Nambas 14:14 - Kriol Baibul

¹⁴ dei garra dalim detlot pipul hu jidan langa Keinan. Dislot pipul bin irrimbat hau yu na YAWEI oldei jidan gulijap langa yu pipul olabat, en hau yu klaud oldei stap oba langa melabat. Olabat sabi yu, en hau yu oldei go lida langa melabat garram klaud deitaim, en garram det faiya naitaim.

Nambas 14:14 Iomraidhean Croise

Jenasis 32:30

Wal Jeikob bin jinggabat tharran en imbin tok, “Garram main ron ai aibin luk God, en ai nomo bin dai. Mi stil jidan laibala. Wal ai garra gibit neim langa dijan pleis. Ai garra gulum dijan pleis Piniyal, dumaji det neim im tok Feis Blanga God.”

Niyamaiya 9:12

Yubin go lida langa yu pipul olabat garram longwan klaud deitaim, en garram longwan faiya naitaim.

Niyamaiya 9:19

bat stil yu nomo bin gowei en libum olabat deya langa det bush kantri dumaji yu brabli kainbala. Yu nomo bin deigidawei det klaud o det faiya. Yubin libum dubala blanga shoum olabat det wei, deitaim en naitaim.

Ola Saam 105:39

God bin pudum klaud ontop langa im pipul olabat, en faiya naitaim blanga gibit olabat lait.

Ola Saam 78:14

Deitaim imbin oldei lidim olabat garram klaud, en naitaim faiya bin oldei barnbarn blanga lidim olabat.

Eksadas 15:14

Wen ola najalot pipul garra irrim dis stori, dei garra bradin brabliwei. Wen ola Filastain pipul garra irrim dis stori, dei garra bradin brabliwei.

Eksadas 33:11

Wal YAWEI bin oldei tok brom det klaud langa Mosis jis laik dubala men tok gija, en afta Mosis bin oldei gobek langa kemp. Bat det yangmen hubin oldei album Mosis bin oldei jidan deya langa det Seikridwan Tent wen Mosis nomo bin deya. Det men bin neim Joshuwa, en im dedi bin neim Nan.

Eksadas 40:38

Wal olataim wen detlot Isreil pipul bin jidan langa det bush kantri, deibin oldei luk det klaud blanga YAWEI bin oldei gaburrumap det Seikridwan Tent deitaim en det faiya blanga im bin oldei barn ontop langa det Tent naitaim. Binij na.

Nambas 10:34

Wen olabat bin shifdim kemp, det klaud blanga YAWEI bin oldei jidan ontopwei langa olabat.

Nambas 12:8

Dumaji mi oldei tok langa im feis du feis en nomo trikibalawei, en imbin luk langa mi du. Wal yunbala kaan tok rafwei blanga Mosis.” Lagijat na YAWEI bin tok.

Jon Bin Dalim Det Gudnyus Blanga Jisas Det San Blanga God 1:18

Wal nobodi bin luk God. Oni det ronwan San blanga im bin luk im, dumaji det San na God, en im jidan wansaid langa im Dedi, en imbin shoum wi hu God.

Jon Bin Dalim Det Gudnyus Blanga Jisas Det San Blanga God 14:9

Wal Jisas bin dalim im, “Filip, brom longtaim aibin jidan garram yumob. Bat stil yu nomo sabi mi brabliwei, dumaji yubin dalim mi blanga shoum yu main Dedi. Bat ai dalim yu. Ebribodi hubin luk mi bin luk main Dedi du.

Fes Karinthiyans 13:12

Yu si? Wi gin luk God oni lilbit tudei. Bat bambai garram wi ron ai wi garra luk im brabliwei. En wi sabi im oni lilbit tudei. Bat bambai wi garra sabi im brabliwei jis laik im sabi wi brabliwei.

Dyudaranami 1:19

Wal Mosis bin kipgon tok, “Wal wibin dum wanim YAWEI det trubala God blanga wi bin dalim wi strongbalawei. Wibin libum det hil gulum Sainai en wibin go thru langa det nogudwan deset kantri en wibin kamat langa det taun gulum Keidishbaniya.

Dyudaranami 34:10

Wal nomo eni speshalwan mesinja laik Mosis bin jidan langa detlot Isreil pipul dumaji YAWEI bin tok garram im feis tu feis.

Dyudaranami 5:24

en deibin tok, ‘Tudei wen melabat bin lisin langa YAWEI tok brom det faiya melabat bin sabi blanga im shainiwan lait en pawa. Imbin tok langa melabat bat im nomo bin kilim melabat ded. Wal melabat sabi im gin dum lagijat en nomo kilim pipul ded wen im tok langa pipul.

Dyudaranami 5:4

Deya ontop langa det bigwan hil YAWEI bin tok langa yumob brom insaid langa det faiya.

Joshuwa 5:1

Wal brom deya det nyus weya YAWEI det trubala God bin draiyimap det Jodan Riba bin spredat ebriweya. Det nyus bin go raidap langa ola king blanga ola Emarait pipul sangodansaid brom det riba, en det nyus bin go raidap langa ola king blanga ola Keinanait pipul gulijap langa det solwoda gulum Medatareiniyan, en wen detlot king bin irrim det nyus, deibin ol bradin, en dei nomo bin sabi wanim dei garra dum.

Fes Jon 3:2

Wal main gudfren olabat, wi jidan biginini blanga God na. Bat wi nomo sabi hau wi garra jidan bambai. Bat wi sabi wen Jisas Krais garra kambek, wi garra jidan seimwei laik im, dumaji det taim na wi garra luk im brabliwei hau im jidan.