Nambas 16:30 - Kriol Baibul

³⁰ Bat if YAWEI meigim samting hepin weya yumob nomo bin irrim bifo, en det graun garra opinap en julurumap olabat garram ola ebrijing blanga olabat, wulijim olabat garra ol godan laibala langa det pleis blanga ola dedbala pipul, wal yumob garra sabi dislot men bin gibit bekboun langa YAWEI.” Lagijat na Mosis bin tok.

Nambas 16:30 Iomraidhean Croise

Job Wotfo Gudbala Pipul Abum Trabul? 31:2

God det brabli haibalawan oldei panishim eni men hu oldei dumbat detkain ting.

Job Wotfo Gudbala Pipul Abum Trabul? 31:3

En God oldei jandim bigis trabul langa detlot pipul hu oldei dumbat nogudbala ting,

Ola Saam 124:3

dei bina binijimap wi, dumaji deibin wail langa wi detmatj,

Ola Saam 55:15

Larram ol main enami olabat binijap kwikbala. Larram olabat godan laibwan langa det pleis blanga ola dedbala pipul. Olabat brabli wikitwan pipul en ola brabli nogudbalawei jidan insaid langa olabat hat, en tharran na meigim olabat kemp brabli nogudwan du.

Aisaiya 28:21

Wal YAWEI garra kaman en panishimbat yumob, jis laik imbin panishim detlot Filistain pipul langa det hil gulum Perasim, en detlot Emarait pipul langa det hil kantri gulum Gibiyan. Bat langa dijan taim na im garra dum samting blanga meigim yumob hatjamp. Im garra binijimap im ronwan pipul olabat!

Aisaiya 43:19

Ai garra meigim samting nyuwan na. Luk tharrei! Yumob gin luk tharran? Aibin pudum roud thru langa det deset kantri blanga main pipul olabat blanga kambek, en aibin pudum sambala krik langa det draiwan kantri.

Aisaiya 45:12

Aibin meigim dijan wel, en aibin meigim ola pipul blanga jidan langa dijan wel. Aibin spredimat det skai, en aibin pudum loda sta deya.

Aisaiya 45:7

Mi na bin meigim det lait en dakbala, en ai meigim pipul jidan hepiwan en sedwan. Mi na YAWEI dum ol dislot ting.

Jeramaiya 31:22

Haulong yumob garra weidabat en nomo trastim mi? Ai garra meigim nyuwei, en im difrinwan. Im brabli difrinwan. Main pipul olabat garra kambek langa mi.” Lagijat na YAWEI bin tok.

Isikiyel 31:14

En nomo eni tri kaan gro brabli longwan wulijim dijan tri bin gro, nomeda det tri gedim bigismob woda. Ebri tri garra dai jis laik ola pipul garra dai en go langa det pleis weya ola dedbala oldei go.

Nambas 16:31

Streidawei wen imbin binij toktokbat, det graun andanith langa Deithan en Ebiram bin opinap,

Nambas 16:33

Wal olabat bin godan laibala langa tharran pleis blanga ola dedbala, en garram ola ebrijing blanga olabat du. Det graun bin gaburrumap olabat en olabat bin ol binijap na.