Nambas 14:34 - Kriol Baibul

³⁴ Wal yumob garra wokaran langa dijan deset kantri blanga 40 yiya, dumaji yumob bin lukaran det kantri aibin pramis yumob blanga 40 dei. Yumob garra wokaranbat blanga 40 yiya, en yumob garra sabi wanim im laik wen ai panishim yumob.

Nambas 14:34 Iomraidhean Croise

Fes Kings 8:56

“Preisim YAWEI hubin meigim im pipul olabat jidan gudwei, jis laik wen imbin pramis. Imbin kipum ola gudwan pramis imbin meigim thru langa im wekinmen Mosis.

Sekan Kranakuls 36:21

Juda bin jidan emtiwan kantri, en imbin jidan lagijat fo 70 yiya. Dijan bin jis laik det Sebathdei spel weya det kantri nomo bin abum bifo. Ol dislot ting bin hepin jis laik Jeramaiya det speshalwan mesinja blanga YAWEI bin tok.

Ola Saam 105:42

Imbin jinggabat im seikridwan pramis langa Eibrahem, im wekinmen.

Ola Saam 38:4

Mi jidan giltiwan en im gaburrumap mi brabliwei, jis laik fladwoda. Im tumatj blanga mi blanga hendulum. Im jis laik det hebiwan loud weya mi garrimap.

Ola Saam 77:8

Maitbi imbin stap laigimbat wi? Maitbi im garra stapam det pramis weya imbin meigim longtaim?

Ola Saam 95:10

Blanga 40 yiya ai nomo bin gudbinji langa detlot pipul. Aibin tok, ‘Olabat nomo garram eni rispek blanga mi. Olabat nomo teiknodis langa ol main lowa.’

Isikiyel 14:10

Det speshalwan mesinja, en enibodi hu askimbat det speshalwan mesinja blanga gibitbat im wed, det dubala garra abum det seimwan panishmen.

Isikiyel 23:35

Dumaji yubin fogedabat langa mi en bin gibit mi bekboun en bin oldei dumbat ol dislot nogudbala ting, wal ai garra panishim yu brabliwei.” Lagijat na YAWEI det boswan God bin tok.

Isikiyel 4:6

Afta na yu garra tenim miselp langa yu raidensaid fo 40 dei. Detlot Juda pipul bin dum ola nogudbala ting fo 40 yiya. Wal yu garra deigim det panishmen blanga detlot Juda pipul fo 40 dei. Tharran na im blanga wan dei blanga ebriyiya.

Denyul 9:24

“Wal afta, wen 490 yiya garra gopas, God garra larramgo fri detlot pipul blanga yu en det seikridwan taun brom ola nogudbala ting blanga olabat. God garra larramgo olabat fri brom ol det nogudbalawei. Im garra tridim olabat raitwei en gibit olabat feyago olagijawan. Lagijat na det drim en det wed brom God garra jidan trubalawan, en det Serramoni Pleis garra jidan seikridwan igin.

Hoseiya 9:12

Bat if yumob stil growimap biginini olabat, wal ai garra deigidawei olabat brom yumob. En wen ai libum ol yumob Isreil pipul, olkain trabul garra kaman langa yumob.” Lagijat na YAWEI bin tok.

Labidakas 20:19

“En if eni men silipsilipbat garram im anti, wal dubala mijamet garra abum det panishmen blanga det brabli nogudbala ting dubala bin dum.

Sekaraiya 11:10

En aibin gajim det wadi garram det neim “Kainbala” en aibin breigim im. En tharran bin det pitja blanga ola pipul blanga gibit olabat det wed brom YAWEI. Imbin meigim det strongwan pramis blanga kain langa olabat bat najing na. Imbin deigimbek det strongwan pramis blanga im na. Sambala pipul hubin abum adtaim bin lukinat mi en deibin sabi God bin gibit olabat det wed lagijat.

Nambas 13:25

Afta wen deibin binij lukaranbat det kantri blanga 40 dei, detlot men bin gobek langa Mosis en Eran en holot detlot Isreil pipul bin jidan langa Keidish deya langa det deset gulum Paran. Deibin dalim olabat wanim deibin luk en bin shoum olabat det frut daga weya deibin bringimbek langa olabat.

Nambas 18:23

Brom tudei na oni det Libai klen garra maindimbat det Seikridwan Tent, en olabat na garra jidan boswan. Dijan na det brabliwan lowa ai gibit langa yumob en yumob bigininimob. Det Libai klen kaan abum eni kantri langa Isreil.

Nambas 32:13

Wal YAWEI bin wail langa detlot pipul en imbin meigim olabat wok langa det deset kantri blanga 40 yiya, raidap detlot hubin meigim YAWEI nogudbinji bin ol dai.

Eks Hau Det Gudnyus Blanga Jisas Krais Bin Spredat Ebriweya 13:18

en imbin lukaftumbat olabat fo 40 yiya deya langa det deset kantri.

Dyudaranami 2:7

“Wal yumob garra jinggabat na weya YAWEI bin album yumob garram ebrijing weya yumob bin dumbat, en imbin lukaftumbat yumob langa dijan bigwan deset kantri. Imbin deya garram yumob langa det 40 yiya na, en imbin gibit yumob ola ebrijing weya yumob bin wandim.

Hibrus 4:1

Bat det gudbala kantri weya God bin pramis nomo bin binij. Det kantri im stil opin blanga detlot pipul hu bilib langa God brabliwei, en wi garra wotjim miselp brabliwei en meiksho wi nomo misat blanga go langa det gudbala kantri, dumaji wibin irrim det gudnyus jis laik detlot pipul bin irrim.

Joshuwa 14:10

“Wal dijan im longtaim na wen YAWEI bin dalim Mosis blanga gibit mi det kantri. Imbin 45 yiya raidap tudei dumaji imbin meigim det pramis wen wibin deya langa det deset kantri, en YAWEI bin meigim mi jidan laibala longtaim. Yu luk mi na!

Rebaleishan 11:3

Wal mi, ai garra jandim dubala witnis langa det taun. Dubala garra werrimon sekbeigwan klos, en dubala garra spredimat speshalwan wed main. Dubala garra dum lagijat olawei langa det 4 yiya.” Lagijat na det sambodi bin tok.

Fes Semyul 2:30

Wal God bin kipgon tok langa Ilai, “Mi na YAWEI blanga ola Isreil pipul, en aibin meigim pramis langa yu grengrenfathamob. Aibin dalim olabat ola femili blanga olabat en det femili blanga yu garra jidan serramonimen blanga mi olawei. Bat najing na. Ai dalim yu. Ai garra gudbinji langa detlot pipul hu oldei shoum rispek langa mi. Bat ai garra panishim detlot pipul hu nomo shoum rispek langa mi.