Nambas 2:17 - Kriol Baibul

¹⁷ Wal wen detlot Isreil pipul garra shifdim olabat kemp langa det nyuwan kantri, wal det Juda klen garra abum dei ronwan fleig en dei garra lidimbat dei ronwan klen grup en femili. En brom deya det Rubin klen en det Libai klen garra bulurrum olabat en garrimap det Seikridwan Tent. Biyain langa olabat det Ifreiyim klen garra kaman en det laswan grup im det klen blanga Den. Ola klen garra bulurrum miselp en dei garra ol bulurrum olabat ronwan fleig.

Nambas 2:17 Iomraidhean Croise

Nambas 10:17

Brom deya dei garra deigimat det Seikridwan Tent, en detlot femili blanga Geshan en Merarai hu oldei garrimap det Seikridwan Tent garra bulurrum det Juda klen.

Nambas 10:21

Afta na detlot femili blanga Kohath brom det Libai klen garra stat mubat en dei garra garrimapbat detlot seikridwan ting. Wen dei garra kamat langa det nekswan kemp det Libai klen hu oldei go lida garra abum det Seikridwan Tent redibala na.

Nambas 2:1

Wal YAWEI det trubala God bin dalim Mosis en Eran blanga detlot Isreil pipul na, wujei dei garra pudumap olabat ronwan kemp gulijap langa olabat ronwan fleig. Ebri klen grup garra jidan gulijap langa olabat ronwan fleig. Det Libai klen garra oldei pudumap olabat kemp raidaran langa det Seikridwan Tent. En det najalot klen garra kemp raidaran langa det Libai klen.

Nambas 2:18

Orait, det Ifreiyim klen en det naja dubala klen garra jidan garram olabat lida sangodanwei langa det Seikridwan Tent garram olabat ronwan fleig. Dislot na det lida en namba blanga detlot klen. Blanga det Ifreiyim klen det lida bin Ilaishama det san blanga Amihad en det namba bin 40,500. Blanga det Manesa klen det lida bin Gameiliyal det san blanga Pedasura en det namba bin 32,200. Blanga det Benjamin klen det lida bin Abidan det san blanga Gidiyanai en det namba bin 35,400. Holot bin 108,100. Ol dislot na garra bulurrum det Libai klen ebritaim wen olabat shifdim kemp langa najawan pleis.

Nambas 3:38

Mosis en Eran en im sanmob garra kemp lida langa det Seikridwan Tent langa sanraiswei. Olabat na bos blanga ebrijing deya langa det Seikridwan Pleis blanga ola Isreil pipul, en if enibodi mowa garra trai blanga dum, wal dei garra kilim im ded.

Fes Karinthiyans 14:40

En ebrijing weya yumob garra dum, yumob garra dum brabli gudbalawei en nomo madulumap miselp wen yumob abum sebis.

Kaloshans 2:5

Nomeda det wed im saun gudwan, bat stil yumob kaan teiknodis langa det wed, dumaji nomeda mi nomo deya garram yumob, bat stil main filing im oldei deya garram yumob, en mi brabli gudbinji blanga yumob, dumaji ai sabi yumob bilib langa Jisas Krais brabliwei, en yumob oldei dum ebrijing gudbalawei en nomo madulumap miselp, en yumob nomo oldei larram enibodi deigidawei yumob.