Nambas 21:18 - Kriol Baibul

¹⁸ Detlot hedbos bin grajim dijan wel, en detlot lidamob blanga detlot pipul. Deibin grajim dijan wel garram det goldinwan stik blanga det king, en garram olabat wokinstik.” Lagijat na olabat bin sing. Brom deya olabat bin shifdim olabat kemp brom det deset kantri langa Metana.

Nambas 21:18 Iomraidhean Croise

Niyamaiya 3:1

Wal dijan na hau deibin bildimbek det wol blanga Jerusalem. Det haibala serramonimen neim Eliyashib en najalot serramonimen bin bildimbek ebrijing blanga det Ship Geit en deibin meigim najalot nyubala geit, en deibin meigim olabat seikridwan blanga God. En deibin bildimbek det wol raidap langa det Strongwan Haus blanga Handridbala Men, en langa det Strongwan Haus blanga Henanel en deibin abum speshalwan serramoni blanga meigim seikridwan blanga God.

Niyamaiya 3:5

Detlot men brom det taun gulum Tekowa bin bildimbek naja pat blanga det wol, bat ola boswan blanga det taun nomo bin wandi dum det adwan wek.

Aisaiya 33:22

“Oni YAWEI na im bos blanga wi, en oni im na gin jadjim wi. Oni im na det king blanga wi, en oni im na gin album wi, en kipum wi seifwan.

Nambas 21:17

en langa det taim detlot Isreil pipul bin sing dijan song. Deibin sing, “Woda wel gibit melabat woda, en melabat garra welkam det woda gudbinjiwei garram song.

Nambas 21:19

En brom deya olabat bin kipgon langa Neihalal, en brom Neihalal langa Beimoth.

Jon Bin Dalim Det Gudnyus Blanga Jisas Det San Blanga God 1:17

Det lowa weya God bin gibit wi thru Mosis nomo bin kain langa wi. Bat thru im San imbin brabli kainbala langa wi, en imbin shoum wi det trubalawei.

Dyudaranami 33:4

Aibin gibit yumob detlot lowa blanga God. Detlot lowa im brabli gudwan ting blanga wi.

Dyudaranami 5:31

Bat yu Mosis, yu jidan iya garram mi en ai garra dalim yu ol detlot lowa en wed blanga main. Brom deya yu garra gobek en titjim ol main lowa langa detlot pipul wulijim olabat garra teiknodis langa detlot lowa langa det kantri weya ai garra gibit olabat na.’ Lagijat na YAWEI bin tok.”

Jeims 4:12

Bat oni God gin meigim lowa en jadjimbat pipul. Oni im na gin seibum enibodi en jandim enibodi langa det helfaiya. En wen yumob tok nogudbalawei langa yumob Kristjan braja o sista, wal hu yumob reken miselp? Yumob kaan meigim miselp God.