Nambas 15:36 - Kriol Baibul

³⁶ Ol detlot pipul bin deigim det men atsaid brom det kemp, en deibin kilim im ded garram ston, jis laik YAWEI bin dalim olabat blanga dum.

Nambas 15:36 Iomraidhean Croise

Fes Kings 21:13

Afta na det dubala trabulmeika bin dalim laiya blanga Neiboth. Deibin tok Neiboth bin tok nogudwei blanga det king en blanga YAWEI. Wal detlot pipul bin deigim Neiboth deya atsaid langa det taun, en deibin kilim im ded garram ston.

Nambas 15:35

Afta na YAWEI bin tok langa Mosis, “Det men garra lafta dai. Detlot pipul garra kilim im ded garram ston atsaid langa olabat kemp.” Lagijat na YAWEI bin tok.

Nambas 15:37

Wal YAWEI bin dalim Mosis na blanga dalim detlot Isreil pipul, “Yumob garra werrimon bluwan string en pudum sambala wuliwan ting langa olabat kout du, wulijim tharran na garra meigim yumob jinggabat mi. Ebritaim wen yumob luk detlot wuliwan ting, yumob garra jinggabat ol main wed en duwit, en yumob kaan gowei brom mi en bulurrum yumob ronwei.

Dyudaranami 21:21

Brom deya detlot boswan men brom det taun garra stonim im en kilim im ded. Lagijat na yumob gin deigimwei ola nogudwan ting brom Isreil. Wal wen enibodi irrim wanim bin hepin, dei garra bradin nomo lilbit.”

Joshuwa 7:25

Deya na Joshuwa bin dalim det men, “Wotfo yubin meigim dijan trabul blanga ola Isreil pipul? Wal yu en yu femili olabat garra abum trabul brom YAWEI!” Brom deya ola pipul bin stonim det men ded, en deibin stonim im femili olabat du, en deibin barnimap olabat bodi garram ola enijing blanga olabat,