Nambas 14:3 - Kriol Baibul

³ Wotfo YAWEI det trubala God bin wandi deigim melabat langa det kantri? Melabat garra gitkil langa wo, en olabat garra gajim melabat waif en bigininimob. Mobeda melabat lafta gobek langa Ijip.”

Nambas 14:3 Iomraidhean Croise

Niyamaiya 9:17

Dei nomo bin laigim dumbat wanim yubin dalim olabat, en deibin fogedabat ol detlot ting yubin dumbat blanga album olabat. Deibin gibit bekboun langa yu. En deibin pikimat wanbala men blanga deigimbek olabat langa Ijip en jidan jis laiga prisana en dumbat ola adwek. Bat yu na det God hu oldei larramgo pipul fri brom olabat nogudbalawei. Yu kain en gudbinji langa pipul. Yu nomo gitwail kwikbala. Yu laigim pipul detmatj. Yu nomo bin gowei en libum melabat grengrenfatha olabat.

Ola Saam 78:40

Lodataim deibin gibit im bekboun. Detmatj taim deibin oldei meigim im fil nogudbinji.

Eksadas 16:3

“Wotfo yunbala bin bringimap melabat blanga meigim melabat dai iya langa dijan deset kantri nomo garram daga? Melabat bin abum loda bif en olkain daga deya langa Ijip. Mobeda YAWEI det trubala God bina meigim melabat dai deya.”

Eksadas 5:21

en olabat bin gitwail langa dubala, en deibin tok, “YAWEI det trubala God bin luk wanim yunbala bin dum, en im garra panishim yunbala, dumaji yunbala bin meigim det king en ola boswan nomo laigim melabat, en yunbala bin meigim olabat wandi kilim melabat.”

Jeramaiya 42:19

Wal aibin kipgon tok, “YAWEI bin dalim yumob pipul hu stil jidan iya langa Juda, yu kaan go langa Ijip. Wal ai garra wonim yumob na.

Jeramaiya 9:3

Olabat oldei redi blanga dalimbat laiya, en olabat laiyinbalawei jidan bos langa dijan kantri.” Lagijat na aibin tok. Wal YAWEI det trubala God bin tok na, “Main pipul olabat kipgon dumbat nogudbala ting, en olabat nomo sabi mi blanga olabat God.

Nambas 16:13

Dijan im naf. Yubin bringimap melabat brom det gudwan kantri Ijip blanga kilim melabat iya langa dijan deset kantri. Wotfo yu oldei bos oba langa melabat?

Nambas 20:3

En olabat bin stat grambulbat na, “Im mobeda if melabat bina dai lida langa det Seikridwan Tent blanga YAWEI garram melabat kantrimen olabat.

Eks Hau Det Gudnyus Blanga Jisas Krais Bin Spredat Ebriweya 7:39

“Bat wi grengrenfatha olabat nomo bin wandi duwit langa Mosis. Deibin tenawei brom im, en deibin wandi gobek langa Ijip,

Dyudaranami 1:39

“Brom deya YAWEI bin tok langa wi, ‘Wal yumob na bin reken ola enami garra deigimwei ol yumob bigininimob, bat najing. Detlot biginini nomo bin sabi enijing, dumaji deibin ol lilwan. Wal mi na garra gibit olabat det kantri en olabat garra teikoba det kantri.