Nambas 20:13 - Kriol Baibul

¹³ Wal deibin gulum det pleis Meriba. Det neim bin min Grambulbat, dumaji detlot Isreil pipul bin tok adbalawei langa YAWEI. Deya na imbin shoum olabat imbin brabli seikridwan.

Nambas 20:13 Iomraidhean Croise

Ola Saam 81:7

Wen yumob bin abumbat trabul, yumob bin jingat langa mi en aibin seibum yumob. Aibin ensim yumob brom main haiding pleis deya langa det stom klaud. Aibin testimbat yumob deya langa det springwoda langa Meriba.

Ola Saam 81:8

Main pipul olabat, lisin langa main woning! Isreil, yumob nomo sabi haumatj ai wandim yumob blanga lisin langa mi.

Ola Saam 95:8

“Nomo jadimap miselp hat wulijim yumob femili olabat bin dum bifo langa det kantri Meriba, en det taim langa Mesa det deset kantri.

Eksadas 17:7

Wal deibin gulum det pleis Mesa en Meriba, dumaji detlot Isreil pipul bin grambul en hambag langa YAWEI deya na.

Aisaiya 5:16

Bat YAWEI det boswan God, im stil bos langa ebrijing. Im brabli haibala, en imbin shoum wi im det trubalawan weya oldei gibit feyago langa pipul.

Isikiyel 20:41

Yumob bin spredat ebriweya langa difrinwan kantri, bat ai garra majurrumap yumob holot, en ai garra jidan brabli gudbinji langa detlot sekrifais weya yumob garra barnim, en ola pipul langa ebri kantri garra luk mi na brabli holiwan.

Isikiyel 36:23

en wen ai garra dum dijan ai garra shoum detlot pipul brom najalot kantri mi brabli holiwan wulijim olabat garra sabi mi na YAWEI bin tok dijan.

Isikiyel 38:16

en yu garra majurrumap miselp raidaran langa main pipul olabat en fait langa olabat, jis laik wen det rein en klaud im majurrumap miselp raidaran langa det kantri. Ai garra larram yu teikoba main kantri Isreil, wulijim ebribodi langa ebri kantri garra luk en sabi mi na YAWEI en mi brabli holiwan.’ ”

Dyudaranami 32:51

dumaji yunbala nomo bin trubala langa mi deya lida langa detlot Isreil pipul. Wen yubin deya langa det woda pleis gulum Meriba gulijap langa det taun gulum Keidish langa det deset kantri gulum Sin, yu nomo bin rispek langa mi lida langa ola pipul.

Dyudaranami 33:8

Blanga det Libai klen Mosis bin tok, “YAWEI, yu shoum olabat wanim yu wandim olabat blanga dum garram det dubala speshalwan ston gulum Yuram en Thamam. Yu shoum tharran thru langa detlot trubala wekinmen blanga yu, detlot Libai serramonimen. Yubin testim olabat deya langa det pleis gulum Mesa, en yubin sabi olabat brabli trubalawan deya langa det woda gulum Meriba.