Nambas 16:1 - Kriol Baibul

^1-2 Kora det san blanga Isa brom det Libai klen blanga Kohath femili grup bin reken im det lida, nomo Mosis. Najalot bin joinap langa Kora. Deibin thribala brom det Rubin klen. Deibin Deithan en Ebiram, det dubala san blanga Eliyab, en det san blanga Peleth gulum On, en 250 najalot lida weya ola Isreil pipul bin pikimat basdam.

Nambas 16:1 Iomraidhean Croise

Ola Saam 106:16

Deya na langa det deset kantri deibin git jelas langa Mosis, en deibin git jelas langa Eran det serramonimen weya YAWEI bin pikimat.

Eksadas 6:16

Det najawan san blanga Jeikob neim Libai bin abum thribala san neim Geshan, Kohath en Merarai. Brom detlot thribala boi, thribala femili lain bin kamat garram olabat neim. Libai bin jidan longtaim en imbin gajimap 137 yiya.

Eksadas 6:18

Kohath bin abum fobala san neim Emrem, Isa, Hebran en Yusiyel. Kohath bin jidan longtaim en imbin gajimap 133 yiya.

Eksadas 6:21

Isa bin abum thribala san neim Kora, Nefeg en Sikri.

Nambas 15:41

Dumaji mi na YAWEI det trubala God blanga yumob. Aibin bringimap yumob brom Ijip blanga jidan yumob bos. Dumaji mi na YAWEI det trubala God blanga yumob.” Lagijat na YAWEI bin tok.

Nambas 27:3

“Blanga melabat fatha bin dai langa det deset kantri en im nomo bin libum eni san blanga im. Im nomo bin wekinmen blanga Kora hubin gitkil brom YAWEI. Selafad bin dai dumaji imbin dum nogudbala ting miselp.

Dyudaranami 11:6

Wal yumob jinggabat na. Yumob sabi wanim YAWEI bin dum langa Deithan en Ebiram, det dubala san blanga Eliyab brom det Rubin klen. Deya na lida langa ebribodi det graun bin opinap en julurumap olabat garram olabat femilimob, en ola tent en ola wekinmen en wekingel en ola enimul blanga olabat. Deibin ol binijap.

Jud Det Leda Blanga Gibit Woning Blanga Laiyawan Titja 1:11

Ai dalim yumob. Im nogud blanga detlot pipul, dumaji deibin bulurrum det wei blanga det men neim Kein hubin kilim im braja ded, en dei gridi du jis laik det men neim Beilam hubin gridi blanga mani, en dei nomo lisin langa God jis laik det men neim Kora nomo bin lisin langa God. Wal God bin panishim Kora, en im garra panishim detlot pipul du.