais.

Sekan Karinthiyans 2:14

Wal nomeda wi abum loda wori, bat stil wi garra gibit theingks langa God, dumaji imbin joinimap wi langa Jisas Krais, en im oldei meigim wi win garram im, en God oldei yusum wi blanga meigim det gudnyus blanga Jisas Krais go ebriweya, en wen wi spredimat det gudnyus, wi jis laiga gudsmel, en det gudnyus im jis laiga gudsmelwan medisin.

Sekan Karinthiyans 5:19

En mi oldei dalimbat olabat God wandi meigim ebribodi jidan fren blanga im thru Jisas Krais, en mi dalimbat olabat wen dei bilib langa Jisas Krais, God kaan bukumdan ol detlot nogudbala ting weya deibin dumbat. Tharran na det wed weya God bin gibit langa mi blanga dalimbat ebribodi.

Sekan Karinthiyans 6:16

En det seikridwan pleis blanga God kaan jidan garram detlot drimin. Wal yumob jinggabat na. Wi na det seikridwan pleis blanga det laibalawan God, dumaji weya God jidan, tharran na det seikridwan pleis blanga im. En langa oltestaman im tok, “God im jidan garram im pipul olabat, en im jidan God blanga olabat, en olabat jidan pipul blanga im.”

Dyudaranami 31:23

Wal YAWEI bin dalim Joshuwa det san blanga Nan, “Yu garra jidan brabli strongbala en nomo bradin en nomo gibap. Yu garra lidim dislot Isreil pipul langa det kantri weya aibin pramisim olabat, en ai garra jidan garram yu.” Lagijat na YAWEI bin tok.

Dyudaranami 32:5

Bat yumob nomo trubala langa YAWEI. Yumob kaan jidan im pipul olabat. Yumob brabli nogudbala en laiyinbala pipul.

Dyudaranami 33:5

Wen ol yumob klen en lidamob bin majurrumap miselp, yumob bin tok, ‘YAWEI jidan king blanga wi.’ ”

Dyudaranami 9:24

Blanga longtaim aibin sabi yumob en langa det taim na yumob bin gibit bekboun langa YAWEI.

Jadjis 6:13

Wal Gidiyan bin tok, “Bos, ai kaan bilib langa yu, dumaji if YAWEI bin iya garram melabat, wal melabat nomo bina abumbat dijan trabul. Melabat dedi bin oldei dalimbat melabat blanga ola gudbala ting weya YAWEI bin oldei dumbat blanga olabat, en deibin oldei dalim melabat det stori weya imbin deigidawei olabat brom Ijip. Bat imbin gowei brom melabat na, en im larram ola Midiyan pipul dumbat nogudbala ting langa melabat.” Lagijat na Gidiyan bin tok.

Fes Semyul 25:28

en yu larramgo mi fri brom dis nogudbala ting weya bin hepin langa yu, dumaji YAWEI garra meigim yu jidan king, en ola king garra kamat brom yu femili olabat, dumaji yu oldei fait blanga YAWEI. Wal yu nomo wandi dumbat eni nogudbala ting brom tudei raidap yu dai.