Nambas 16:5 - Kriol Baibul5 Afta imbin tok langa Kora en im wekinmenmob, “Tumorro ailibala, YAWEI garra shoum wi wujan blanga im. Dumaji im na garra pikimat wanbala lida hu garra kaman en jandap gulijap langa im. Faic an caibideil |
Nambas 16:5
38 Iomraidhean Croise
en wen dei dumbat det wek blanga mi langa det Seikridwan Pleis, dei garra oldei werrimon detlot trasis na. Wen dei garra kaman langa mi langa det Seikridwan Tent o wen dei garra go langa det teibul blanga ofring, dei kaan shoum miselp bodi. If dei shoum miselp bodi, wal ai garra kilim olabat ded. Eran en ola pipul hu garra kaman biyain langa im garra bulurrum dijan lowa na olagijawan.”
Wal jis laik det laiyan weya kamat brom det bush kantri gulijap langa det Jodan Riba en go langa det grinwan gras kantri blanga gajim detlot ship, ai garra kaman en meigim detlot Idam pipul ranawei kwikbala brom olabat kantri. Afta tharran, ai garra pikimat wanbala lida hu garra jidan bos langa det kantri. Hu gin jidan lebulwan langa mi? Hu gin fait langa mi? Wujan boswan gin agamin langa mi?
“Wal jis laik det laiyan weya kamat brom det bush kantri gulijap langa det Jodan Riba en go langa det grinwan gras kantri blanga gajim detlot ship, wal lagijat na ai garra kaman en meigim detlot Bebalon pipul ranawei streidawei brom olabat kantri. Afta tharran ai garra pikimat wanbala lida hu garra jidan bos langa det kantri. Hu jidan lebul langa mi? Hu gin fait langa mi? Wujan boswan gin agamin langa mi?
“Yu garra deigim Eran en im sanmob langa det dowawei langa det Seikridwan Tent blanga main, en yu garra bringimap detlot serramoni klos, en det speshalwan oliboil, en wanbala yangwan boiwan buligi blanga det ofring blanga nogudbalawei, en det dubala dediwan ship, en det baskit garram damba weya im nomo garram raising.
Tumorro ailibala yu en yu wekinmenmob garra deigim detlot dish en pudum hotwan tjakol en gudsmelwan medisin en deigim olabat langa det teibul blanga ofring wulijim wi garra luk wujan YAWEI bin pikimat. Dumaji yumob Libai pipul bin reken yumob garra teikoba na.” Lagijat na Mosis bin tok langa olabat.
“Wal yumob nomo bin pikimat mi. Aibin pikimat yumob. En aibin pikimat yumob blanga go en dum detlot gudbala ting weya main Dedi wandim yumob blanga dum, en ol detlot enijing weya yumob dum garra jidan olagijawan. En wen yumob dum detlot gudbala ting, main Dedi garra gibit yumob enijing weya yumob askim im langa main neim.
Wal bifo Jisas bin dai, imbin pikimat twelbala speshalwan mishanri blanga jidan mishanri blanga im, en afta wen imbin gidap brom dedbala, imbin shoum miselp 40 deis langa detlot lebenbala speshalwan mishanri, en olabat ol witnis trubala im laibala, dumaji deibin luk im lodataim bifo imbin gowap langa hebin. Wal wen deibin oldei luk langa im, imbin oldei dalimbat olabat blanga God en hau im garra jidan Bos blanga olabat. Garram det pawa blanga det Holi Spirit imbin oldei titjimbat olabat.
Wal nomeda sambala pipul trai en deigidawei ola Kristjan pipul brom det trubalawei, bat stil nobodi kaan breigimdan det brabliwan tjetj weya God bin meigim, dumaji imbin pudum dislot wed na langa det tjetj. Imbin tok, “Jisas Krais det Bos im sabi ol detlot pipul blanga im.” En imbin tok, “Ebribodi hu reken im blanga Jisas Krais garra libum det nogudbalawei olagija.”
en brom ola Isreil klen aibin pikimat im en im femili olabat blanga jidan serramonimen blanga mi. Aibin pikimat olabat na blanga wek deya langa det teibul blanga ofring blanga mi, en blanga barnimbat ola gudsmelwan medisin, en blanga werrimon det speshalwan shet gulum ifad wen dei wandi tok langa mi. En aibin gibit olabat det rait blanga dagat haf detlot sekrifais ofring weya ola pipul bin oldei gibit langa mi.
Sanasan