Nambas 23:10 - Kriol Baibul

¹⁰ Detlot biginini blanga detlot Isreil pipul jidan jis laik det das. Dei tumatj, en wi kaan kaundimap olabat. Larram mi binijimap main laif laik detlot pipul blanga YAWEI. Larram mi dai gudbinjiwei jis laik detlot gudbala pipul.” Lagijat na Beilam bin tok.

Nambas 23:10 Iomraidhean Croise

Jenasis 13:16

Ai garra gibit yu bigismob biginini olabat. Dei garra jidan detmatj jis laik sengraun, en nobodi kaan kaundimap olabat.

Jenasis 22:17

Ai garra kipum det pramis blanga yunmi, en yu garra abum bigismob biginini. Jis laik detlot sta en detlot sengraun weya jidan wansaid langa det solwoda, yu garra abum detmatj biginini na. En ola biginini blanga yu garra bidim ola enami blanga olabat,

Jenasis 28:14

Yu garra abum bigismob biginini olabat. Detmatj yu garra abum, en dei garra jidan jis laik sengraun wulijim nobodi kaan kaundimap olabat. Dei garra kamat brom yu, en dei garra spredat ebriweya langa ebri kantri. En ai garra album ola najalot pipul du. Bat ai garra yusum yu en yu biginini olabat blanga album detlot najalot pipul.

Ola Saam 116:15

Wen wanbala blanga im pipul olabat dai, YAWEI jidan brabli nogudbinji.

Ola Saam 37:37

Yumob luk ola gudbala pipul weya jidan raitwei langa YAWEI. Olabat femili olabat jidan gudbinjiwei,

Prabebs 14:32

Detlot wikitwan pipul garra dai brom olabat ronwan nogudbalawei, bat detlot pipul hu oldei dumbat ola gudbala ting garra jidan seifwan.

Nambas 31:8

En olabat bin kilim ded detlot 5 king blanga Midiyan, Ibi, Rekem, Suya, Huwa, en Reiba, en deibin kilim ded Beilam det san blanga Biyowa.

Sekan Karinthiyans 5:1

Yu si? Dijan bodi weya wi garram iya langa dijan wel im jis laiga tent weya wi jidan insaid. En wi sabi wen God garra pulumdan dijan tent, im garra gibit wi nyubala bodi deya langa hebin jis laiga haus blanga jidan insaid. Nobodi bin meigim det haus blanga wi. Oni God bin meigim. En det haus garra jidan olagijawan.

Rebaleishan 14:13

Brom deya aibin lisin sambodi bin tok langa mi brom hebin, “Yu raidimdan dijan. Brom tudei na ola Kristjan pipul hu dai, dumaji olabat wekinmen blanga Jisas Krais garra brabli gudbinji nomo lilbit.” Wal det Holi Spirit bin tok na, “Trubala dijan. Detlot pipul garra abum brabli gudwan spel, dumaji God sabi wanim olabat bin dumbat blanga im, en im garra peiyimbek olabat.”