Nambas 14:19 - Kriol Baibul

¹⁹ YAWEI, yu brabli kainbala, en yu nomo tjeinjim yu main. Yu brabli haibala YAWEI, en ai askim yu blanga larramgo olabat fri brom olabat nogudbalawei, laik yubin oldei larramgo olabat fri wen olabat bin gowei brom Ijip.” Lagijat na Mosis bin prei.

Nambas 14:19 Iomraidhean Croise

Fes Kings 8:34

wal yu lisin langa olabat brom deya langa skai. Larramgo ola pipul fri brom ol detlot nogudbala ting en bringimbek olabat langa det kantri weya yubin gibit langa olabat femilimob longtaim.

Ola Saam 106:45

Imbin jinggabat im strongbala pramis imbin meigim garram olabat. En dumaji imbin laigim olabat detmatj, imbin holdimbek miselp.

Ola Saam 78:38

Bat God bin sori langa im pipul olabat. Imbin larramgo olabat fri brom olabat nogudbalawei en im nomo bin binijimap olabat. Lodataim God bin oldei holdimbek miselp en nomo gitwail langa olabat.

Ola Saam 85:2

Yu nomo bin peiyimbek yu pipul olabat blanga olabat nogudbalawei, en yubin meigim olabat fri.

Eksadas 32:32

Wal yu larramgo olabat fri brom det ting. En if yu kaan larramgo olabat, wal yu garra rabumat main neim brom det buk weya yubin raidimdan ola neim blanga yu pipul olabat.”

Eksadas 33:17

Wal YAWEI bin tok, “Ai garra duwit langa yu, dumaji ai sabi yu brabli, en yu meigim mi gudbinji.”

Eksadas 34:9

en imbin tok, “If yu gudbinji langa mi brabliwei, wal yu garra kaman garram melabat. Ai sabi ol detlot Isreil pipul dei brabli adbala pipul. Bat yu larramgo melabat fri brom melabat nogudbalawei en brom ola nogudbala ting weya melabat bin dumbat, en yu meigim melabat yu ronwan pipul.”

Aisaiya 55:7

Yumob tjakidawei detlot nogudbalawei blanga yumob, en stap jinggabat ola nogudbalawei. Kambek langa YAWEI det trubala God blanga wi. Im garra fil sori blanga yumob, en im garra larramgo yumob fri brom ola nogudbalawei blanga yumob.

Denyul 9:19

YAWEI, yu irrim melabat! YAWEI, yu larramgo melabat fri brom melabat nogudbalawei! YAWEI, yu irrim melabat en yu dum gudbala ting blanga melabat! Yu garra kaman kwikbala blanga albumbat Jerusalem en dislot pipul blanga yu wulijim ebribodi garra sabi yu na God.” Lagijat na Denyul bin prei langa God.

Eimos 7:2

En afta aibin luk ol detlot grashopa bin dagat ola daga weya ola pipul bin growimap langa det kantri. En aibin tok, ‘YAWEI, yu na det boswan God. Yu sori langa ol yu Isreil pipul en yu larramgo olabat. Olabat brabli wikwan en olabat kaan album miselp. Hau dei garra jidan laibala, brom detlot grashopa weya yubin jandim?’

Eimos 7:5

En aibin tok, ‘YAWEI det boswan God, yu nomo dum lagijat. Hau detlot pipul garra jidan laibala na? Olabat brabli wikwan en olabat kaan album miselp.’

Jona 3:10

Wal God bin luk wanim detlot pipul bin dum, en imbin luk olabat bin libum olabat nogudbalawei, en imbin gudbinji langa olabat, en imbin jinggabat nomo blanga panishim olabat na.

Jona 4:2

en imbin tok, “YAWEI, basdam bifo aibin libum main kemp yubin dalim mi blanga go langa det taun en dalim detlot pipul yu garra panishim olabat, indit? Bat aibin sabi yu kaan panishim olabat. En blanga tharran na aibin trai ranawei langa det longweiwan kantri. “Ai sabi wotkain God yu. Yu laigim olkain pipul, en yu sori langa olabat, en yu nomo gitwail streidawei, dumaji yu gudbala langa olabat, en yu oldei jinggabat nomo blanga panishim olabat.

Maika 7:18

“YAWEI, yu na det trubala God, en nobodi jidan laik yu. Wal yu larramgo fri ol detlot pipul blanga yu hu stil jidan laibala. Yu larramgo olabat fri brom ol detlot nogudbala ting weya deibin dumbat, dumaji yu kaan wail olagijawan. Im meigim yu gudbinji wen yu shoum melabat yu kipgon laigimbat melabat.

Hebakak 3:2

“YAWEI, aibin irrim wanim yubin dum. Aibin brabli hatjamp en yubin meigim mi brabli gudbinji detmatj blanga ebrijing yubin dum. Mi wandim yu blanga dum diskain ting igin tudei, detlot gudbala ting yubin oldei dumbat bifo. En ai askimbat yu blanga kain langa melabat nomeda yu gitwail.

Nambas 23:21

Ai sabi wanim garra hepin langa detlot Isreil pipul. Dei kaan abum eni prablam o trabul, najing. YAWEI det trubala God blanga olabat im deya garram olabat. Olabat jingatbat, ‘God im melabat king!’

Jeims 5:15

En wen dei prei lagijat en dei bilib brabliwei, wal Jisas Krais det Bos blanga wi garra meigim det sikwan gudbala. En if det sikwan bin dumbat eni nogudbala ting, wal Jisas Krais det Bos blanga wi garra meigim im fri brom ol detlot nogudbala ting.