Nambas 21:26 - Kriol Baibul

²⁶ Heshban bin det bigiswan taun blanga Saihan det king blanga detlot Emarait pipul hubin fait en bidim langa det najawan king blanga Moweb, en Saihan, bin gajim ol det kantri raidap langa det Anan Riba.

Nambas 21:26 Iomraidhean Croise

Brabli Gudwan Song 7:4

Yu nek im longwan en im brabli shainiwan, jis laik det smuthwan ston det jidan langa woda. Yu dubala ai im luk jis laik det woda deya langa Heshban, gulijap langa det geit blanga det taun. En yu nos im luk brabli streitwan jis laik det haiwan haus blanga Lebanan, weya dei oldei wotjimbat Dameskas.

Brabli Gudwan Song 7:5

Yu jis laik det brabli haibala hil gulum Kamul. Yu heya im brabli shainiwan en blekwan, en im brabli purdiwan, en im gin meigim eni king wandim yu.

Jeramaiya 48:2

Pipul kaan preisim det brabli gudbala kantri gulum Moweb enimo. Detlot solja bin gajim detlot pipul brom Heshban, en olabat bin meigim plen blanga binijimap Moweb. Main bigbala naif garra kilim ebribodi langa det taun gulum Medmen, en im garra jidan brabli kwaitwan pleis.

Jeramaiya 48:20

Olabat garra tok, ‘Moweb im brabli nogudwan dumaji det enamimob bin bidim wi. Yumob kraikrai blanga wi kantri. Yumob garra tok langa ebribodi weya jidan gulijap langa det Anan Riba. Dalim olabat Moweb bin binijap na.’

Jeramaiya 48:45

Basdam King Saihan bin jidan bos langa det taun gulum Heshban, bat langa dijan taim na wen detlot pipul blanga Moweb bin trai ranawei brom olabat enamimob, deibin go langa Heshban blanga albumbat en seibum olabat, bat najing, dumaji im barnbarnbat garram faiya. En det faiya bin barnimap ola taun en pleis raidap langa ola boda en langa hil kantri du, dumaji detlot pipul langa Moweb bin oldei laigimbat miselp.

Nambas 21:25

Wal detlot Isreil pipul bin teikoba brom detlot Emarait pipul det taun gulum Heshban en det najalot taun du weya jidan raidaran langa det taun en olabat bin jidan deya na.

Nambas 21:27

Blanga dijan na detlot Emarait pipul bin sing dijan song. Deibin sing, “Kaman langa Heshban langa det King Saihan bigwan taun. Melabat wandim luk im garra bildimap en meigim gudwan igin.

Joshuwa 13:16

Det kantri blanga olabat bin stat deya langa det taun gulum Eroya en langa det najawan taun deya langa det Anan Riba kantri, en imbin go raidap langa det taun gulum Midaba deya langa det hil kantri, en imbin go olawei raidap det said langa det hil gulum Pisga, en brom deya imbin go sangodanwei raidap langa det Jodan Riba.

Joshuwa 13:17

Mosis bin gibit det klen ol dislot taun du, Heshban, Diban, Beimobeil, Bethbeilmiyan,

Joshuwa 13:25

Imbin gibit olabat det kantri gulum Giliyad en det taun gulum Jeisa en ola najalot taun deya langa det kantri, en imbin gibit olabat haf det kantri gulum Eman raidap langa det taun gulum Eroya sanraisaid brom det taun gulum Reiba.

Jadjis 11:26

“Wal yu irrim mi na. Melabat bin jidanbat iya langa dijan kantri fo 300 yiya, en melabat bin oldei jidanbat langa det dubala taun gulum Heshban en Eroya en langa ola lilwan taun gulijap langa det dubala taun en langa ol detlot taun wansaid langa det Anan Riba. En wotfo yumob nomo bin trai en gedim detlot kantri bifo?