Nambas 21:33 - Kriol Baibul

³³ Afta na, detlot Isreil pipul bin go najawei en deigim det roud langa Beishan. Det king blanga Beishan gulum Og, bin kaman garram im soljamob blanga fait langa detlot Isreil pipul langa Idrei.

Nambas 21:33 Iomraidhean Croise

Ola Saam 135:11

det King Saihan blanga det Emarait traib, en King Og brom Beishan, en ola king langa det kantri gulum Keinan.

Ola Saam 136:20

Imbin kilim ded Og, det king blanga ola Beishan pipul. Trubala, im laigim wi tudei en olagijawan.

Ola Saam 22:12

Loda enami jidan raidaran langa mi jis laik ola wailwan bul. Olabat raidaran langa mi, jis laik ola wailwan bul brom det kantri gulum Beishan.

Ola Saam 68:15

Beishan im brabli bigwan hil. Im jandap garram loda haiwan haiwan hil.

Ola Saam 68:22

Det Bos bin tok, “Ai garra bringimbek yu enami olabat brom det hil kantri gulum Beishan. En ai garra bringimbek olabat brom det dipwan solwoda,

Aisaiya 33:9

Detlot fam jidan nomo garram enijing en olabat brabli draiwan. Ol detlot tri langa det bigwan hil gulum Lebanan deibin binijap, en det hil kantri langa Sheran im jidan wulijim det deset kantri, en detlot tri langa Beishan en Kamul jidan nomo garram eni bushis na.” Lagijat na aibin tok.

Isikiyel 27:6

Deibin gajimbat detlot ouktri brom Beishan blanga meigim pedul. Deibin gajimbat detlot paintri brom Saipras blanga meigim det flopat blanga det bout, en deibin meigim im purdiwan garram shainiwan elafen boun gulum aibri.

Isikiyel 39:18

Ola bard en enimul olabat garra dagadagatbat detlot bodi blanga detlot solja en blanga detlot boswan men brom najalot kantri. Lagijat na ai garra gibit olabat jis laik ola serramonimen kilim bigismob gudwan ship, nenigout en buligi blanga sekrifais ofring.

Eimos 4:1

YAWEI det trubala God im kipgon tok, “Yumob irrim mi na ol yumob ritjwan gel brom Sameriya. Yumob brabli leisibala. Yumob oldei jinggabat blanga dagadagat daga, en meigim miselp fetwan jis laik detlot fetwan buligi weya dagadagat gras oldei langa det gudbala pleis gulum Beishan. En yumob oldei kipgon dalimbat yumob hasbin olabat blanga baiyimbat grog blanga yumob. En yumob oldei tridimbat ola wikbala pipul nogudbalawei, en yumob oldei gibit ola po pipul adtaim.

Nambas 32:33

Ol detlot kantri en ol detlot taun weya deibin teikoba brom Saihan det king blanga detlot Emarait pipul en Og det king blanga detlot Beishan pipul Mosis bin gibit langa detlot klen blanga Ged en Rubin en haf det klen blanga Manesa.

Dyudaranami 2:30

“Bat King Saihan nomo bin larram wi blanga go thru langa det kantri, dumaji YAWEI bin meigim im adbala wulijim wi gin teikoba det kantri en jidan bos blanga det kantri. En imbin hepin lagijat na.

Dyudaranami 29:7

En wen wibin kaman iya, det King Saihan brom det taun gulum Heshban, en det King Og brom det taun gulum Beishan bin kaman blanga fait langa wi, bat wibin bidim olabat.

Dyudaranami 32:14

Yumob bin abum blendibala milk brom buligi en nenigout. Yumob bin abum gudwan ship en buligi en nenigout. Yumob bin abum loda gudwan sid daga en gudwan wain.

Dyudaranami 4:47

Deibin teikoba det kantri, en det kantri blanga det najawan Idamait king gulum Og brom Beishan. Imbin jidan sanraisaid langa det Jodan Riba.

Joshuwa 12:4

Det najawan king weya deibin bidim bin neim Og. Imbin det laswan men brom detlot Refait pipul, en imbin oldei jidan langa det dubala taun gulum Eshtaroth en Idrei,

Joshuwa 13:12

En King Og bin det laswan men brom detlot Refait pipul, en imbin oldei jidan langa det dubala taun gulum Eshtaroth en Idrei. Mosis en ola Isreil pipul bin bidim det dubala king en dubala pipul olabat, en deibin andimwei olabat brom olabat kantri.

Joshuwa 13:30

Imbin gibit olabat ola kantri nowathwei brom det taun gulum Mahanaiyim. Imbin gibit olabat detlot kantri gulum Beishan weya det king neim Og bin jidan bos bifo, en imbin gibit olabat detlot 60 lilwan taun deya langa det kantri gulum Jaiyiya,

Joshuwa 9:10

en melabat bin irrim det stori du weya yumob bin bidim ol detlot Emarait pipul det said langa det Jodan Riba en yumob bin kilim ded det dubala men neim Saihan en Og hubin jidan king blanga olabat. Det king Saihan bin brom det taun gulum Heshban, en det king Og bin bos blanga det kantri gulum Beishan, en imbin oldei jidan langa det taun gulum Eshtaroth.