Nambas 14:18 - Kriol Baibul

¹⁸ ‘Wal mi na YAWEI det trubala God, en mi nomo gitwail kwikbala. Mi laigim yumob brabliwei en mi oldei kain langa yumob en fil rili sori blanga yumob nogudbalawei weya yumob oldei dumbat. Bat ai stil garra panishim ola biginini blanga yumob en ola biginini blanga olabat du, blanga yumob mami en dedi nogudbalawei.’ Lagijat na YAWEI yubin tok basdam.

Nambas 14:18 Iomraidhean Croise

Niyamaiya 9:17

Dei nomo bin laigim dumbat wanim yubin dalim olabat, en deibin fogedabat ol detlot ting yubin dumbat blanga album olabat. Deibin gibit bekboun langa yu. En deibin pikimat wanbala men blanga deigimbek olabat langa Ijip en jidan jis laiga prisana en dumbat ola adwek. Bat yu na det God hu oldei larramgo pipul fri brom olabat nogudbalawei. Yu kain en gudbinji langa pipul. Yu nomo gitwail kwikbala. Yu laigim pipul detmatj. Yu nomo bin gowei en libum melabat grengrenfatha olabat.

Job Wotfo Gudbala Pipul Abum Trabul? 21:19

“Maitbi yumob garra tok, ‘God garra panishim detlot biginini blanga detlot nogudbala pipul, en nomo detlot nogudbala pipul.’ “Bat ai tok, ‘Larram God panishim detlot hu oldei dumbat nogudbala ting raidap olabat garra filim wanim im oldei dum langa olabat.’

Ola Saam 103:8

YAWEI det trubala God im brabli kainbala, en im laigim im pipul olabat detmatj. Im kaan gitwail kwikbala, en im kipgon laigimbat im pipul.

Ola Saam 108:4

Yu filing blanga kipgon laigimbat pipul im jidan ebriweya, brom longwei ontop raitdan langa graun. Yu trubalawei im gajimap det skai.

Ola Saam 109:14

YAWEI, yu garra oldei jinggabat ol detlot nogudbalawei blanga im grengrenfatha olabat, en yu nomo larram im mami go fri brom im nogudbalawei.

Ola Saam 145:8

YAWEI laigim pipul en im garram soriwan filing blanga olabat. Im nomo gitwail kwikbala en olataim im garram det filing blanga laigim pipul olagijawan.

Ola Saam 78:38

Bat God bin sori langa im pipul olabat. Imbin larramgo olabat fri brom olabat nogudbalawei en im nomo bin binijimap olabat. Lodataim God bin oldei holdimbek miselp en nomo gitwail langa olabat.

Ola Saam 86:15

Bat yu na main God. Yu jidan garram kainbalawan en soriwan filing, en yu laigimbat pipul olataim. Yu nomo gitwail kwikbalawei, najing. Yu oldei jidan kainbala en yu truwan.

Eksadas 20:5

Yumob nomo lau blanga baudan langa enikain ting en weship langa im, dumaji mi na YAWEI det God blanga yumob, en ai nomo laigim enijing blanga deigim main pleis. Ai garra panishim ol detlot pipul hu nomo laigim mi, en ai garra meigim det panishmen jidan langa olabat biginini raidap langa det namba 4 jinareishan.

Eksadas 20:6

Bat detlot pipul hu laigim mi en bulurrum ol detlot lowa main, ai garra shoum olabat ai laigim olabat du. Ai garra shoum loda pipul ai laigim olabat brabliwei.

Jeramaiya 23:2

Yumob nomo bin lukaftumbat main pipul olabat. Yumob bin spredimat olabat en yumob bin andimwei olabat. Wal ai garra panishim yumob blanga ol detlot nogudbala ting weya yumob bin oldei dumbat.

Jeramaiya 32:18

Yubin shoum bigismob yu kipgon laigim olabat detmatj, bat yu panishim ola pipul blanga ola nogudbalawei weya olabat mami en dedi bin dum. Yu brabli haibala God garram detmatj pawa. Yu neim na YAWEI det boswan God.

Leminteishans 5:7

“Blanga melabat grengrenfathamob bin oldei dumbat nogudbala ting, bat deibin ol binij na. En wi abumbat detlot trabul en panishmen blanga detlot nogudbala ting na.

Jona 4:2

en imbin tok, “YAWEI, basdam bifo aibin libum main kemp yubin dalim mi blanga go langa det taun en dalim detlot pipul yu garra panishim olabat, indit? Bat aibin sabi yu kaan panishim olabat. En blanga tharran na aibin trai ranawei langa det longweiwan kantri. “Ai sabi wotkain God yu. Yu laigim olkain pipul, en yu sori langa olabat, en yu nomo gitwail streidawei, dumaji yu gudbala langa olabat, en yu oldei jinggabat nomo blanga panishim olabat.

Maika 7:18

“YAWEI, yu na det trubala God, en nobodi jidan laik yu. Wal yu larramgo fri ol detlot pipul blanga yu hu stil jidan laibala. Yu larramgo olabat fri brom ol detlot nogudbala ting weya deibin dumbat, dumaji yu kaan wail olagijawan. Im meigim yu gudbinji wen yu shoum melabat yu kipgon laigimbat melabat.

Nambas 14:17

Wal YAWEI ai prei langa yu. Yu shoum melabat yu pawa na en dum wanim yubin pramis langa melabat. Yubin tok,

Nambas 23:21

Ai sabi wanim garra hepin langa detlot Isreil pipul. Dei kaan abum eni prablam o trabul, najing. YAWEI det trubala God blanga olabat im deya garram olabat. Olabat jingatbat, ‘God im melabat king!’

Romans 5:21

Yu si? Pipul bin oldei dum nogudbala ting, en detlot nogudbala ting weya deibin oldei dumbat bin oldei meigim olabat dai. Bat God bin brabli kainbala langa wi, dumaji imbin meigim wi jidan raitwei langa im thru Jisas Krais det Bos blanga wi, en imbin gibit wi det olagijawan laif weya kaan neba binij.

Dyudaranami 5:10

Bat detlot pipul hu laigim mi en bulurrum main lowa, ai garra shoum olabat ai laigim olabat du. Ai garra shoum loda pipul ai laigim olabat brabliwei.

Dyudaranami 5:9

Yumob nomo lau blanga nildan langa enikain drimin sheip en nomo weship langa detkain ting, dumaji mi na YAWEI det trubala God blanga yumob, en mi jelas en mi nomo laigim enijing blanga deigim main pleis. En ai garra panishim ol detlot pipul hu gibit mi bekboun, en detlot bigininimob blanga olabat weya garra kaman afta raidap langa det namba 4 jinareishan.

Dyudaranami 7:10

bat im kaan holdimbek miselp blanga panishim ol detlot pipul hu gibit bekboun langa im.

Dyudaranami 7:9

Yumob garra jinggabat YAWEI det trubala God blanga wi. Im det wanbala God na, en im brabli trubalawan. Im garra kipum im brabli strongbala pramis weya im oldei kipgon laigim detmatj ola pipul hu laigim im en teiknodis langa im lowa,