Nambas 21:3 - Kriol Baibul

³ YAWEI bin irrim olabat en imbin album olabat blanga fait langa detlot Keinanait pipul. Wal detlot Isreil pipul bin bidim detlot Keinanait pipul, en deibin binijimap olabat, en olabat taun, en deibin gulum det pleis Homa.

Nambas 21:3 Iomraidhean Croise

Ola Saam 10:17

YAWEI, yu lisin langa ola powan pipul wen dei prei. Yu meigim olabat strongbalawan.

Ola Saam 102:17

Im garra irrim detlot pipul hu reken imbin libum olabat, en im garra ensim olabat preya.

Ola Saam 116:1

Mi laigim YAWEI, dumaji im oldei irrim langa mi. Im irrim ol main preya.

Ola Saam 91:15

Wen dei jingat langa mi, ai garra ensim olabat. Ai garra jidan garram olabat wen dei abum trabul. Ai garra seibum olabat, en ai garra lidimap olabat haibala.

Nambas 14:45

Detlot Amalekait pipul en Keinanait pipul hubin jidan deya, bin fait garram detlot pipul en deibin bidim olabat, en deibin ranimap olabat raidap langa Homa.

Dyudaranami 1:44

“Brom deya ola Emarait pipul hubin jidan langa det hil kantri bin kamat langa yumob detmatj na, jis laik bigmob honet weya ranimap yumob. Deibin andimwei yumob raidap langa det kantri gulum Homa en deibin bidim yumob deya langa det hil kantri blanga Idam.

Dyudaranami 20:16

“Bat wen yumob teikoba detlot taun deya langa det pleis weya YAWEI garra gibit yumob, wal yumob garra kilim ebribodi ded.

Joshuwa 12:14

Homa, Erad,

Joshuwa 15:30

Eltolad, Kesil, Homa,

Jadjis 1:17

Afta na detlot pipul brom Juda klen bin go garram detlot pipul brom Simiyan klen, en deibin go en fait langa detlot Keinanait pipul hubin jidan langa det taun gulum Sefath, en deibin bidim detlot Keinanait pipul deya, en deibin barnimap det taun blanga gibit ofring langa God, en afta deibin gulum det taun Homa.