Nambas 16:32 - Kriol Baibul

³² en det graun bin julurumap olabat en olabat bigininimob mijamet garram Kora wekinmenmob en ola ebrijing blanga olabat du.

Nambas 16:32 Iomraidhean Croise

Jenasis 4:11

Wal ai garra panishim langa yu na. Yu kaan wekim det graun enimo, dumaji det graun bin julurum det blad blanga yu braja weya yubin kilim. Det graun bin rili thestiwan, en imbin julurum det blad,

Fes Kranakuls 6:22

Wal dijan na det femili lain weya bin kamat brom Kohath. Olabat neim bin Aminadeb, Kora, Esiya, Elkana, Ibaiyasaf, Esiya, Teihath, en Yuriyel, Yusaiya, en Shaul.

Ola Saam 106:17

Brom deya det graun bin opinap en julurum Deithan, en gaburrumap Ebiram en im femili olabat.

Ola Saam 141:7

Blanga olabat boun garra leidan ebriweya langa greibyad, jis laik ola ston weya sambodi bin smeshimap.

Ola Saam 84:1

YAWEI, Boswan God, ai laigim yu Serramoni Pleis brabliwei.

Ola Saam 85:1

YAWEI, yubin oldei shoum yu kainbala filing langa yu pipul langa Isreil. Yubin gibit olabat ebrijing igin.

Ola Saam 88:1

YAWEI yu na det trubalawan God en yu seibum mi. Mi oldei jinginatbat langa yu deitaim en naitaim.

Aisaiya 24:19

Dijan graun garra jidan brabli breikinwan.

Aisaiya 5:14

En det pleis weya ola dedbala pipul oldei go, im weidabat garram brabli waidwan mawus redi blanga dagat detlot lida brom Jerusalem, en detlot pipul hu oldei meigimbat loda nois, en detlot hu oldei laigimbat miselp detmatj.

Nambas 16:17

Ebriwan garra bringimap im ronwan dish en pudum gudsmelwan medisin ontopwei en gibit ofring langa YAWEI.”

Nambas 16:30

Bat if YAWEI meigim samting hepin weya yumob nomo bin irrim bifo, en det graun garra opinap en julurumap olabat garram ola ebrijing blanga olabat, wulijim olabat garra ol godan laibala langa det pleis blanga ola dedbala pipul, wal yumob garra sabi dislot men bin gibit bekboun langa YAWEI.” Lagijat na Mosis bin tok.

Nambas 16:31

Streidawei wen imbin binij toktokbat, det graun andanith langa Deithan en Ebiram bin opinap,

Nambas 16:33

Wal olabat bin godan laibala langa tharran pleis blanga ola dedbala, en garram ola ebrijing blanga olabat du. Det graun bin gaburrumap olabat en olabat bin ol binijap na.

Nambas 16:49

Det namba blanga detlot pipul hubin dai bin 14,700. Dei nomo bin edimap detlot pipul hubin dai langa Kora taim.

Nambas 26:10

Wal det graun bin opinap en julurum olabat en olabat bin dai garram Kora en im wekinmen olabat wen det faiya bin binijimap 250 men. Tharran na bin jidan woning blanga detlot Isreil pipul.

Nambas 26:11

Bat detlot san blanga Kora nomo bin gitkil.

Nambas 27:3

“Blanga melabat fatha bin dai langa det deset kantri en im nomo bin libum eni san blanga im. Im nomo bin wekinmen blanga Kora hubin gitkil brom YAWEI. Selafad bin dai dumaji imbin dum nogudbala ting miselp.

Nambas 4:18

“Nomo larram det femili blanga Kohath

Dyudaranami 11:6

Wal yumob jinggabat na. Yumob sabi wanim YAWEI bin dum langa Deithan en Ebiram, det dubala san blanga Eliyab brom det Rubin klen. Deya na lida langa ebribodi det graun bin opinap en julurumap olabat garram olabat femilimob, en ola tent en ola wekinmen en wekingel en ola enimul blanga olabat. Deibin ol binijap.

Rebaleishan 12:16

Bat det graun bin album det wuman. Det graun bin opinimap miselp en julurum det fladwoda brom det dregan mawus.