Nambas 15:29 - Kriol Baibul

²⁹ Det seimwan lowa blanga ebribodi hu meigim misteik wen im dum nogudbala ting, nomeda im Isreil pipul o im brom najawan kantri, en im jidan garram ola Isreil pipul.

Nambas 15:29 Iomraidhean Croise

Fes Kings 8:41

“Bambai wen pipul hu jidan langa najawan kantri lisin hau yu jidan, en blanga ola brabli gudwan ting weya yubin dum blanga yu pipul en wen dei kaman blanga weship en prei langa yu iya langa dijan Serramoni Pleis,

Labidakas 16:29

Wal YAWEI bin kipgon tok, “Ol dislot lowa yu garra bulurrum olataim. Langa det namba 10 dei en langa det namba 7 manth ol detlot Isreil pipul en detlot pipul brom najalot kantri hu jidan deya garram yu, kaan dagat daga en kaan dum eni wek.

Labidakas 17:15

“En eni Isreil pipul o pipul brom najalot kantri hu jidan deya en dagat det bif brom det enimul wen imbin jis dai, o maitbi imbin gitkil brom wailwan enimul, wal im garra lafta washim im klos, en abum bogi, en jidan raidap sangodan bifo im klinbala blanga serramoni.

Labidakas 4:2

“If enibodi dumbat nogudbala ting en breigimbat det lowa blanga mi na YAWEI, en im nomo sabi imbin breigim det lowa, wal im garra lafta bulurrum ol dislot lowa.

Nambas 15:15

Ebribodi garra kipum det seimwan lowa, nomeda if im Isreil pipul, o streinja hu jidan mijamet garram yumob. Detlot streinja garra jidan seimwei laik yumob garram YAWEI. Det lowa kaan neba tjeinj.

Nambas 15:28

Langa det teibul blanga ofring det serramonimen garra abum det serramoni blanga meigim im fri brom im nogudbalawei, wulijim YAWEI garra larramgo im fri.

Nambas 15:30

“Bat if enibodi hu dum det nogudbala ting en imbin sabi im nomo lau blanga dum, nomeda if im brom Isreil pipul o brom najawan kantri en im jidan garram ola Isreil pipul, im gilti dumaji imbin tridim YAWEI brabli nogudbalawei, en im garra lafta dai.

Nambas 9:14

“En if enibodi brom najawan kantri hu jidan garram yumob, en im wandim blanga kipum det Pasoba Serramoni, im garra kipum ola lowa blanga det Pasoba. Det seimwan lowa jidan blanga ebriwan, nomeda im kantrimen o enibodi brom najawan kantri hu jidan garram yumob.” Lagijat na YAWEI bin tok.

Luk Bin Dalim Ola Stori Blanga Jisas Langa Wan Jintail Men 12:48

En wen eni wekinmen nomo sabi wanim im bos wandim im blanga dum, en im nomo dum wanim im wandim, wal nomeda im nomo bin sabi, bat stil im garra gedim haiding du. Bat oni lilwan haiding im garra gedim, dumaji im nomo bin sabi. “Yumob irrim mi na. If dei meigim yumob haiwan, wal yumob garra duwit. En if dei meigim yumob brabli haiwan, wal stil yumob garra duwit, dumaji wen yumob sabi mowa en mowa, yumob garra duwit mowa en mowa.

Joshuwa 8:33

Brom deya ol detlot Isreil pipul bin jandap tusaid langa det Seikridwan Boks garram ola lowa blanga YAWEI. Ola boswan en ola lida blanga detlot pipul en ola najalot kantrimen hubin deya garram olabat, bin ol jandap deya, haf langa det hil gulum Ibal en najalot langa det hil gulum Gerisim, en deibin ol lukinat detlot serramonimen brom det Libai klen hubin oldei garrimapbat det Seikridwan Boks. Ol detlot pipul bin jandap langa det dubala hil dumaji longtaim Mosis det wekinmen blanga YAWEI bin dalim olabat blanga jandap lagijat na wen dei garra irrim det lowa deya gin langa det kantri en meigim miselp gudbinji.