Nambas 20:8 - Kriol Baibul

⁸ “Yu garra deigim det wokinstik weya jidan lida langa det Seikridwan Boks. Yu en Eran garra majurrumap ola pipul, en deya na lida langa olabat, yu garra tok langa det rok, en woda garra kamat brom det rok. Lagijat na yu garra dum, en det woda garra kamat brom det rok blanga ol detlot pipul en ol detlot enimul blanga dringgim.” Lagijat na YAWEI bin tok.

Nambas 20:8 Iomraidhean Croise

Jenasis 18:14

Yu dalim mi na. Yu reken enijing brabli ad blanga mi blanga dum? Neksyiya ai garra kambek igin en yunbala Sera garra abum boiwan beibi.”

Niyamaiya 9:15

Yubin gibit olabat daga brom hebin wen deibin hanggri, en wen deibin thesti yubin gibit olabat woda brom bigwan ston. Yubin dalim olabat blanga go en teikoba det kantri weya yubin pramis blanga gibit langa olabat.

Ola Saam 105:41

Imbin opinimap bigwan ston en woda bin kamat en randan thru langa deset kantri wulijim riba.

Ola Saam 114:8

Im na bin meigim woda kamat brom bigwan rok, en bin meigim springwoda ranat brom ola adwan rok.

Ola Saam 33:9

Wen imbin tok dijan wel bin kamat. Wen imbin gibit oda ebrijing bin kamat.

Eksadas 14:16

en yu garra lidimap det wokinstik blanga yu ontop langa det solwoda, en det solwoda garra kadimat miselp. Det solwoda garra jandap said en said, en ol detlot pipul garra wok thru langa det solwoda langa drai graun.

Eksadas 17:9

en Mosis bin dalim wan men neim Joshuwa, “Yu pikimat sambala men blanga yu blanga go en fait langa detlot Amalekait solja tumorro. Ai garra go en jandap ontop langa det hil garram det wokinstik weya God bin dalim mi blanga garrimap.”

Eksadas 4:17

En yu deigim det wokinstik garram yu, dumaji yu garra yusum det wokinstik blanga dum ol detlot klebabala ting.” Lagijat na YAWEI bin tok langa Mosis.

Eksadas 4:2

Wal YAWEI det trubala God bin tok, “Wanim yu holdimbat deya langa yu bingga?” En Mosis bin tok, “Main wokinstik.”

Eksadas 4:20

en Mosis bin gajim im waif en ola san blanga im, en imbin pudum olabat langa dongki, en imbin gajim det wokinstik weya God bin dalim im blanga deigim, en deibin stat gobek langa Ijip na.

Eksadas 7:20

Wal Mosis en Eran bin dum ebrijing weya God bin dalim dubala blanga dum. Dubala bin go langa det king, en Eran bin lidimap det wokinstik blanga im lida langa det king en ola boswan wekinmen blanga im, en imbin hitim det riba garram det wadi, en YAWEI bin meigim ola woda meigim miselp blad,

Aisaiya 43:20

Ola wailwan enimul oldei preisimbat mi, en detlot wailwan dog gulum jekal, en detlot mukmuk du. Aibin pudum woda blanga olabat langa det deset kantri, en detlot lilwan krik du, blanga main ronwan pipul olabat.

Aisaiya 48:21

Imbin lidimbat melabat thru langa det deset kantri, en wen melabat bin jidan thestiwan, imbin meigim woda kamat brom det rok blanga meigim melabat sedisfaid.’

Nambas 20:11

Wal Mosis bin lidimap det wokinstik en imbin hidim det rok dubala taim, en streidawei det bigis woda bin kamat brom det rok, en ola pipul en enimul bin dringgim det woda.

Nambas 20:7

Wal YAWEI bin tok langa Mosis,

Nambas 21:15

en langa det hil kantri weya im godan langa det taun gulum Eiya, en langa det boda blanga Moweb.”

Nambas 21:18

Detlot hedbos bin grajim dijan wel, en detlot lidamob blanga detlot pipul. Deibin grajim dijan wel garram det goldinwan stik blanga det king, en garram olabat wokinstik.” Lagijat na olabat bin sing. Brom deya olabat bin shifdim olabat kemp brom det deset kantri langa Metana.

Methyu 21:21

Wal Jisas bin tok, “Trubala ai dalim yumob. If yu bilib brabliwei langa God, yu gin dum detkain ting seimwei laik aibin dum langa dijan tri. If yu bilib brabliwei insaid langa yu hat, yu gin dalim hil blanga tjakam miselp langa solwoda, en im garra duwit langa yu.

Luk Bin Dalim Ola Stori Blanga Jisas Langa Wan Jintail Men 11:13

“Yumob sabi na? Nomeda yumob nogudbala, bat stil yumob sabi blanga gibit yumob biginini olabat gudbala ting. En yumob sabi yumob Dedi langa hebin im gudbala, en im oldei gibit brabli gudbala ting langa detlot pipul hu askim im. En if yumob askim im, wal im garra gibit yumob det Holi Spirit blanga im.” Lagijat na Jisas bin tok.

Jon Bin Dalim Det Gudnyus Blanga Jisas Det San Blanga God 16:24

Yumob nomo bin askim im enijing langa main neim. Bat yumob garra askim im na. En yumob garra gedim wanim yumob askim im wulijim yumob garra jidan brabli gudbinjiwei.”

Eks Hau Det Gudnyus Blanga Jisas Krais Bin Spredat Ebriweya 1:14

Wal ol detlot men na bin oldei majurrap garram Meri det mami blanga Jisas en garram im braja olabat en garram detlot najalot gel hubin bulurrum Jisas. Olabat na bin oldei majurrumap miselp ebridei blanga prei.

Joshuwa 6:20

Afta na detlot serramonimen bin blowim detlot nenigout hon adbala, en wen ola solja bin irrim detlot hon, deibin jingat adbala du, en streidawei det wol blanga det taun bin buldan,

Joshuwa 6:5

Afta wen yumob irrim detlot serramonimen blowim detlot hon lilbit longtaim, ola solja garra jingat adbala, en streidawei det wol blanga det taun garra buldan, en afta ola solja garra gowap langa det hil, en dei garra gowin streidin langa det taun.” Lagijat na YAWEI bin dalim Joshuwa.

Rebaleishan 22:1

Brom deya det einjul bin shoum mi det riba deya, en det riba bin abum det woda blanga laif. Det woda bin brabli klinwan. Jis laik glas imbin jidan. En det riba bin kamat brom det speshal boswan tjeya blanga God en Jisas Krais,

Rebaleishan 22:17

Det Spirit blanga God en det pramis blanga Jisas, dubala dalim Jisas, “Yu kaman na!” En ebribodi hu lisin langa dubala tok lagijat garra tok lagijat gin, “Yu kaman na!” En if enibodi thestibala, en im wandim det woda blanga laif, wal im gin gajim, dumaji det woda im friwan.