Nambas 14:6 - Kriol Baibul

⁶ En Joshuwa, det san blanga Nan, en Keilab det san blanga Jefana, det dubala na hubin lukaran snikinbalawei langa det kantri, dubala bin brabli nogudbinji en dubala bin breigim dubala klos.

Nambas 14:6 Iomraidhean Croise

Jenasis 37:29

Bambai na Rubin bin kambek langa det wel. Bat Josef nomo bin deya, en Rubin bin kraikrai blanga im braja detmatj, en imbin breigim im ronwan klos blanga sori miselp.

Jenasis 37:34

Wal wen det olmen Jeikob bin gedim det bednyus, imbin breigim im ronwan klos dumaji imbin nogudbinji, en imbin werrimon sekbeigwan klos weya imbin kraikrai nomo lilbit fo longtaim.

Jenasis 44:13

Wal ola braja bin hatjamp detmatj, en deibin breigim olabat ron klos dumaji deibin brabli nogudbinji. Brom deya deibin loudimap ola dongki, en deibin gobek langa det taun,

Sekan Semyul 3:31

Wal afta na King Deibid bin dalim Jowab en detlot solja blanga im blanga breigim olabat klos en blanga werrimon sekbeigwan klos blanga kraikrai blanga Ebna. En wen deibin abum det fyunral, Deibid bin bulurrumbat det boks biyain blanga shoum rispek langa Ebna.

Sekan Kings 18:37

Brom deya det thribala wekinmen, Eliyakim, Shebna en Jowa bin terrimap olabat klos dumaji deibin brabli nogudbinji, en deibin go en dalim King Hesakaiya wanim det boswan wekinmen blanga Asiriya bin tok.

Job Wotfo Gudbala Pipul Abum Trabul? 1:20

Wal wen Job bin irrim ol dislot nyus imbin breigim im klos en sheibum im hed, dumaji imbin brabli nogudbinji. En imbin nildan langa graun en imbin weship langa God.

Nambas 13:30

Bat Keilab bin dalim detlot pipul blanga jidan, en imbin tok, “Wi garra go na, en teikoba det kantri. Wi strongbala blanga fait indit?”

Nambas 14:24

Bat dumaji main wekinmen Keilab garram difrinwan main en im oldei duwit langa mi, ai garra bringimap im langa det kantri weya imbin luk basdam, en im bigininimob garra jidan langa det kantri, weya detlot Amalekait traib en detlot Keinanait traib jidan. Tumorro na yu tenaran en gobek langa det deset kantri langa det solwoda gulum Redsi.” Lagijat na YAWEI bin tok.

Nambas 14:30

Aibin meigim dijan pramis wulijim yumob gin jidan deya, bat nomo enibodi kaan jidan deya, oni Keilab en Joshuwa.

Nambas 14:38

Brom detlot twelbala men oni Joshuwa en Keilab bin jidan laibala.

Nambas 14:5

Afta Mosis en Eran bin baudan langa graun lida langa detlot pipul.

Nambas 14:7

En dubala bin tok langa detlot pipul, “Det kantri wibin lukaran im brabli gudbala kantri.

Methyu 26:65

Wal wen Jisas bin tok lagijat, det boswan haibala serramonimen bin breigim im ronwan klos, dumaji imbin gitwail, en imbin jingat, “Im laiyinbala! Wi nomo wandim enimo witnis na! Yumob bin irrim im mokimbat God imselp, en imbin trai en meigim imselp seim laik God du.

Mak Bin Dalim Ola Stori Blanga Jisas 14:63

Wal wen Jisas bin tok lagijat, det boswan serramonimen bin breigim im klos, dumaji imbin gitwail, en imbin jingat, “Wi nomo wandim enimo witnis na!

Eks Hau Det Gudnyus Blanga Jisas Krais Bin Spredat Ebriweya 14:14

Wal wen Banabas en Pol bin irrim wanim detlot pipul garra dum blanga dubala, dubala bin breigim dubala klos, dumaji dubala bin apset, en dubala bin ran langa midul langa detlot pipul, en dubala bin jinginat.

Joshuwa 14:6

Bambai na wandei sambala pipul brom Juda klen bin kaman langa Joshuwa deya langa det pleis gulum Gilgel weya imbin oldei kemp. Wan men deya bin neim Keilab. Imbin brom det femili gulum Kenasait, en im dedi bin neim Jefana. Wal Keilab bin dalim Joshuwa, “Yu jinggabat na wanim YAWEI bin dalim Mosis blanga yunmi longtaim deya langa det pleis gulum Keidishbaniya.

Joshuwa 7:6

Wal Joshuwa en ola najalot boswan bin brabli nogudbinji, en deibin breigim olabat klos en pudum das langa olabat hed blanga sori miselp, en deibin tjakam miselp lobala langa graun lida langa det Seikridwan Boks blanga YAWEI, en deibin leidan deya raidap sangodantaim,

Jadjis 11:35

en wen Jeftha bin luk det gel, imbin brabli nogudbinji, dumaji imbin abum oni det wanbala gel na, en Jeftha bin breigim im ronwan klos, dumaji imbin sori miselp en imbin jingat langa det gel, “Main gel! Yubin meigim mi brabli nogudbinji. Wotfo yubin meigim mi brabli nogudbinji? Aibin meigim pramis langa YAWEI, en ai kaan breigim det pramis.”